مجھے بجھا دے مرا دور مختصر کر دے — وسیم بریلوی
شاعر
مجھے بجھا دے مرا دور مختصر کر دے
مجھے بجھا دے مرا دور مختصر کر دے
مگر دیئے کی طرح مجھ کو معتبر کر دے
بکھرتے ٹوٹتے رشتوں کی عمر ہی کتنی
میں تیری شام ہوں آ جا مری سحر کر دے
جدائیوں کی یہ راتیں تو کاٹنی ہوں گی
کہانیوں کو کوئی کیسے مختصر کر دے
ترے خیال کے ہاتھوں کچھ ایسا بکھرا ہوں
کہ جیسا بچہ کتابیں ادھر ادھر کر دے
وسیمؔ کس نے کہا تھا کہ یوں غزل کہہ کر
یہ پھول جیسی زمیں آنسوؤں سے تر کر دے
Mujhe bujha de mera daur mukhtasar kar de
Mujhe bujha de mera daur mukhtasar kar de
Magar diye ki tarah mujh ko mo'tabar kar de
Bikhharte ṭooṭte rishton ki umar hi kitni
Main teri shām hoon aa ja meri sahar kar de
Judaaiyon ki yeh rāten to kāṭni hongi
Kahaniyon ko koi kaise mukhtasar kar de
Tere khayāl ke hāthon kuch aisa bikhra hoon
Ki jaisa bachcha kitāben idhar udhar kar de
Wasīmؔ kis ne kaha tha ki yuun ghazal keh kar
Yeh phool jaisi zamīn aansuon se tar kar de
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں