میرے غم کو جو اپنا بتاتے رہے — وسیم بریلوی
شاعر
میرے غم کو جو اپنا بتاتے رہے
میرے غم کو جو اپنا بتاتے رہے
وقت پڑنے پہ ہاتھوں سے جاتے رہے
بارشیں آئیں اور فیصلہ کر گئیں
لوگ ٹوٹی چھتیں آزماتے رہے
آنکھیں منظر ہوئیں کان نغمہ ہوئے
گھر کے انداز ہی گھر سے جاتے رہے
شام آئی تو بچھڑے ہوئے ہم سفر
آنسوؤں سے ان آنکھوں میں آتے رہے
ننھے بچوں نے چھو بھی لیا چاند کو
بوڑھے بابا کہانی سناتے رہے
دور تک ہاتھ میں کوئی پتھر نہ تھا
پھر بھی ہم جانے کیوں سر بچاتے رہے
شاعری زہر تھی کیا کریں اے وسیمؔ
لوگ پیتے رہے ہم پلاتے رہے
Mere gham ko jo apna batate rahe
Mere gham ko jo apna batate rahe
Waqt padne pe hathon se jaate rahe
Baarishen aayeen aur faisla kar gayeen
Log tooti chhaten azmate rahe
Aankhen manzar hueen kaan naghma hue
Ghar ke andaaz hi ghar se jaate rahe
Sham aayi to bichhde hue humsafar
Aansuon se in aankhon mein aate rahe
Nanhe bachchon ne chhoo bhi liya chand ko
Boorhe baba kahani sunate rahe
Door tak hath mein koi patthar na tha
Phir bhi hum jaane kyun sar bachate rahe
Shaayeri zehar thi kya karen ae Waseem
Log peete rahe hum pilate rahe
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں