تمہیں غموں کا سمجھنا اگر نہ آئے گا — وسیم بریلوی
شاعر
تمہیں غموں کا سمجھنا اگر نہ آئے گا
تمہیں غموں کا سمجھنا اگر نہ آئے گا
تو میری آنکھ میں آنسو نظر نہ آئے گا
یہ زندگی کا مسافر یہ بے وفا لمحہ
چلا گیا تو کبھی لوٹ کر نہ آئے گا
بنیں گے اونچے مکانوں میں بیٹھ کر نقشے
تو اپنے حصے میں مٹی کا گھر نہ آئے گا
منا رہے ہیں بہت دن سے جشن تشنہ لبی
ہمیں پتا تھا یہ بادل ادھر نہ آئے گا
لگے گی آگ تو سمت سفر نہ دیکھے گی
مکان شہر میں کوئی نظر نہ آئے گا
وسیمؔ اپنے اندھیروں کا خود علاج کرو
کوئی چراغ جلانے ادھر نہ آئے گا
Tumhen ghamon ka samajhna agar na aayega
Tumhen ghamon ka samajhna agar na aayega
To meri aankh mein aansoo nazar na aayega
Yeh zindagi ka musafir yeh bewafa lamha
Chala gaya to kabhi lauṭ kar na aayega
Banenge oonche makānon mein baiṭh kar naqshe
To apne hisse mein miṭṭi ka ghar na aayega
Mana rahe hain bahut din se jashn-e-tishna-labi
Hamein pata tha yeh badal idhar na aayega
Lagegi aag to simt-e-safar na dekhegi
Makān shahr mein koi nazar na aayega
Wasīmؔ apne andheron ka khud ilaaj karo
Koi charāgh jalane idhar na aayega
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں