ملی ہواؤں میں اڑنے کی وہ سزا یارو — وسیم بریلوی
شاعر
ملی ہواؤں میں اڑنے کی وہ سزا یارو
ملی ہواؤں میں اڑنے کی وہ سزا یارو
کہ میں زمین کے رشتوں سے کٹ گیا یارو
وہ بے خیال مسافر میں راستہ یارو
کہاں تھا بس میں مرے اس کو روکنا یارو
مرے قلم پہ زمانے کی گرد ایسی تھی
کہ اپنے بارے میں کچھ بھی نہ لکھ سکا یارو
تمام شہر ہی جس کی تلاش میں گم تھا
میں اس کے گھر کا پتہ کس سے پوچھتا یارو
جو بے شمار دلوں کی نظر میں رہتا تھا
وہ اپنے بچوں کو اک گھر نہ دے سکا یارو
جناب میرؔ کی خود غرضیوں کے صدقے میں
میاں وسیمؔ کے کہنے کو کیا بچا یارو
Mili hawaon mein uṛne ki woh saza yāro
Mili hawaon mein uṛne ki woh saza yāro
Ki main zameen ke rishton se kaṭ gaya yāro
Woh be-khayāl musafir main rasta yāro
Kahan tha bas mein mere us ko rokna yāro
Mere qalam pe zamāne ki gard aisi thi
Ki apne bāre mein kuch bhi na likh saka yāro
Tamām shahr hi jis ki talash mein gum tha
Main us ke ghar ka pata kis se poochhta yāro
Jo be-shumār dilon ki nazar mein rehta tha
Woh apne bachchon ko ik ghar na de saka yāro
Janāb Mīrؔ ki khud gharziyon ke sadqe mein
Miyan Wasīmؔ ke kehne ko kya bacha yāro
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں