یہ ہے تو سب کے لیے ہو یہ ضد ہماری ہے — وسیم بریلوی
شاعر
یہ ہے تو سب کے لیے ہو یہ ضد ہماری ہے
یہ ہے تو سب کے لیے ہو یہ ضد ہماری ہے
اس ایک بات پہ دنیا سے جنگ جاری ہے
اڑان والو اڑانوں پہ وقت بھاری ہے
پروں کی اب کے نہیں حوصلوں کی باری ہے
میں قطرہ ہو کے بھی طوفاں سے جنگ لیتا ہوں
مجھے بچانا سمندر کی ذمہ داری ہے
اسی سے جلتے ہیں صحرائے آرزو میں چراغ
یہ تشنگی تو مجھے زندگی سے پیاری ہے
کوئی بتائے یہ اس کے غرور بے جا کو
وہ جنگ میں نے لڑی ہی نہیں جو ہاری ہے
ہر ایک سانس پہ پہرا ہے بے یقینی کا
یہ زندگی تو نہیں موت کی سواری ہے
دعا کرو کہ سلامت رہے مری ہمت
یہ اک چراغ کئی آندھیوں پہ بھاری ہے
Yeh hai to sab ke liye ho yeh zid hamari hai
Yeh hai to sab ke liye ho yeh zid hamari hai
Is ek baat pe duniya se jang jaari hai
Udaan walo udanon pe waqt bhaari hai
Paron ki ab ke nahin hauslon ki baari hai
Main qatra ho ke bhi tufan se jang leta hoon
Mujhe bachana samandar ki zimmedari hai
Isi se jalte hain sehra-e-arzoo mein charagh
Yeh tishnagi to mujhe zindagi se pyari hai
Koi bataye yeh us ke ghuroor-e-beja ko
Woh jang maine ladi hi nahin jo haari hai
Har ek saans pe pehra hai be-yaqeeni ka
Yeh zindagi to nahin maut ki sawari hai
Dua karo ke salamat rahe meri himmat
Yeh ek charagh kai aandhiyon pe bhaari hai
شاعر کے بارے میں
پروفیسر وسیم بریلوی، جن کا اصل نام زاہد حسین ہے، 8 فروری 1940ء کو بھارت کی ریاست اتر پردیش کے شہر بریلی میں پیدا ہوئے۔ وہ عہدِ حاضر کے ممتاز اور ہم...
مکمل تعارف پڑھیں