اسے سمجھنے کا کوئی تو راستہ نکلے — وسیم بریلوی
شاعر
اسے سمجھنے کا کوئی تو راستہ نکلے
اسے سمجھنے کا کوئی تو راستہ نکلے
میں چاہتا بھی یہی تھا وہ بے وفا نکلے
کتاب ماضی کے اوراق الٹ کے دیکھ ذرا
نہ جانے کون سا صفحہ مڑا ہوا نکلے
میں تجھ سے ملتا تو تفصیل میں نہیں جاتا
مری طرف سے ترے دل میں جانے کیا نکلے
جو دیکھنے میں بہت ہی قریب لگتا ہے
اسی کے بارے میں سوچو تو فاصلہ نکلے
تمام شہر کی آنکھوں میں سرخ شعلے ہیں
وسیمؔ گھر سے اب ایسے میں کوئی کیا نکلے
Use samajhne ka koi to rasta nikle
Use samajhne ka koi to rasta nikle
Main chahta bhi yahi tha woh be-wafa nikle
Kitab-e-maazi ke awraq ulat ke dekh zara
Na jaane kaun sa safha muda hua nikle
Main tujh se milta to tafseel mein nahin jaata
Meri taraf se tere dil mein jaane kya nikle
Jo dekhne mein bahut hi qareeb lagta hai
Usi ke bare mein socho to fasla nikle
Tamam shahar ki aankhon mein surkh sho'le hain
Waseem ghar se ab aise mein koi kya nikle
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں