محبت نا سمجھ ہوتی ہے سمجھانا ضروری ہے — وسیم بریلوی
شاعر
محبت نا سمجھ ہوتی ہے سمجھانا ضروری ہے
محبت نا سمجھ ہوتی ہے سمجھانا ضروری ہے
جو دل میں ہے اسے آنکھوں سے کہلانا ضروری ہے
اصولوں پر جہاں آنچ آئے ٹکرانا ضروری ہے
جو زندہ ہو تو پھر زندہ نظر آنا ضروری ہے
نئی عمروں کی خود مختاریوں کو کون سمجھائے
کہاں سے بچ کے چلنا ہے کہاں جانا ضروری ہے
تھکے ہارے پرندے جب بسیرے کے لیے لوٹیں
سلیقہ مند شاخوں کا لچک جانا ضروری ہے
بہت بے باک آنکھوں میں تعلق ٹک نہیں پاتا
محبت میں کشش رکھنے کو شرمانا ضروری ہے
سلیقہ ہی نہیں شاید اسے محسوس کرنے کا
جو کہتا ہے خدا ہے تو نظر آنا ضروری ہے
مرے ہونٹوں پہ اپنی پیاس رکھ دو اور پھر سوچو
کہ اس کے بعد بھی دنیا میں کچھ پانا ضروری ہے
Mohabbat na-samajh hoti hai samjhana zaroori hai
Mohabbat na-samajh hoti hai samjhana zaroori hai
Jo dil mein hai use aankhon se kahlaana zaroori hai
Usoolon par jahan aanch aaye takrana zaroori hai
Jo zinda ho to phir zinda nazar aana zaroori hai
Nayi umron ki khud-mukhtariyon ko kaun samjhaye
Kahan se bach ke chalna hai kahan jaana zaroori hai
Thake haare parinde jab basere ke liye lauten
Saleeqa-mand shakhon ka lachak jaana zaroori hai
Bahut be-baak aankhon mein ta'alluq tik nahin pata
Mohabbat mein kashish rakhne ko sharmaana zaroori hai
Saleeqa hi nahin shayad use mehsoos karne ka
Jo kehta hai khuda hai to nazar aana zaroori hai
Mere honton pe apni pyaas rakh do aur phir socho
Ke is ke baad bhi duniya mein kuch paana zaroori hai
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں