میں آسماں پہ بہت دیر رہ نہیں سکتا — وسیم بریلوی
شاعر
میں آسماں پہ بہت دیر رہ نہیں سکتا
میں آسماں پہ بہت دیر رہ نہیں سکتا
مگر یہ بات زمیں سے تو کہہ نہیں سکتا
کسی کے چہرے کو کب تک نگاہ میں رکھوں
سفر میں ایک ہی منظر تو رہ نہیں سکتا
یہ آزمانے کی فرصت تجھے کبھی مل جائے
میں آنکھوں آنکھوں میں کیا بات کہہ نہیں سکتا
سہارا لینا ہی پڑتا ہے مجھ کو دریا کا
میں ایک قطرہ ہوں تنہا تو بہہ نہیں سکتا
لگا کے دیکھ لے جو بھی حساب آتا ہو
مجھے گھٹا کے وہ گنتی میں رہ نہیں سکتا
یہ چند لمحوں کی بے اختیاریاں ہیں وسیمؔ
گنہ سے رشتہ بہت دیر رہ نہیں سکتا
Main aasman pe bahut der reh nahin sakta
Main aasman pe bahut der reh nahin sakta
Magar ye baat zameen se to keh nahin sakta
Kisi ke chehre ko kab tak nigah mein rakhoon
Safar mein ek hi manzar to reh nahin sakta
Ye azmaane ki fursat tujhe kabhi mil jaaye
Main aankhon aankhon mein kya baat keh nahin sakta
Sahara lena hi padta hai mujh ko darya ka
Main ek qatra hoon tanha to beh nahin sakta
Laga ke dekh le jo bhi hisab aata ho
Mujhe ghata ke woh ginti mein reh nahin sakta
Ye chand lamhon ki be-ikhtiyariyan hain Waseem
Gunah se rishta bahut der reh nahin sakta
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں