تحریر سے ورنہ مری کیا ہو نہیں سکتا — وسیم بریلوی
شاعر
تحریر سے ورنہ مری کیا ہو نہیں سکتا
تحریر سے ورنہ مری کیا ہو نہیں سکتا
اک تو ہے جو لفظوں میں ادا ہو نہیں سکتا
آنکھوں میں خیالات میں سانسوں میں بسا ہے
چاہے بھی تو مجھ سے وہ جدا ہو نہیں سکتا
جینا ہے تو یہ جبر بھی سہنا ہی پڑے گا
قطرہ ہوں سمندر سے خفا ہو نہیں سکتا
گمراہ کئے ہوں گے کئی پھول سے جذبے
ایسے تو کوئی راہنما ہو نہیں سکتا
قد میرا بڑھانے کا اسے کام ملا ہے
جو اپنے ہی پیروں پہ کھڑا ہو نہیں سکتا
اے پیار ترے حصے میں آیا تری قسمت
وہ درد جو چہروں سے ادا ہو نہیں سکتا
Tehreer se warna meri kya ho nahin sakta
Tehreer se warna meri kya ho nahin sakta
Ek tu hai jo lafzon mein ada ho nahin sakta
Aankhon mein khayalat mein sanson mein basa hai
Chahe bhi to mujh se woh juda ho nahin sakta
Jeena hai to ye jabr bhi sehna hi padega
Qatra hoon samundar se khafa ho nahin sakta
Gumrah kiye honge kayi phool se jazbe
Aise to koi rahnuma ho nahin sakta
Qadd mera badhane ka use kaam mila hai
Jo apne hi pairon pe khada ho nahin sakta
Ae pyar tere hisse mein aaya teri qismat
Woh dard jo chehron se ada ho nahin sakta
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں