مجھے تو قطرہ ہی ہونا بہت ستاتا ہے — وسیم بریلوی
شاعر
مجھے تو قطرہ ہی ہونا بہت ستاتا ہے
مجھے تو قطرہ ہی ہونا بہت ستاتا ہے
اسی لیے تو سمندر پہ رحم آتا ہے
وہ اس طرح بھی مری اہمیت گھٹاتا ہے
کہ مجھ سے ملنے میں شرطیں بہت لگاتا ہے
بچھڑتے وقت کسی آنکھ میں جو آتا ہے
تمام عمر وہ آنسو بہت رلاتا ہے
کہاں پہنچ گئی دنیا اسے پتہ ہی نہیں
جو اب بھی ماضی کے قصے سنائے جاتا ہے
اٹھائے جائیں جہاں ہاتھ ایسے جلسے میں
وہی برا جو کوئی مسئلہ اٹھاتا ہے
نہ کوئی عہدہ نہ ڈگری نہ نام کی تختی
میں رہ رہا ہوں یہاں میرا گھر بتاتا ہے
سمجھ رہا ہو کہیں خود کو میری کمزوری
تو اس سے کہہ دو مجھے بھولنا بھی آتا ہے
Mujhe to qatra hi hona bahut satata hai
Mujhe to qatra hi hona bahut satata hai
Isi liye to samundar pe reham aata hai
Woh is tarah bhi meri ahmiyat ghataata hai
Ke mujh se milne mein shartain bahut lagata hai
Bichhadte waqt kisi aankh mein jo aata hai
Tamam umr woh aansu bahut rulata hai
Kahan pahunch gayi duniya use pata hi nahin
Jo ab bhi maazi ke qisse sunaye jata hai
Uthaye jayen jahan hath aise jalse mein
Wahi bura jo koi masla uthata hai
Na koi ohda na degree na naam ki takhti
Main reh raha hoon yahan mera ghar batata hai
Samajh rahe ho kahin khud ko meri kamzori
To us se keh do mujhe bhoolna bhi aata hai
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں