کہاں ثواب کہاں کیا عذاب ہوتا ہے — وسیم بریلوی
شاعر
کہاں ثواب کہاں کیا عذاب ہوتا ہے
کہاں ثواب کہاں کیا عذاب ہوتا ہے
محبتوں میں کب اتنا حساب ہوتا ہے
بچھڑ کے مجھ سے تم اپنی کشش نہ کھو دینا
اداس رہنے سے چہرا خراب ہوتا ہے
اسے پتا ہی نہیں ہے کہ پیار کی بازی
جو ہار جائے وہی کامیاب ہوتا ہے
جب اس کے پاس گنوانے کو کچھ نہیں ہوتا
تو کوئی آج کا عزت مآب ہوتا ہے
جسے میں لکھتا ہوں ایسے کہ خود ہی پڑھ پاؤں
کتاب زیست میں ایسا بھی باب ہوتا ہے
بہت بھروسہ نہ کر لینا اپنی آنکھوں پر
دکھائی دیتا ہے جو کچھ وہ خواب ہوتا ہے
Kahan sawab kahan kya azab hota hai
Kahan sawab kahan kya azab hota hai
Mohabbaton mein kab itna hisab hota hai
Bichhad ke mujh se tum apni kashish na kho dena
Udaas rehne se chehra kharab hota hai
Use pata hi nahin hai ke pyar ki baazi
Jo haar jaaye wahi kamyab hota hai
Jab us ke paas ganwaane ko kuch nahin hota
To koi aaj ka izzat-ma'aab hota hai
Jise main likhta hoon aise ke khud hi padh paoon
Kitab-e-zeest mein aisa bhi baab hota hai
Bahut bharosa na kar lena apni aankhon par
Dikhai deta hai jo kuch woh khwab hota hai
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں