نہیں کہ اپنا زمانہ بھی تو نہیں آیا — وسیم بریلوی
شاعر
نہیں کہ اپنا زمانہ بھی تو نہیں آیا
نہیں کہ اپنا زمانہ بھی تو نہیں آیا
ہمیں کسی سے نبھانا بھی تو نہیں آیا
جلا کے رکھ لیا ہاتھوں کے ساتھ دامن تک
تمہیں چراغ بجھانا بھی تو نہیں آیا
نئے مکان بنائے تو فاصلوں کی طرح
ہمیں یہ شہر بسانا بھی تو نہیں آیا
وہ پوچھتا تھا مری آنکھ بھیگنے کا سبب
مجھے بہانہ بنانا بھی تو نہیں آیا
وسیمؔ دیکھنا مڑ مڑ کے وہ اسی کی طرف
کسی کو چھوڑ کے جانا بھی تو نہیں آیا
Nahin ke apna zamana bhi to nahin aaya
Nahin ke apna zamana bhi to nahin aaya
Hamein kisi se nibhana bhi to nahin aaya
Jala ke rakh liya hathon ke saath daman tak
Tumhein charagh bujhana bhi to nahin aaya
Naye makan banaye to faslon ki tarah
Hamein ye shahar basana bhi to nahin aaya
Woh poochhta tha meri aankh bheegne ka sabab
Mujhe bahana banana bhi to nahin aaya
Waseem dekhna mud mud ke woh usi ki taraf
Kisi ko chhod ke jaana bhi to nahin aaya
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں