میں اس امید پہ ڈوبا کہ تو بچا لے گا — وسیم بریلوی
شاعر
میں اس امید پہ ڈوبا کہ تو بچا لے گا
میں اس امید پہ ڈوبا کہ تو بچا لے گا
اب اس کے بعد مرا امتحان کیا لے گا
یہ ایک میلہ ہے وعدہ کسی سے کیا لے گا
ڈھلے گا دن تو ہر اک اپنا راستہ لے گا
میں بجھ گیا تو ہمیشہ کو بجھ ہی جاؤں گا
کوئی چراغ نہیں ہوں کہ پھر جلا لے گا
کلیجہ چاہئے دشمن سے دشمنی کے لئے
جو بے عمل ہے وہ بدلہ کسی سے کیا لے گا
میں اس کا ہو نہیں سکتا بتا نہ دینا اسے
لکیریں ہاتھ کی اپنی وہ سب جلا لے گا
ہزار توڑ کے آ جاؤں اس سے رشتہ وسیمؔ
میں جانتا ہوں وہ جب چاہے گا بلا لے گا
Main is ummeed pe dooba ke tu bacha lega
Main is ummeed pe dooba ke tu bacha lega
Ab is ke baad mera imtihan kya lega
Ye ek mela hai waada kisi se kya lega
Dhale ga din to har ek apna rasta lega
Main bujh gaya to hamesha ko bujh hi jaunga
Koi charagh nahin hoon ke phir jala lega
Kaleja chahiye dushman se dushmani ke liye
Jo be-amal hai woh badla kisi se kya lega
Main us ka ho nahin sakta bata na dena use
Lakeeren haath ki apni woh sab jala lega
Hazar tod ke aa jaaun us se rishta Waseem
Main jaanta hoon woh jab chahega bula lega
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں