وہ میرے بالوں میں یوں انگلیاں پھراتا تھا — وسیم بریلوی
شاعر
وہ میرے بالوں میں یوں انگلیاں پھراتا تھا
وہ میرے بالوں میں یوں انگلیاں پھراتا تھا
کہ آسماں کے فرشتوں کو پیار آتا تھا
اسے گلاب کی پتی نے قتل کر ڈالا
وہ سب کی راہوں میں کانٹے بہت بچھاتا تھا
تمہارے ساتھ نگاہوں کا کاروبار گیا
تمہارے بعد نگاہوں میں کون آتا تھا
سفر کے ساتھ سفر کے نئے مسائل تھے
گھروں کا ذکر تو رستے میں چھوٹ جاتا تھا
Woh mere bālon mein yuun ungliyan pherāta tha
Woh mere bālon mein yuun ungliyan pherāta tha
Ki aasman ke farishton ko pyar aata tha
Use gulāb ki patti ne qatl kar ḍala
Woh sab ki rāhon mein kānṭe bahut bichhata tha
Tumhare saath nigahon ka kārobār gaya
Tumhare baad nigahon mein kaun aata tha
Safar ke saath safar ke naye masail the
Gharon ka zikr to raste mein chhooṭ jata tha
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں