خواب نہیں دیکھا ہے — وسیم بریلوی
شاعر
خواب نہیں دیکھا ہے
میں نے مدت سے کوئی خواب نہیں دیکھا ہے
رات کھلنے کا گلابوں سے مہک آنے کا
اوس کی بوندوں میں سورج کے سما جانے کا
چاند سی مٹی کے ذروں سے صدا آنے کا
شہر سے دور کسی گاؤں میں رہ جانے کا
کھیت کھلیانوں میں باغوں میں کہیں گانے کا
صبح گھر چھوڑنے کا دیر سے گھر آنے کا
بہتے جھرنوں کی کھنکتی ہوئی آوازوں کا
چہچہاتی ہوئی چڑیوں سے لدی شاخوں کا
نرگسی آنکھوں میں ہنستی ہوئی نادانی کا
مسکراتے ہوئے چہرے کی غزل خوانی کا
تیرا ہو جانے ترے پیار میں کھو جانے کا
تیرا کہلانے کا تیرا ہی نظر آنے کا
میں نے مدت سے کوئی خواب نہیں دیکھا ہے
ہاتھ رکھ دے مری آنکھوں پہ کہ نیند آ جائے
Khwab nahin dekha hai
Main ne muddat se koi khwab nahin dekha hai
Raat khulne ka gulabon se mehak aane ka
Oos ki boondon mein suraj ke sama jaane ka
Chand si mitti ke zarron se sada aane ka
Shehar se door kisi gaon mein reh jaane ka
Khet khaliyaanon mein baghon mein kahin gaane ka
Subah ghar chhodne ka der se ghar aane ka
Behte jharno ki khanakti hui awazon ka
Chahchahati hui chidiyon se ladi shakhon ka
Nargisi aankhon mein hansti hui nadaani ka
Muskurate hue chehre ki ghazal khwani ka
Tera ho jaane tere pyar mein kho jaane ka
Tera kahlaane ka tera hi nazar aane ka
Main ne muddat se koi khwab nahin dekha hai
Haath rakh de meri aankhon pe ke neend aa jaaye
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں