صرف تیرا نام لے کر رہ گیا — وسیم بریلوی
شاعر
صرف تیرا نام لے کر رہ گیا
صرف تیرا نام لے کر رہ گیا
آج دیوانہ بہت کچھ کہہ گیا
کیا مری تقدیر میں منزل نہیں
فاصلہ کیوں مسکرا کر رہ گیا
زندگی دنیا میں ایسا اشک تھی
جو ذرا پلکوں پہ ٹھہرا بہہ گیا
اور کیا تھا اس کی پرسش کا جواب
اپنے ہی آنسو چھپا کر رہ گیا
اس سے پوچھ اے کامیاب زندگی
جس کا افسانہ ادھورا رہ گیا
ہائے کیا دیوانگی تھی اے وسیمؔ
جو نہ کہنا چاہیے تھا کہہ گیا
Sirf tera naam le kar reh gaya
Sirf tera naam le kar reh gaya
Aaj deewana bahut kuch keh gaya
Kya meri taqdeer mein manzil nahin
Fasla kyun muskura kar reh gaya
Zindagi duniya mein aisa ashk thi
Jo zara palkon pe thehra beh gaya
Aur kya tha us ki pursish ka jawab
Apne hi aansu chhupa kar reh gaya
Us se pooch ae kamyab zindagi
Jis ka afsana adhoora reh gaya
Haye kya deewangi thi ae Waseem
Jo na kehna chahiye tha keh gaya
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں