آج پھر ہوش ٹھکانے لگے ہیں — زین شکیل
شاعر
آج پھر ہوش ٹھکانے لگے ہیں
آج پھر ہوش ٹھکانے لگے ہیں
آپ کو دل سے بھلانے لگے ہیں
ہم جسے سب کو بتاتے رہے تھے
آپ وہ بات چھپانے لگے ہیں
میں کہاں ہوں، مجھے لائو کہیں سے
وہ بڑی دور سے آنے لگے ہیں
اے غمِ دنیا ذرا ٹھہر تو جا
ہم انہیںرو کے منانے لگے ہیں
نیند تم ہی نہ چلی جانا کہیں
آج وہ خواب میں آنے لگے ہیں
وہ تو سج دھج کے بھی اجڑا ہی رہے
ہم بھی کس گھر کو سجانے لگے ہیں
تو نے پل بھر میں جو اک بات سنی
مجھ کو کہنے میں زمانے لگے ہیں
ایک تعبیر مٹانے کے لئے
خواب کو آگ لگانے لگے ہیں
دیکھ لو سانس نکلنے لگی ہے
ہم تمہیں چھوڑ کے جانے لگے ہیں
Aaj phir hosh thikane lage hain
Aaj phir hosh thikane lage hain
Aap ko dil se bhulane lage hain
Hum jisay sab ko batate rahe the
Aap woh baat chhupane lage hain
Main kahan hoon, mujhe laao kahin se
Woh badi door se aane lage hain
Aye gham-e-duniya zara theher to ja
Hum unhein ro ke manane lage hain
Neend tum hi na chali jaana kahin
Aaj woh khwab mein aane lage hain
Woh to saj dhaj ke bhi ujda hi rahe
Hum bhi kis ghar ko sajane lage hain
Tu ne pal bhar mein jo ek baat suni
Mujh ko kehne mein zamane lage hain
Ek taabeer mitane ke liye
Khwab ko aag lagane lage hain
Dekh lo saans nikalne lagi hai
Hum tumhein chhod ke jaane lage hain
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں