کہاں قطرہ کی غم خواری کرے ہے — وسیم بریلوی
شاعر
کہاں قطرہ کی غم خواری کرے ہے
کہاں قطرہ کی غم خواری کرے ہے
سمندر ہے اداکاری کرے ہے
کوئی مانے نہ مانے اس کی مرضی
مگر وہ حکم تو جاری کرے ہے
نہیں لمحہ بھی جس کی دسترس میں
وہی صدیوں کی تیاری کرے ہے
بڑے آدرش ہیں باتوں میں لیکن
وہ سارے کام بازاری کرے ہے
ہماری بات بھی آئے تو جانیں
وہ باتیں تو بہت ساری کرے ہے
یہی اخبار کی سرخی بنے گا
ذرا سا کام چنگاری کرے ہے
بلاوا آئے گا چل دیں گے ہم بھی
سفر کی کون تیاری کرے ہے
Kahan qatra ki gham-khwari kare hai
Kahan qatra ki gham-khwari kare hai
Samundar hai adakaari kare hai
Koi maane na maane us ki marzi
Magar woh hukm to jaari kare hai
Nahin lamha bhi jis ki dastaras mein
Wahi sadiyon ki tayyari kare hai
Bade aadarsh hain baaton mein lekin
Woh saare kaam bazaari kare hai
Hamari baat bhi aaye to jaanen
Woh baaten to bahut saari kare hai
Ye akhbar ki surkhi banega
Zara sa kaam chingari kare hai
Bulawa aayega chal denge hum bhi
Safar ki kaun tayyari kare hai
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں