کچھ اتنا خوف کا مارا ہوا بھی پیار نہ ہو — وسیم بریلوی
شاعر
کچھ اتنا خوف کا مارا ہوا بھی پیار نہ ہو
کچھ اتنا خوف کا مارا ہوا بھی پیار نہ ہو
وہ اعتبار دلائے اور اعتبار نہ ہو
ہوا خلاف ہو موجوں پہ اختیار نہ ہو
یہ کیسی ضد ہے کہ دریا کسی سے پار نہ ہو
میں گاؤں لوٹ رہا ہوں بہت دنوں کے بعد
خدا کرے کہ اسے میرا انتظار نہ ہو
ذرا سی بات پہ گھٹ گھٹ کے صبح کر دینا
مری طرح بھی کوئی میرا غم گسار نہ ہو
دکھی سماج میں آنسو بھرے زمانے میں
اسے یہ کون بتائے کہ اشک بار نہ ہو
گناہ گاروں پہ انگلی اٹھائے دیتے ہو
وسیمؔ آج کہیں تم بھی سنگسار نہ ہو
Kuch itna khauf ka mara hua bhi pyar na ho
Kuch itna khauf ka mara hua bhi pyar na ho
Woh e'tibar dilaye aur e'tibar na ho
Hawa khilaf ho maujon pe ikhtiyar na ho
Ye kaisi zid hai ke darya kisi se paar na ho
Main gaon laut raha hoon bahut dinon ke baad
Khuda kare ke use mera intezar na ho
Zara si baat pe ghut ghut ke subh kar dena
Meri tarah bhi koi mera ghamgusar na ho
Dukhi samaj mein aansu bhare zamane mein
Use ye kaun bataye ke ashk-bar na ho
Gunahgaron pe ungli uthaye dete ho
Waseem aaj kahin tum bhi sangsar na ho
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں