نہ جانے کیوں مجھے اس سے ہی خوف لگتا ہے — وسیم بریلوی
شاعر
نہ جانے کیوں مجھے اس سے ہی خوف لگتا ہے
نہ جانے کیوں مجھے اس سے ہی خوف لگتا ہے
مرے لئے جو زمانے کو چھوڑ آیا ہے
اندھیری شب کے حوالوں میں اس کو رکھا ہے
جو سارے شہر کی نیندیں اڑا کے سویا ہے
رفاقتوں کے سفر میں تو بے یقینی تھی
یہ فاصلہ ہے جو رشتہ بنائے رکھتا ہے
وہ خواب تھے جنہیں ہم مل کے دیکھ سکتے تھے
یہ بار زیست ہے تنہا اٹھانا پڑتا ہے
ہمیں کتابوں میں کیا ڈھونڈنے چلے ہو وسیمؔ
جو ہم کو پڑھ نہیں پائے انہیں نے لکھا ہے
Na jaane kyuun mujhe us se hi khauf lagta hai
Na jaane kyuun mujhe us se hi khauf lagta hai
Mere liye jo zamane ko chhoṛ aaya hai
Andheri shab ke hawālon mein us ko rakha hai
Jo saare shahr ki nīnden uṛa ke soya hai
Rifāqaton ke safar mein to be-yaqīni thi
Yeh fasila hai jo rishta banaye rakhta hai
Woh khwab the jinhen hum mil ke dekh sakte the
Yeh baar-e-zeest hai tanha uṭhana paṛta hai
Hamein kitabon mein kya ḍhooṇḍne chale ho Wasīmؔ
Jo hum ko paṛh nahin paye unhin ne likha hai
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں