میں اپنے خواب سے بچھڑا نظر نہیں آتا — وسیم بریلوی
شاعر
میں اپنے خواب سے بچھڑا نظر نہیں آتا
میں اپنے خواب سے بچھڑا نظر نہیں آتا
تو اس صدی میں اکیلا نظر نہیں آتا
عجب دباؤ ہے ان باہری ہواؤں کا
گھروں کا بوجھ بھی اٹھتا نظر نہیں آتا
میں تیری راہ سے ہٹنے کو ہٹ گیا لیکن
مجھے تو کوئی بھی رستہ نظر نہیں آتا
میں اک صدا پہ ہمیشہ کو گھر تو چھوڑ آیا
مگر پکارنے والا نظر نہیں آتا
دھواں بھرا ہے یہاں تو سبھی کی آنکھوں میں
کسی کو گھر مرا جلتا نظر نہیں آتا
غزل سرائی کا دعویٰ تو سب کرے ہیں وسیمؔ
مگر وہ میرؔ سا لہجہ نظر نہیں آتا
Main apne khwab se bichhda nazar nahin aata
Main apne khwab se bichhda nazar nahin aata
Tu is sadi mein akela nazar nahin aata
Ajab dabao hai in bahari hawaon ka
Gharon ka bojh bhi uthata nazar nahin aata
Main teri rah se hatne ko hat gaya lekin
Mujhe to koi bhi rasta nazar nahin aata
Main ek sada pe hamesha ko ghar to chhod aaya
Magar pukarne wala nazar nahin aata
Dhuan bhara hai yahan to sabhi ki aankhon mein
Kisi ko ghar mera jalta nazar nahin aata
Ghazal sarai ka da'awa to sab kare hain Waseem
Magar woh Meer sa lahja nazar nahin aata
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں