ساحرہ! — زین شکیل
شاعر
ساحرہ!
ساحرہ!
میں جو اک داستاں گو سا مشہور ہونے لگا ہوں
زمانے میں
کچھ بھی عجب تو نہیں ہے کہ میں بھی کبھی داستاں ہی کہیں ہو کے رہ جاؤں
پائندگی پاؤں
تابندگی چاہے پاؤں یا پاؤں نہیں
اے مری صندلیں ساحرہ!
جس طرح وہ بھی رومانوی داستاں تو نہ تھی،
یہ بھی ویسی ہی بس محض رومانوی داستاں تو نہیں ہے جسے میں سناتا رہوں
ان زمیں زاد، مکروں، فسادوں، فریبوں بھرے ،
ان تماشائی لوگوں کو
پھر بھی ترے واسطے کچھ محبت پرونے کی کوشش تو کی
چند نوحوں کے
اور چند بَینوں کے سنگ
اس کو منظور کر
جو بھی جیسا بھی تھا
بین تھے، آرزوؤں کی لاشیں تھیں،
میت تھی، قبریں مزارات تھے
میں نے لفظوں کی مالا میں سارے کے سارے پرو کر
ترے پاؤں میں لا دھرے ساحرہ!
ایک بے چین شاعر سے
تو نے امیدیں لگائیں تو کیوں
اب یہ آزار تن پر پہن
اور مرے ساتھ چل
میں جنھیں کتنے جنموں سے پہنے ہوئے
اک مسافت میں ہوں
اک عجب ہی سفر ہے مری ساحرہ!
کچھ خبر ہی نہیں کس طرف جا رہا ہوں
یہی جانتا ہوں
کسی بھی گلی سے چلوں
اور کسی بھی سڑک سے،
کسی راہ سے بھی نکل لوں
تو آگے فنا کی ہی منزل مری منتظر ہے
مری ساحرہ!
تو فنا سے جو پہلے جدا ہونا چاہے تو آزاد ہے
پر بقا میں جدائی گوارہ نہیں
اک یقیں تو رہے
کہ میں اب بے سہارا نہیں
اب جدائی کا یارا نہیں
***********
ساحرہ!
میرے باطن میں گھلنے سوا
کچھ بھی آتا ہے کیا؟
ساحرہ!
آنکھ تیری محبت میں جب آسمانوں کی جانب اٹھے تو دعائیں
دعائیں جو تو بھیجتی ہے نمازوں کے بعد
اوروظائف و اوراد کے بعد
وہ سبز شالوں کو اوڑھے ہوئے سب کی سب
جان! مقبولیت کی طرف اڑتے اڑتے
دکھائی جو دیتی ہیں تو
آنکھ میں کتنے پاکیزگی کے کئی رنگ گھلتے ہیں۔۔۔
تو جانتی ہے؟ بتا!
ہم ترے واسطے رات کو کچھ نہیں جانتے
دن کو کچھ بھی سمجھتے نہیں
انتظاری بھی کتنی کٹھن ہے
کہ تو آئے گی تو تجھے
بازوؤں کے پنگھوڑے میں ڈالیں گے
بچوں کی مانند جھولا جھلائیں گے
اور لوریاں دیں گے
ان لوریوں میں محبت پرو کر
تری روح کے کونے کونے میں ایسے اتاریں گے
تیرے بدن کو نکھاریں گے
اور کائناتوں کو تیرے ہی صدقے میں واریں گے
سینے لگائیں گے
دکھ بھول جائیں گے
سارے کے سارے
مجھے چاہئیں بس ستارے
جو تیرے لبوں سے نکل کر
مری روح میں ایک بستی بسانے کو
ہر پل چمکنے دمکنے کو تیار ہوں
اے مری ساحرہ!
تو کہاں سے چلی آئی ہے
ایک مدت کہاں تھی
کہ اب میری آشفتہ حالی پہ رب نے کرم کی جو برسات کی ہے
وہ تیری ہی آمد کی سوغات ہے
اے مری ساحرہ!
***********
تیرے بالوں کے گچھے میں
چاہت محبت کے رنگوں ڈھلی
ایک معصوم چڑیا کا اک گھونسلہ
اب بھی آباد ہے
اے میری ساحرہ
***********
ساحرہ !
کب ہوائیں چلیں
جب کبھی تو نے بالوں کو کھولا
تبھی تو نے جب اپنے بالوں کو آدھا ہی کھولا
تو خوشبو ملی۔
آ ملی ،
رچ گئی،
گھل گئی ہے ہواؤں میں
تیرے نگر سے چلی
میری بستی میں آئی تو
میرے ہی سینے لگی
ساحرہ!
صندلیں ساحرہ!
کیا غضب حسن کا بانکپن بھیجتی ہے
فضاؤں کے ہاتھوں
صدا بھیجتی ہے، ہواؤں کے ہاتھوں
ہوا بھیجتی ہے، وسیلے سے زلفوں کے
الفاظ بھی بھیج دے!
اب محبت کے امرت میں سارے بھگو کر
تو آنکھوں پہ مل لوں
لبوں پہ سجا لوں
گلابی سی آنکھوں سے کیا دیکھتی ہے
تجھے کچھ خبر ہے ؟
کہ سارا جہاں ہی گلابی ہوا پھر رہا ہے
تری لال مخمور آنکھوں میں محصور ہو کر
کسی پھول کی طرح کملا گیا ہے
مری ساحرہ!
اپنی بانہیں ذرا دیر وا کر!
کہ میں اس زمانے کی ویرانیوں میں
بسا ایک اپنا ہی گھر دیکھ لوں
اپنے رخ سے پریشان زلفیں ہٹا!
تجھ کو جی بھر کے بس اک نظر دیکھ لوں۔۔
***********
اے مری زندگی کی ریاضت!
کہیں زائچوں میں لکھا تھا کہ ہم یوں ملیں گے
کبھی نا کبھی
اور کہیں نا کہیں
یوں اچانک نصیبوں کا رستہ بدلنا،
ستاروں کا تکنا ہمیں،
مسکرانا
تو مسکا کے چندا سے کہنا
یہ کہنا کہ دیکھو یہ دو جسم
صندل کی مہکار روحوں میں لے کر جیے
اک یہاں
اک وہاں
کتنی میلوں کی دوری رہی
ایک دوجے سے
کتنے رہے بے خبر
پھر بھی محسوس کرتے رہے
اور چلتے رہے اک مہک کے تعاقب میں
اور پھر کہاں سے کہاں آ ملے راستے۔
راستے مل گئے،
کھل گئے پھول صحرائی، ویران، افسردہ بے چین جیون میں
ایسے لگا کہ محبت کی دیوی سہاگن ہوئی ہے
محبت کے اوتار نے مانگ میں بھر دیے ہیں کئی پھول
لاموت سے پھول
اور وہ جو مہکار کھوئی ہوئی تھی کئی سال سے
ایک پل میں اچانک ملی ہو
کھِلی ہو کلی زندگانی کی اجڑی ہوئی ایک ویراں گزرگاہ پر
چاند سنتا بڑے غور سے پریم کی یہ کتھا
اور پھر چاندنی کو لٹاٹا ہمارے لیے
اور دعائیں ہمیں بھیجتے سب سحاب اور تارے،
نظارے سبھی کہکشائیں
ہمیں دیکھ کر پیار کے دائرے بھی بناتے،دائرے بھی بنا
نشانی لگاتے،
وہ دنیا بناتے ہمارے لیے
جس میں ہم
یعنی میں اور تم ساحرہ!
صندلیں ساحرہ!
ایسا جیون بتانے کو جائیں
جہاں بس زوال محبت نہیں ہو
نمودِ قدورت نہیں ہو
فقط بانسری گونجتی ہو
محبت کے خوشبو بھرے گیت گائیں ہوائیں
چرند و پرند و شجر۔
اور خوشبو وہ خوشبو ہمیں جو یہاں لائی ہے
اس نے اب کے سدا کے لیے جوڑ ڈالا ہمیں ساحرہ!
اے مری زندگی کی ریاضت مری ساحرہ!
***********
ساحرہ!
وقت سچا ہے اپنی جگہ
کچھ نہیں چھوڑتا
نقش بھی،
خاک بھی،
راکھ بھی
اور ہم تم جو ہیں وقت کے ہاتھ میں جیسے کٹھ پتلیاں ہیں
ملن کا بھی اک وقت ہے
اور جدائی کا بھی
اور محبت کا کیا وقت ہو گا؟
محبت کا شاید کوئی وقت ہے ہی نہیں
یہ تو ہر وقت ہے
یہ تو بر وقت ہے
اور محبت تو محتاج ہوتی نہیں ہے
کبھی بخت کی
نا کبھی وقت کی
ساحرہ میں تو ایمان لایا تری اس محبت پہ جو
مجھ کو صدیوں سے تکتی رہی تھی زمین و زماں سے پرے
تیری خوشبو پہ ایمان لایا کہ جو
مجھ کو محصور کر ہی چکی آخرِ کار
ایمان لایا تری ان پریشانیوں پہ
کہ جو میرے بیدار ہو کر
کہیں دور کھو جانے پر تجھ کو لاحق ہوئیں
تیری بے چینی اور بے قراری پہ ایمان لایا کہ جو تجھ میں ٹھہری رہی
میرے برباد ہونٹوں کے باعث
تری سرخ آنکھوں پہ ایمان لایا ہوں میں جو کہ تھکتی نہیں ہیں
مجھے دیکھتے دیکھتے،
دل کی شادابیوں سنگ بھی اشک روتے ہوئے
تیری بانہوں پہ ایمان لایا کہ جن میں مرا مضطرب،
ادھ مرا، نیم جاں یہ بدن زندگی کی رمق پا گیا
دل چمک پا گیا
میرا احساس بھی وہ مہک پا گیا
جس سے بچھڑا ہوا تھا زمانوں سے میں اور تو بھی مری ساحرہ!
دیکھ میں تجھ پہ ایمان لایا ہوں ویسے ہی جیسے کہ تُو
مجھ پہ ایمان لائی
مری زندگانی ،
مری مشکلوں اور آسانیوں پر،
مرے چاہنے والوں پر،
اور مرے عیبوں اور خوبیوں پر۔
سو آ !
آ مری ساحرہ وقت کا مِل کے انکار کر دیں
اسے مل کے جھٹلا دیں تاکہ
ملن اور جدائی کے اوقات کے سامنے اپنا سر نہ جھکانا پڑے
ہم محبت سدا کے لیے اپنی روحوں کے اندر اتاریں
اور اک دوسرے کے گلے سے لگیں
اور ایمان لائیں بقائے محبت پہ ہم
اور ہمیشہ امر ہوں
مری صندلیں ساحرہ!
***********
خواب کیسے بھی ہوں ساحرہ!
یہ تو ہجراں کی ماری ہوئی
سرخ آنکھوں کا کچھ بھی نہیں چھوڑتے
اور غم کے مسافر جو ہوں
کب بھلا خواب ان کے سہانے ہوئے
چاہے کتنے بھی ہوں
خواب میں دیو قد چین ، آدم نما گر جو دیکھیں
تو تعبیر میں دکھ ملیں۔۔
خواب میں لال پریاں جو دیکھیں
تو کتنی شبیں آنکھ رو رو گزارے
کبھی شاہزادہ کوئی شاہزادی کو لینے چلا آئے
یا
ایک گڈے کی گڈی سے شادی کراتی ہوئی
ایک بچی کی مسکان
خوابوں میں گر راستہ بھول آئے کبھی،
تو مری ساحرہ تم کو معلوم ہے
اس کی تعبیر میں کتنی رسوائیوں کے بھنور دیکھنے پڑتے ہیں
خواب آنکھوں کی درگت بناتے ہوئے کچھ نہیں سوچتے
چاہے جیسے بھی ہوں
اور بھیانک اگر ہوں
تو پھر ان کی تعبیر سے کیسی امید ۔۔؟
اے میرے خوابوں کی دنیا میں گم ساحرہ !
آنکھ تھکتی نہیں
آنکھ خوابوں سے تھکتی نہیں
خواب، لیکن تمہارے ہی ہوں
چاہے کیسے بھی ہوں
ایک مدت ہوئی خوشبوؤں کے سفر پر چلے تھے
تو خوابوں کے کتنے محل ہم بناتے گئے
ہم نے سوچا نہ تھا
ہم نے ہر گز یہ سوچا نہ تھا
ان کی تعبیر تکلیف دیتی رہے گی سدا
ہم اگر سوچتے بھی تو پھر بھی کبھی باز آتے نہیں
آنکھ کے پھوٹنے کا کوئی خوف بھی تو نہیں تھا ہمیں
چاہے ہم جانتے تھے کہ
یہ خواب آنکھوں کا کچھ بھی نہیں چھوڑیں گے
اب یہ عالم ہے ہم بس اسی کو عقیدہ سمجھتے ہیں
خوابوں کی تعبیر
غم کے مسافر جو ہوں
ان کے خوابوں کی تعبیر
دوزخ کی بھٹی میں پیہم جلا کر یہاں بھیج دی جاتی ہے
چاہے جیسے بھی ہوں،
خواب
آنکھوں کا کچھ بھی نہیں چھوڑتے ۔۔
***********
ساحرہ!
بھوک کتنی بھیانک ہوا کرتی ہے
میری معصوم اے صندلیں، باؤلی ساحرہ!
ضبط کی کوئی حد بھی اگر ہو تو شاید
اسے موت کہنا بجا ہے
بھلا کس لیے بھوک کی موت مرتے ہوئے لوگ،
دنیا میں موجود ان نعمتوں کو مقدر میں لکھوا کے لاتے نہیں؟
خودکشی جن کو آسان لگتی ہو
اور زندگی کی مسافت کٹھن
اور سنا ہے مقدر تو خود اپنی مرضی کا لکھا ہوا ہو تو سکتا نہیں
ایسا ہوتا اگر
تو مری ساحرہ!
ہر کوئی کائناتوں کی تقسیم کو لا پٹختا زمیں پر
یہ انساں قیامت کا خود غرض اور لالچی۔
بھوک بھی تو عذابوں کی اقسام میں سے کوئی قسم ہے
اور عذاب آئیں تو
آسماں سے اترتی بلائیں یہ کب دیکھتی ہیں کہ کس کا
جنم اپنی مرضی مطابق ہوا
میں نے سڑکوں پہ
لاھور کی اور گجرات کی،
کتنی سڑکوں کے فٹ پاتھ پر
نیم جاں، ادھ مرے اور ہڈوں کا مجسمہ بنے
لاکھ ننگے بدن رینگتے جب بھی دیکھے
تو ایسا لگا
جیسے مجھ پر وہی بھوک کا سا عذاب آ گیا ہو
بھلا ایسے لوگوں کو کیسی تسلی،
بھلا کیا دلاسہ؟
اور ان کے وہ دھولوں اٹے جسم کی قدر و قیمت بھی کیا؟
یہ جنم بھی،
مری ساحرہ!
جس طرح سے عذابوں کی اقسام میں سے کوئی قسم ہو۔۔
***********
ساحرہ !
موت اور بین،
اور بین میں
اف۔۔۔ بلا کی وہ آہیں۔۔۔
اور آہوں میں مدفون اک زندگی۔۔۔
لاش اک زندگی کی گواہی سناتی ہوئی،
ایسی چپ،
ایسی خاموش۔
اور بین
اور بین بھی اک طرح کے نہیں
سو طرح کے عجب
بوڑھیوں کے الگ
دوشیزاؤں کے اپنے الگ
لڑکیوں اور لڑکوں کے اپنی طرح کے الگ
اور بچوں کے بالکل الگ
بین تو بین ہوتے ہیں
آہوں بھرے،
اور کراہوں سجے۔۔۔
اف وہ بڑھیا
جواں سال بیٹے کی میت پہ بے حال ہو کر تڑپتی ہوئی
کہہ رہی تھی
خدا۔۔
او خدا!
تو زمیں پر اتر
کائناتوں سے نظریں ہٹا
اپنی مصروفیت چھوڑ اور اب ادھر دیکھ لے
تیرے مٹی کے پتلوں نے
ظالم درندوں نے کیا کر دیا
او خدا!
تیری دنیا میں، اور بادشاہی میں تیری ،
مرے منتوں اور مرادوں سے جنمے ہوئے لعل کے خون سے
ہولیاں کھیل کر
اُن کلیجوں میں ٹھنڈک پڑی ہے
او سامع!
مری آہ تجھ تک بتا کیوں پہنچتی نہیں ہے؟
او قہار!
کیوں قہر بس اک مری کوکھ پر ہی ؟
او جبار!
کیا جبر بس میرے لاڈوں پلے لعل کے واسطے تھا؟
او مالک!
او خالق!
او باری!
او قادر!
تری بادشاہی میں تیرے بنائے ہوئے
چند مٹی کے ظالم درندوں نے
تجھ سے ہی مانگی ہوئی میری معصوم منت کا خوں کر دیا
او خدا!
اور بس میں نے اتنا سنا ساحرہ !
پھر وہ بڑھیا
بہت سال کومے کی حالت میں خاموش
چپ ، بے صدا بین کرتی رہی
اور پھر چل بسی۔۔۔
ساحرہ!
ساحرہ!
اور مری صندلیں ساحرہ !
مجھ کو آغوش میں اب چھپا
اس قدر چھید ہیں
جو کہ اب تک بھرے ہی نہیں
اس سماعت کے پردے میں
اب بھی بہت زخم ہیں جو کہ اب تک
سلے ہی نہیں۔۔۔
ساحرہ اپنی خوشبو سنا
اپنی باتیں دکھا
اب یہی وقت ہے
لمحہ لمحہ یہ مجھ اک بکھرتی ہوئی ریت کو۔
جس قدر بچ گیا
اپنے دامن میں لے
اور محفوظ کر لے
مجھے اپنی خاطر کہیں
اے مری صابرہ، سا حرہ!
***********
تو نہ آتی اگر
تو یہ جیون،
یہ سلگا ہوا میرا جیون ابھی کے ابھی
راکھ ہونے کو تھا
بس یہ بجھنے کو تھا
اور تُو ساحرہ!
میرے بے جان جیون میں
ایسے چلی آئی ہے
جیسے اندھیار نگری میں اک روشنی کی کرن
جیسے صحراؤں میں تیز برسات،
تڑپی ہوئی آنکھ کو چین کی نیند
اور نیند میں جیسے خوابِ بہشت و بہاراں
مری ساحرہ!
دیکھ یہ تیرے آنے سے
دکھ مجھ سے ناراض ہونے لگے
لے اڑی ہے مجھے یہ ہوا
جو مجھے اک زمانے سے چھوتی نہ تھی
چھو بھی لیتی تو
ناراض رہتی
اداسی کے کتنے تمانچے لگاتی مجھے
دیکھ یہ تیرے آنے سے کیسے مجھے لے اڑی
ہنس کے سینے لگی
اور میں پنچھیوں کی طرح
تیری پاکیزہ چاہت کے پَر کھول کر
کتنا آزاد اڑنے لگا۔۔
جب تری بات گونجے مرے ذہن کے گنبدوں میں
تو ہنسنے لگوں
تیری خوشبو مجھے گھیر لے راستوں میں
تو تیرے خیالوں میں بیٹھا رہوں،
اس جگہ۔۔
تیری معصوم مسکان دم دم دعائیں اگلتی ہوئی
اک طرف سے چلی آئے
اور میرے سینے لگے تو
میں کھویا رہوں
ان دعاؤں کی میٹھی سی تاثیر میں۔
اور خود کو کروں قید ،
تیرے لبوں پہ سجی دھیمی مسکان کی نرم زنجیر میں
ساحرہ!
تیری خوشبو سدا
یونہی آباد رکھے خدا
میں جسے ڈھونڈتے ڈھوندتے
در بدر ہوتے ہوتے
کٹا اور پھٹا یہ بدن لے کے آخر
ترے در تلک آن پہنچا
کہ تُو ہے دکھوں کی دوا
اے مری روح سے لمحہ لمحہ نکلتی ہوئی اک دعا
اے مری ساحرہ!
***********
اک ملاقات کا
حال احوال تجھ کو سنانا نہیں تھا مگر
میں سناتے ہوئے ہچکچایا نہیں
تو یہ سمجھا کہ تجھ سے چھپانا بھی کیا
لوگ ہنستے رہے
لوگ حالت پہ ہنستے رہے
اک مصیبت زدہ شخص کی دھڑکنوں کی شکستہ سی دھن پر
بہت دیر ہنستے رہے۔۔
جانے کیوں،
وقت چہرے پہ اتنے تمانچے لگائے بنا بیت جاتا نہیں
جانے کیوں
وقت کنجوس ، بے چارہ ، مجبور ہے
(ایسا میں نے نہیں ۔۔۔ اور اک نے کہا تھا)
مگر وقت کنجوس ہے
تھوڑے دل والا ،
پل بھر کی مہلت بھی دیتا نہیں
پر مجھے اس کی بے چارگی کے متعلق بتا، ساحرہ!
اور مجبور کیسا ؟
مری ساحرہ!
تو بھی اس سے ملی
جس کے چہرے پہ کتنے تمانچوں کے اتنے نشاں تھے
اِسی ایک بے رحم سے وقت کے
آج میں بھی ملا
اس سے کھل کر ملا
ساحرہ! اب وہ ویسا پریشان رہتا نہیں
مضطرب اور بے چین رہتا نہیں
وہ اداسی سے ملتا نہیں
نا سپاسی کو سینے لگاتا نہیں
اب کسی کو بلاتا نہیں۔۔
اس نے مجھ سے کہا
ساحرہ کے سوا
اب کسی سے بھی ملتا نہیں
اور کسی سے نہ ملنے سے اس کے
سبھی زخم بھرنے لگے
چین ، سکھ اور خوشی جن سے وہ اک زمانے سے محروم تھا
سب کا سب اس کو ملنے لگا
ساحرہ!
تو محبت کی کن وادیوں سے چلی آئی ہے
اپنی آنکھوں میں چاہت کے تارے لیے
اپنے ہاتھوں میں مہکے سہارے لیے
اے پرستان کی ملکہِ عالیہ!
اس سے پہلے کبھی جب میں اس سے ملا
ہاں! اسی بے قراری کے مارے ہوئے، غمزدہ شخص سے
تو وہ آنسو بہائے بنا کوئی بھی بات کرتا نہیں تھا
اگر لب ہلاتا تو لگتا
ابھی کے ابھی کوئی ماتم بپا ہونے والا ہے
گر سانس لیتا،
فضا میں گھٹن بڑھتی جاتی
جہاں بھی نگاہیں جماتا توہر وہ جگہ
سخت کڑوے سے لہجے میں کہتی
او کمبخت نظریں ہٹا!
نا مرادی سے بھر پور نظریں ہماری طرف سے ہٹا!
ساحرہ !
اس کے الفاظ بس بین ہی بین ہوتے
اور اب تو وہ بالکل بھی ویسا نہیں
اب جہاں بیٹھتا ہے تو
ہر وہ جگہ اس سے کہتی ہے
لجپال!
چاہت کی وادی سے تشریف لائی ہوئی
اس پرستان کی ملکہِ عالیہ ساحرہ کو بلا لے
ہوائیں بھی صندل کے مہکے ہوئے جنگلوں سے
چرا لاتی ہیں ،
خوشبوئیں
اس کے چہرے کو چھوتی ہیں ،
کر کے نچھاور گزرتی ہیں خود کو
کہ جس سے مہکتا ہے ، تن اور بدن
اور صندل کی مہکار
اک آگ بھڑکانے لگتی ہے جذبات میں
اب وہ بولے تو لگتا ہے شیرینوں کا سمندر بہا ہے
نگاہیں اٹھائے تو سارے نظارے ترستے ہیں
اس کی نگاہوں میں محصور ہونے کی خاطر۔۔
مری صندلیں !
ساحرہ!
اب وہ ویسا نہیں
تیرے سے ملنے سے پہلے تھا جیسا کبھی
ساحرہ !
آج میں زین سے مل کے آیا
تو اچھا لگا
اور اگر اب دوبارہ وہ تجھ سے ملے تو
اداسی کا اس سے
کوئی تذکرہ پھر نہ کرنا
وگرنہ
۔۔۔۔۔۔وگرنہ۔۔۔۔
۔۔۔۔۔۔۔۔۔۔۔۔وگرنہ۔۔۔۔۔۔۔۔۔
***********
مری ساحرہ رنگ روئیں
تو آنکھوں کی برسات تھمتی نہیں
وادیاں سبز و شاداب رہنے سے تنگ آ گئیں ہوں تو پھر
جنگلوں میں بسیرا بھی کچھ منطقی تو نہیں
اور کتابوں میں مدفون علم و ریاضت
تو صدیوں نچوڑی گئی
اب تو لگتا ہے بس کھوکھلی رہ گئیں ہیں کتابیں سبھی
سب ہی تحریر ہے اور پھر بھی کوئی فیض باقی نہیں
ان کو جھاڑیں تو بس گرد ہی گرد اڑتی ہے
علم اب نکلتا نہیں۔۔
ساحرہ!
شہر کے بارے میں تم نہیں جانتی
میری معصوم، بھولی، مری باؤلی!
شہر میں ایک گھر تھا
یہاں سے کوئی پندرہ میل آگے
وہ گھر جس میں ماں، بہن اک بھائی اور باپ تھا
ان کے ہاں اک درندہ صفت اور بیٹا بھی پلتا رہا
اور کیسا عجب وقت آیا کہ اس نے
خود اپنی ہی ماں، بہن اور بھائی اور باپ کو
گولیوں کا نشانہ بناتے ہوئے
وہ تشدد کیا
اور اس پرورش کا صلہ
موت دے کر دیا
حیف صد حیف ہے
اف۔۔۔
ساحرہ!
اے مری زندگی کی سنہری چمک اور دمک!
چھوڑ، ہم کیا کریں
سب کے اپنے گھروں کے مسائل ہوا کرتے ہیں
ہم بھلا کس لیے ٹانگ اڑاتے پھریں
اور کیوں اپنا موڈ آف کرتے پھریں
کون سا ہم پہ ایسی قیامت کوئی ٹوٹی ہے
جو کہ آنسو بہائیں
ہمیں سن کے افسوس جو ہو گیا ہے
تو کافی نہیں؟
ساحرہ، چھوڑ !
اب تو بھی افسردگی کی علامت نہ بن بیٹھ۔۔
میں تیری لاعلمیوں پر فدا اپنے جی جان سے
تو ادھر دیکھ اور مسکرا
تا کہ میں اپنی افسردگی کو چھپانے میں
کچھ اور بھی سرخرو ہو سکوں۔۔۔
***********
راستے
ساحرہ!
راستے اپنی مرضی کے مالک ہوا کرتے ہیں
اک طرح
کیونکہ ہم تو انہیں اپنی مرضی مطابق
کہیں موڑ سکتے نہیں ہیں مگر
ساحرہ!
بعض اوقات رستے کئی دوسرے راستوں کے
بہت گہرے ساتھی ہوا کرتے ہیں
ساتھ چلتے ہیں اک دوسرے کے بہت دور تک
جو مسافر ہوا کرتے ہیں
ان کی رنجش انہیں بھی الگ کرتی جاتی ہے،
اک دوسرے سے۔
جدائی کا صدمہ لیے
چل نکلتے ہیں اک دوسرے کے مخالف
مگر بعض اوقات ایسا بھی ہوتا ہے
تھوڑی مسافت کے طے ہونے پر
پھر سے مل جاتے ہیں
اور ایسا بھی ہوتا ہے
پھر وہ ہمیشہ ہمیشہ ہی اک دوسرے سے جدا
سوگ میں ڈوب کر چلتے جاتے ہیں رکتے نہیں
راستے۔۔۔
کیا کبھی تو نے کوئی اداسی سے بھرپور
رستہ کہیں پر بھی دیکھا نہیں ساحرہ!
راستے پھر بھی مرضی کے مالک ہوا کرتے ہیں
اور اگر نہ بھی ہوں
ہم تو پھر بھی کبھی اپنی مرضی مطابق
انہیں موڑ سکتے نہیں۔۔
بس بدل لیتے ہیں
اے مری ہمسفر ساحرہ!
تُو کوئی راستہ ایسا چننا
کہ جس کو مرے راستوں سے عداوت نہ ہو
ان میں ذاتی کوئی دشمنی کوئی رنجش نہ ہو
خاص کر ان کے بختوں میں کالی جدائی نہ لکھی ہوئی ہو
مری ساحرہ!
صندلیں!
اے مری ملکہِ عالیہ!
اب ذرا دیکھ کر۔۔۔۔۔۔۔۔
***********
دیکھ کر سوچ،
اور سوچ کر جان ،
جب جان لے تو سنا
اور سنانے میں دقت جو ہو تو
نگاہیں جھکا
جب نگاہیں جھکا لے تو سن!
مسکرانے کی کوشش بھی کر
ساحرہ!
مسکرانے کی کوشش تو کر
میری آنکھوں گلابوں کی کلیوں پڑھنے کی جرات جو ہے تو ذرا
مسکرانے کی ہمت بھی کر
تیری افسردگی،
میری افسردگی کو بڑھانے سوا کچھ بھی کرتی نہیں
تیری نم آنکھ ،
میری ان آنکھوں کے بہتے سمندر میں دریا کی مانند آ گرتی ہے
خشک ہوتی نہیں
تیرا دل،
میرے صحرائی دل کو تسلی تو دیتا ہے برسات کی
پر وہ ساون کی رُت ہے کہ آتی نہیں
کوئی بھولی ہوئی یاد آتی ہے بن بن کے بدلی
برستی نہیں
اپنی زلفوں کو شانوں پہ بکھرا مگر ان کو لہرا نہیں
زخم سلتے نہیں ،
نہ سلیں
ان کو سلگا نہیں
جان!
آنکھیں ذرا ایک پل کو اٹھا
اور جی بھر کے باتیں سنا
پر لبوں کو ہلا تو نہیں
پاس آنا نہیں
تو نہ آ
ایسے آ کر مرا دل دکھا تو نہیں
ساحرہ!
نیند آنکھوں سے لے جا مری،
خواب کی منڈیوں میں کہیں
بیچ سستے ہی داموں مگر
اپنی بانہوں میں ڈالے ہوئے نیند کا ہار
میری پریشان راتوں میں آنے کی کوشش تو کر
ساحرہ!
مسکرانے کی کوشش تو کر!
***********
مسکرا اور پھر سوچ
پھر سوچ اور جان،
جب جان لے تو دعا کے لیے ہاتھ اپنے اٹھا
جب اٹھا لے تو پھر سوچ!
اور سوچتی جا۔۔
عبادت کے معنی نہ جب تک کھُلیں
نہ ملیں جب تلک ان دعاؤں کی منزل کے رستے
ابھی تک جو پوری نہیں ہوسکیں
سوچتی جا۔۔
بہت سوچ ۔۔۔
اور سوچ کر دل کو تھپکا،
جگا اور اسے بول
اٹھ!
اور جگا روح کو
اور ہاتھوں میں آ
جب یہ ہاتھوں میں آجائے
پھر سوچ۔۔
ہر وہ دعا جو کہ نکلی تھی دل سے کہاں جا کے پہنچی بھلا
کسی کے جانب وہ بھیجی تھی
اور کس کی جانب گئی
اور یہ سوچ !
کس کو اگر بھیجتے تو وہ مقبول و منظور ہوتی
تو پھر سوچ کر
اپنے ہاتھوں کی جانب نگاہیں لگا
چار آنسو گرا
اور کچھ بھی نہیں سوچ۔۔۔
پھر ہاتھ چہرے پہ مل
اور واپس چلی آ
کہ شاید سبھی ان دعاؤں کو آنکھوں کا پانی ہی سر سبز و شاداب کر دے
مری ساحرہ!
کچھ نہیں سوچ
بس جان لے کہ عبادت کے معنی
محبت میں بہتے ہوئے چند آنسو ہی ہیں
راستے ہیں یہی۔
اور آنسو سمندر سے گہرا ہوا کرتا ہے
اور آنسو بنا
روح دُھلتی نہیں
کعبہِ دل سنورتا، نکھرتا نہیں
ساحرہ!
اپنے ہاتھوں کو یونہی دعا میں اٹھا کر فقط اپنے الفاظ ضائع نہ کر
یہ مناجات ضائع نہ کر
کہ فقط ایک آنسو،
عقیدت میں آنکھوں سے ٹپکا ہوا
لاکھ الفاظ سے
اور مناجات سے
معتبر ہی ہوا کرتا ہے۔۔۔
***********
ساحرہ!
سوچ اور بول،
جب بول لے تو خموشی کی سن،
کچھ سنائی اگر دے نہ پائے تو پھر بول،
پھر بھی خموشی ملے، جان!
پھر سوچ
جب سوچ لے تو خموشی سنا
جب خموشی سنا لے تو سن !
کچھ سنا؟
ہاں! یہی!
ہاںجی بالکل یہی!
خامشی نے صداؤں کے اندر کی باتیں کہیں
خامشی نے وفاؤں کے بارے میں باریک باتیں کہیں
خامشی نے دعاؤں کی پاکیزگی کے سبھی باب کھولے
مری ساحرہ!
خامشی سوچ اور خامشی بول!
اور خامشی سن!
میں اب خامشی کے کئی اور فیضان تجھ کو بتانے سے قاصر ہوں
جو کے فقط خامشی میں ہی کھل پائیں گے
تو مری خامشی جان!
اور سوچ ۔۔
پھر سوچ۔۔۔۔
اور خامشی سے مری خامشی میں چلی آ
مری خوش بیاں ساحرہ!
***********
عشق بارے بتا؟
حالتِ ضعف میں بھی مری ساحرہ!
اس کا سر ہے کہ جھکتا نہیں
یہ جھجھکتا نہیں ہے
زمانے کے آگے
چھپاتا نہیں ہے یہ اپنے اسیروں کو
اور باز آتا نہیں عصمتیں رولنے سے
یہ ڈرتا نہیں سیدوں کو نچاتے ہوئے
تھیا تھیا گواتے ہوئے
آبروئیں لٹاتے ہوئے
کربلائیں مچاتے ہوئے
آزماتے ہوئے
عشق مجبور ہوتا نہیں ہے مری ساحرہ!
تو نے کس عشق کی بات کی؟
جو بہت چین کی نیند سوتا ہے؟
اور دیر سے جاگتا ہے؟
یا پھر وہ جو آنکھوں کو نیندوں کا دشمن بنا کے رلاتا ہے شب بھر؟
ترے شہر میں عشق نامی وہ بوڑھا جو تھا
ہاتھ میں تھام کر
رنج و غم اور اداسی کی لاٹھی
شب و روز گلیوں میں آوارگی کی علامت جو پھرتا
اسے تو نے دیکھا کبھی؟
اور جو دیکھا ہے تو
تو نے اس عشق کی بات کی؟
ہاں وہی عشق ،
ویسا ہی میری گلی میں بھی آتا ہے دن میں کئی بار
اور رات بھر تو مرے گھر کے آگے سے ہٹتا نہیں
میں نے ڈر کے
کبھی رات کو اپنی کھڑکی سے جھانکا نہیں
ساحرہ!
عشق سے جس قدر ہو نگاہیں بچا
اس کی آنکھوں میں آنکھیں ملانے سے بچ
اس کے چہرے کی جھریوں پہ، ضعف اور معصویت پر نہ جا
میں نے اس واسطے تجھ سے کچھ بھی چھپایا نہیں
یوں نا ہو تُو کبھی سنسناتی ہواؤں کے ہاتھوں
یہ شکوہ مجھےبھیج دے
کہ بتایا نہیں
ساحرہ!
میرے کہنے نہ کہنے سے کچھ ہونے والا نہیں
عشق ہونے کو ہو تو یہ ٹلتا نہیں
اور ہو جائے تو دل میں چین و سکوں اور پلتا نہیں
دل بہلتا نہیں
درد ڈھلتا نہیں
زور چلتا نہیں
نیند راتوں سے ناراض ہو جاتی ہے
اور یہ عشق،
بوڑھا ضعیف اور معصوم ظالم
جو ہر رات آنکھوں کو کھولے ہوئے
سرد نظروں سے تکتا ہے
آنکھوں کو ملتا نہیں
چاند چھپتا ہے
سورج نکلتا ہے پر
رات ڈھلتی نہیں
دن نکلتا نہیں
***********
ساحرہ!
رات بھاری رہی
جو کہ کٹتی نہیں تھی مگر
پھر بھی کٹتی رہی
بے قراری رہی
بے قراری ان آنکھوں پہ،
مجبور و مہجور آنکھوں پہ طاری رہی
تیری آہیں گھلیں نم فضا میں
ہواؤں نے مجھ کو بتایا کہ تیری طرف سوگواری رہی
رات بھاری رہی؟
اک محبت جو صدیوں سے بیوہ ہوئی،
اس کی اولاد صدیوں سے یونہی کنواری رہی
ساحرہ!
بم پھٹے !
کتنے لاشے کٹے،
اور جنازے اٹھے
کتنی کوکھوں میں رنجیدگی چھید کرتی گئی
کتنی بہنوں نے آنکھوں میں دریا اتارے سدا واسطے
اور اک اک سہاگن نے سکھ تج دیا
اور آزار و درد و الم اپنے بستر میں دیکھے جو بانہیں پسارے ہوئے،
خود کو ان کے حوالے کیا،
آنسوؤں کے سبھی زیورات و جواہر تنوں پر سجا کر ہمیشہ ہمیشہ کی خاطر۔
مری ساحرہ!
وہ حرامی درندے ، وہ خود کش ،
جو اسلام کے خیر خواہ بن کے انسانیت کو مٹانے کی خاطر چلے آئے ہیں
اب تو الفاظ ملتے نہیں
ان کو کیا کچھ کہیں۔۔۔۔ لعنتی
یہ تو اسلام بالکل نہیں تھا
جو اسلام تھا وہ تو انسانیت کا ہی اک نام تھا
ساحرہ!
تم مبارک شبوں میں،
دعائیں کرو تو مجھے مانگنے کی بجائے
خدا سے کہو!
اے جہانوں کے مالک
رحیم و کریم اور رحمٰن
رحمت کی چادر ہی لہراؤ
دل میں اب اور طاقت نہیں کہ اجڑتے ہوئے
خاندانوں کی، ماں، بہن اور بیٹیوں اور سہاگوں کی آہ و بکا سن سکے
ساحرہ!
دن بھی بھارا رہا۔۔۔
شام روتی تڑپتی رہی۔۔۔
بے قراری رہی۔۔۔
رات بھاری رہی۔۔۔
سوگواری رہی۔۔۔
آہ و زاری رہی۔۔۔۔
***********
ساحرہ!
رنگ پہنو تو آنکھوں سے کچھ بھی نہ کہنا
ستاروں سے باتیں کرو تو اماوس میں رونے تڑپنے کو تیار رہنا
اگر چاند کی خواہشیں کر چکو تو
چکوری سے اک بار ملنا
اسے کچھ نہ کہنا
نہ کچھ پوچھنا
اک نظر دیکھنا ۔۔
صرف اک ہی نظر۔۔
یہ جو آنکھوں میں تیری سحابوں نے ڈیرہ لگایا ہوا ہے
یہ کن ساونوں کی بھلا دین ہیں؟
تُو نے کتنی بہاروں سے وعدے کیے
اور کتنی خزاؤں کو چکمے دیے؟
آرزو کا کفن اتنا میلا نہیں
جتنا میلا لگا
بین میت پہ ہوں تو بھلے بھی لگیں
ایسے بے چین موسم میں
بے موت سے آدمی کے لیے
اس قدر غم سے لبریز دلپاش بینوں کا مطلب تو فہم و فراست سے بالا ہے
اے ساحرہ!
دکھ درازوں ، کتابوں ، دیواروں اور ان کی دراڑوں سے، درزوں سے
چھپ چھپ کے تکتے ہیں کیوں؟
سامنے آ کے سینے لگاتے نہیں کس لیے؟
جان!
اس رنج و غم سے بھری نغمگی کا بتا کیا کروں؟
زندگی کے کئی اور بھی راگ ہیں
صرف" تُوڑی" ہی کیوں ؟
کوئی "ایمن" بھی ہو۔۔
بانجھ پھولوں سے کیسی امیدیں بھلا؟
اور گلابوں کو سینے لگاتے ہوئے
خار چپ تو نہیں بیٹھتے
خوشبوؤں سے بھری اے مری صندلیں ساحرہ!
مجھ پہ بیتے عذابوں کو رہنے دے اپنی جگہ
ان میں آنے کی کوشش نہ کر
جس قدر رو لیا
تو نے دیکھا نہیں
اب رلانے کی کوشش نہ کر
میری آنکھیں جو پتھر ہوئی ہیں
انہیں آزمانے کی کوشش نہ کر
دور جانے کی کوشش نہ کر!!!
***********
روشنی کس بھلائی کی محتاج ہے
اور سائےتو بس روشنی ہی کے محتاج ہیں
آسمانوں سے اترا ہوا نور
مٹی کی زینت بنے نا بنے
جسم مٹی تو ہے
دل جلے نا جلے
راکھ ہونا تو ہے
پیار کی آگ بھی کیا عجب آگ ہے
روح سے جان و دل کو جلاتی ہے
سلگا کے رکھتی ہے جذبات
احساس سے جو دھواں
اک تعلق کی آنکھوں میں لگنے لگے تو
مری ساحرہ!
کچھ دکھائی بھی دیتا نہیں
راہ ہوتی تو ہے
پر سجھائی ہی دیتا نہیں
دل محبت کماتا تو ہے
اور کمائی بھی دیتا نہیں
ساحرہ !
صندلیں! آسمانوں سے اتری ہوئی نور!
کیا تُو نے مجھ سائے کے بارے میں بھی کبھی سوچا ہے؟
سوچا ہے تو تجھے جان کر یہ اذیت تو ہو گی
کہ سائے تو پل بھر کو ہوتے ہیں
اور وہ بھی محتاج ،
یہ روشنی ایک پل کو جو روپوش ہو تو گئے یہ ابھی کے ابھی
ساحرہ یہ ترا اور مرا جسم مٹی کی خوارک تیرے مرے اور کس کام ہے
پر تجھے روشنی ماننا اتنا آسان کب تھا
مجھے خود کو سایوں کی سنگت میں رہنا پڑا
اک ذرا دیر ڈھلنا پڑا
کچھ ابھرنا پڑا
اور پھر دیر تک یوں ڈھلے ہی تو رہنا پڑا
ساحرہ !
کیا کبھی تُو نے خود کو ہی سایہ سا محسوس کرنے کی کوشش نہیں کی؟
نہیں نا سہی!
اے مری روشنی!
مجھ کو منظور ہے
پھر بھی مٹی کے جسموں کا انجام سے قبل کچھ تو کبھی سوچ
اے روشنی ساحرہ!
***********
بے کلی کا چلن بھی اذیت سے بھر پور ہے
اور اداسی کی رسمیں نبھاتے ہوئے
عمر گھائل ہوئے جا رہی ہے
توجہ کی توجیہہ بھی کچھ تو ہو گی
مگر شام بے رحم ہے
مصلحت کی ڈلی
میں بھی منہ میں چبائے ہوئے
رو دیا۔
رو دیا تو ہنسا ہی نہیں
آبرو نے مجھے کس قدر طعنہ و طنز پہنائے
میں جن کو گلیوں میں لے لے پھرا
جب پھرا تو رکا ہی نہیں
آسمانوں کی تہذیب اپنی ہوا کرتی ہے
اور زمیں کی ثقافت کے بارے میں اچھی طرح تو بھی واقف تو ہے
اے مری ساحرہ!
اس زمیں پہ مسیحاؤں سے واسطہ جو پڑا
تو دوا میں مجھے اضطرابِ بلا گھول کر ہی پلایا گیا
میرے زخموں پہ مرہم لگا کر دبا یا گیا
اور دکھایا گیا
اب جو میں سانس لیتا ہوں ،
چلتا ہوں
ہنستا بھی ہوں
(یعنی اب ٹھیک ہوں )
مجھ کو آرام ایسے دلایا گیا
ساحرہ!
آسمانوں پہ ویرانیاں ہوں نہ ہوں
میں زمینوں کے کتنے کھنڈر ہیں جنھیں چھان آیا
مگر آسمانوں کا کوئی مجھے راستہ بھی نہیں مل سکا
یہ بھی ممکن ہے شاید وہاں
کی مسیحائی میں فرق ہو
چاہے آرام آئے نہ آئے
مگر آسمانوں میں بستے ہوئے ان مسیحاؤں کے طور
بے رحم سے ان مسیحاؤں سے
کچھ الگ ہی تو ہوں گے
مری ساحرہ!
آ کسی آسماں کو تلاشیں
جہاں درد و آزار میں اور بیماریوں میں
دوا میں محبت ملا کر پلاتے ہوں
مرہم میں پھولوں کی نرمی لگاتے ہوں
آ اب مرے ہاتھ کو تھام لے
اے مری ہمسفر ساحرہ!
***********
لوریاں دے رہی ہے کسے رات
کون اس قدر چین کی نیند سونے کو تیار ہے
نیند کی خاصیت میری نظروں میں زیادہ نہیں
خواب اپنی ہی مرضی مطابق دکھاتی ہے بس
یہ ہماری رضا کی ذرا سی بھی پرواہ کرتی نہیں
ساحرہ!
خواب زیادہ حسیں دیکھنے کے لیے جاگنے کی ریاضت ضروری ہوا کرتی ہے
اور تعبیر ۔۔۔۔
تعبیر کے بارے میں تم سے کچھ بھی تو کہنے کے لائق نہیں
میں نے بس خواب دیکھے
ابھی تک جو پورے نہیں ہو سکے
اور وہ خواب جو پورا ہونے کی خاطر مرے در پہ آئے
انہیں میں نے دیکھا نہیں
میں نے اک خواب پھر سے جو دیکھا ہے
وہ خواب بھی اپنی تعبیر سے
جان! بچھڑا ہوا ہے
مگر خوبصورت کوئی شے بھی ہو
خواب ہی ہوں بھلے
میں انہیں دیکھنے کے لیے اب بھی تیار ہوں
اور اذیت تو یوں بھی مقدر رہی
اب قیامت گزرنے سے بھی فرق پڑتا نہیں
اے مری ساحرہ!
اب تلک میں ترے خواب میں گم
کہاں سے کہاں آگیا
جاگ !
اور اپنے سینے لگا لے
زمانوں سے ہلکان ،
اور اس تھکے ہارے انسان کو
اے مری شاہزادی!
***********
بتا مختصر کیوں کروں؟
تیری باتوں کی تفہیم اتنی کبھی مختصر تو نہیں تھی
تو اب کیا ہوا؟
بولنے دے مجھے!
میری آواز پر چند لفظوں کی اتنی مذمّت پہ خاموش رہنا
کسی بزدلی سے تو کم ہی نہیں
میرے خوابوں کی قبروں میں مدفون اجسام کی روح
اب بھی بھٹکنے سوا کچھ بھی کرتی نہیں
اور تعبیر کے جس قدر تھے کفن
ہر کفن کے جو کونے تھے
کونے سے نکلے ہوئے چند دھاگوں کی تندیں تھی
سب آنسوؤں سے اپاہج تھیں
اور بین اف
بین پر بین
ماتم
بکاؤں کی،
چیخوں کی آواز
اور چند نوچے ہوئے سر کے بالوں کے گچھے،
عزاداریوں کے سمے،
حسرتوں کے عجب سوگ میں
ساحرہ!
رات سونے لگوں تو مجھے
ایسے لگتا ہے جیسے کسی قبر کے ساتھ لیٹا ہوا ہوں
میں کروٹ جو بدلوں تولگتا ہے
مدفون ڈھانچے نے سینے لگایا ہوا ہے
اندھیرا
مری ساحرہ
اور اندھیرا
بھیانک سا احساس پہنے
مری روح میں ایک نیزے کی مانند
پیوست ہوتا ہے ایسے
کہ جیسے
مری روح کی روشنی چھین لینے کے درپے ہوا ہو
زباں تیری باتوں کا مطلب نہیں جانتی
ذہن آوارگی کے سبب سوچنے سے بری ہے
بقایا جو دل ہے مری ساحرہ!
وہ تو تُو نے نجانے کہاں منتقل کر دیا
اس بدن میں تو بس ایک ٹکڑا سا چبھتا ہے مدت سے
جیسے ابھی کے ابھی ٹھک سے ٹکرائے گا
اور تقسیم ہو جائے گا کرچیوں میں
مگر ساحرہ!
یہ کہانی عجب سی نہیں ہے بھلا؟
جو بدن میں بکھر جائے گا
اس کے بارے بتا
اور جو تُو لے گئی اس کے بارے بتا
اور
جو تُو نے میرے حوالے کیا تھا
ذرا اس کے بارے بھی ارشاد کر
تیری آسان باتوں سے نکلے ہوئے کچھ مصائب
جو میرے گلے ہیں پڑے
ان کا میں کیا کروں؟
تیری باتوں کی تفہیم اب میرے بس میں نہیں
اور مرے خواب تکنا کہاں تیرے بس میں رہا
اب کے ایسا نہ ہو
تیری خوشبو یہاں سے بھی اٹھ جائے
اور لمسِ خوشبو کہیں کوچ کر جائے
اس واسطے
میرے اندر کی قبروں میں مدفون رہنا
تجھے زیب دیتا نہیں !
صندلیں ساحرہ!
***********
اے گلابوں کی کلیوں میں آرام کرتی ہوئی
نرم گالوں کی لالی پہ اتراتی،
ہنستی ہوئی،
ہنستے ہنستے ہی آنکھوں کو نم کرنے والی
مری بے تحاشہ حسیں ساحرہ!
آ گلابوں کو میں قاف کی وادیوں سے
یہ لالی بھری دونوں اکھیوں پہ لا کر دھروں
خواب خوشبو میں گھل گھل کے آئیں تجھے
خواب آئیں تجھے
تو دکھائیں وہ وادی
وہ وادی دکھائیں جہاں
بنسیا پہ پہاڑی کی دھن بج رہی ہو
کوئی رانجھنا سر پہ باندھے ہوئے لاج کا ،
تیرے ہاتھوں بُنا ایک رومال،
چاہت کی لے میں بجاتا رہے
بنسیا،
بنسیا سے نکلتی ہوئی دھن تری جب سماعت کو چھو لے
تو مدہوشیوں کو ذرا ہوش آئے
ترے سامنے پربتوں کے مناظر
تجھے دیکھتے ہوں
ترے پیر چشمے کے پانی کو شیرینیاں بانٹنے میں ہوں مصروف
لال اور گلابی سے لب پریم کے گیت جڑتے رہے
اور فضاؤں میں خوشبو لٹاتے رہیں
ساحرہ!
تیری خاموشیوں پر سبھی کے سبھی لفظ قربان ہوں
تیری آواز پر خامشی حیرتوں کو نچھاور کرے
سب چرند و پرند و شجر اور حجر ،
چاند، سورج، ستارے
دن و رات، شام اور اک اک پہر
اک محبت میں گھل گھل کے ابھرے،
نکھرتا رہے
اور گلیوں میں خوشیوں کی بارات کا آنا جانا رہے
ساحرہ!
خواب ایسے نہ ہوں
خواب بالکل بھی ایسے نہ ہوں
جن کی تعبیر ایسی نہ ہو
تلخ جیون میں ایسے سبھی خواب بھی تو اذیت سوا کچھ نہیں
ایک پل کو یہ آنکھیں سرابوں کی دنیا میں رہ کر
حسیں اور خوشیوں کے خوابوں کی دنیا میں رہ کر
ذرا چین پائیں بھی تو
ایک صدیوں تلک کی مسافت جو ہے
پھر اسی کے عذابوں سے رخ پھیر لینا کہاں اپنے بس میں
مری ساحرہ!
اپنے خوابوں کو شب کے غلافوں میں رکھنا نہیں۔۔۔
***********
لڑکیاں رحمتیں ہیں
مری ساحرہ!
سوچ اور غور کر
رحمتوں کو جلاتے ہوئے ظالموں کے ذرا ہاتھ کانپے نہیں
غیرتیں اپنی آنکھوں پہ باندھے ہوئے
اپنی ماں کی جنی
اپنی ہمشیر بہنوں کے نازک سے جسموں میں
بندوق کی گولیوں سے کئی چھید کرتے ہوئے
ان درندوں کے دل میں ذرا رحم آیا نہیں
ساحرہ!
رحمتیں ہی تو غیرت ہوا کرتی ہیں
اور کتے، یہ وحشی درندے،
یہ قاتل یہ خونی
خدا جانے غیرت کسے جانتے ہیں
خود اپنے ہی بدبخت ہاتھوں سے غیرت کا خوں کرنے والے
وہ رحمت کا خوں کرنے والے
یہاں اپنی غیرت بچاتے ہوئے پھر رہے ہیں
مری ساحرہ!
یہ وہ دنیا نہیں جس میں تو نے مرے سنگ جینے کے خوابوں کو دیکھا
یہ دنیا وہ دنیا نہیں رہ سکی
جس میں جینے کی خاطر
یہاں میں نے
تیرے لیے سانس لی
اور وہاں تو نے میرے لیے سانس لی۔۔
ساحرہ! میرے لہجے کی افسردگی تیرے کس کام کی
چھوڑ!
آ دونوں مل کر تلاشیں کوئی اور دنیا
جہاں خواب جیسی حقیقت کا
بس اک نظامِ محبت ہی رائج ہو،
صدیوں سے اور آنے والے زمانوں میں بھی۔۔
ایسی دنیا کہیں چاہے ہو یا نہ ہو
پھر بھی آ۔۔۔
آ کہ کچھ پل تری قربتوں میں کٹیں
زیست الجھن ، گھٹن اور مصائب سے
پل بھر کو باہر تو آئے
مری صندلیں ساحرہ!
***********
تُو نے پھولوں کی لاشوں کو دیکھا کبھی؟
ساحرہ!
بول دیکھا؟
نہیں؟
میں نے دیکھا ہے!
معصوم کلیوں سے بھرپور نرم اور نازک سے پھولوں کی لاشوں کو
پھولوں کی عمریں بتاؤں؟
کوئی 4 کا، 5کا اور کوئی صرف 6 سال کا پھول تھا
مدرسوں میں مذہب کی تعلیم پانے چلے آئے تھے
جن کے ماں باپ نے اپنے دارین کی نیکیوں کو کمانے کی خاطر
خود اپنے ہی لخت جگر
مدرسوں میں جو بھیجے کہ یہ پھول محشر میں شاید وسیلہ بنیں بخششوں کا
مگر ساحرہ!
چند ملاؤں نے ،
چند جاہل درندوں نے، ملاؤں نے
ایسے معصوم پھولوں کو روندا
زنا در زنا، جبر در جبر
اف ساحرہ!
روح روتی رہی
سسکیاں لے کے روتی رہی
ایک وحشی درندے نے، مُلّا نے
مسجد میں، معصوم سے پھول کی آبرو چھین کر
ایک صف میں لپیٹا
وہیں لاش کو چھوڑ کر بھاگ نکلا۔۔۔۔
مری ساحرہ!
یہ دھرم بیچنے والے
تف ان پہ لعنت۔۔۔
کوئی دین ایسا نہیں کائناتوں میں
انسانیت سے بڑا اور کوئی کہیں دین ہے ہی نہیں
اور اسلام انسانیت کا ہی سب سے بڑا دین ہے
ساحرہ!
ہاتھ اٹھا اور معصوم پھولوں کی خاطر خدا سے دعا کر
انہیں اُس جہاں میں سدا کے لیے
چین آرام حاصل رہے
ان پہ رحمت رہے
ان پہ اکرام ہو
جو یہاں ان کو حاصل نہیں ہو سکا
اور آمین کر
اپنے ہاتھوں کو چہرے پہ مل
اور آ ۔۔
اور آگے چلیں۔۔۔۔
***********
ساحرہ!
بچپنے کی کوئی بات بھولی نہیں
یاد رہتا نہیں ہے جوانی کا سنگین تر واقعہ۔
اُس پہ بازار ہنستے تھے
جب وہ کھلونوں کو حسرت سے تکتے ہوئے
اپنی آنکھوں میں پانی لیے ماں سے کہتا
کہ مجھ کو وہی ریل گاڑی دلاؤ
فلاں کی دکاں میں پڑی ہے
مجھے وہ دلاؤ
ابھی کے ابھی
ورنہ بک جائے گی
کوئی لے جائے گا
اور سسکی بھی لیتا
اور اپنی نگاہوں سے
شفاف سچے محبت کے، غربت گزیدہ سے
آنسو بہاتا
تو مجبور ماں اس سے کہتی
وہ اچھی نہیں ہے
ابھی لائیں گے کچھ ہی لمحوں میں چلتے ہوئے
ٹوٹ جائے گی
یا چلتے چلتے ٹھہر جائے گی
اس سے اچھی کہیں سے تلاشیں گے
جب ہم کسی اور بازار میں جائیں گے
ساحرہ!
بچپنے میں کوئی کتنا معصوم ہوتا ہے
تم جانتی ہو
دلاسے ، تسلی کا مطلب بھلا ایک بچے کو معلوم کیسے پڑے
اس کے آنسو کھلونوں سے مہنگے ہیں بلکہ یہ انمول ہیں
پر اسے کیا خبر
ان کی قیمت کا اندازہ ہونے تلک
سر کے بالوں میں چاندی اتر آتی ہے
اور چہرے پہ جھریوں کا نقشہ ابھر آتا ہے۔۔
***********
ساحرہ!
تو مجھے بھی ذرا ایک بچہ سمجھ
اور خود میں ذرا مامتا تو بسا
اور پھر فرض کر
میں ان آنکھوں میں آنسو لیے
سسکیاں لیتے لیتے ترے پاس آ کر تجھے بولتا ہوں
کہ دے ذات کا محل
بس اک مرے ہاتھ میں
دل کے مندر میں آرام کے واسطے سیج کوئی سجا
روح مدت سے پیاسی ہے
اب دیکھ اپنی محبت کی برسات کر
اپنی آنکھوں کو میرے علاوہ کہیں اور ٹکنے نہ دے
دیکھ مجھ کو
مجھے دیکھ اور سوچ
اور ٹھیک سے سوچ
جب ٹھیک سے سوچ لے،
مجھ کو محسوس کر
اور محسوس کرتے ہوئے سب بھلا
کائناتوں کا زیر و زبر
اپنا گھر،
بام و در
ساری دنیا سے ہو بے خبر
صرف اور صرف ہو مجھ میں گم
ساحرہ!
او مری ساحرہ!
کھول آنکھیں
ترا زین بچہ نہیں جو دلاسوں سے بہلے
تسلی کو سینے لگائے
کہ تجھ میں ابھی مامتا کا وہ احساس جاگا نہیں
اور پھر فرض کرنے سے
سچ کی بلی کون دے
ساحرہ!
اے مری صندلیں ساحرہ!
***********
میرے الفاظ بھی کھوکھلے ہی تو تھے
اور مری خامشی کی زباں میں یہ لکنت کہاں سے چلی آئی ہے
اے مری ساحرہ!
خواب جنمے گئےہیں۔
مری آنکھ کی کوکھ نے تیرے خوابوں جنما
تو آنکھوں کو ساون کی ہائے لگی
میری آنکھوں کو اولاد میں ڈھیر آنسو ملے
قربتوں کی عنایات اس سے بھلی اور تھیں ہی نہیں
شاعری بھی نہ ہوتی اگر
تو تجھے حال اپنا بتانا بھی ممکن نہ ہوتا
الگ بات ہے کہ مرے بن کہے تُو سمجھتی تو ہے
میری ہر بات
اور ذات کی سب سرنگوں سے واقف بھی ہے
میری آنکھوں میں خوابوں کی تعداد اتنی نہیں
جتنی تعداد میں آنسوؤں کی قطاریں بہا کرتی ہیں
تیری یادوں کی موم اور اگر بتیاں
میری تنہائیوں میں جلیں
مجھ کو ایسا لگے آنکھ بھی موم بتی کی مانند لمحہ بہ لمحہ پگھلتی ہے
اور اگربتی کے جیسا مہکتی ہے
اور کھوکھلے میرے الفاظ ہی
اس سمے آسرا دینے لگتے ہیں
اور خامشی اپنی لکنت زدہ سی زباں میں
تری بات کرتی ہے
اے ساحرہ!
تیری باتیں کرے
کوئی بھی تیری باتیں کرے
اس کے ہاتھوں کو چوموں
گلے سے لگاؤں
سر آنکھوں پہ اس کو بٹھاؤں
میں قدموں تلے اس کے پلکیں بچھاؤں
بتاؤں اسے
کہ مرے واسطے تُو ہے کیا!
میں دکھاؤں اسے
دل میں تعمیر کردہ ترے واسطے چاہتوں کا محل
ساحرہ!
لفظ جیسے بھی ہیں
کھوکھلے ہی سہی
میں نے وارفتگی میں ترے واسطے کہہ دیے
گر تری آتما کے دروں تک پہنچ جائیں تو
ان کو سینے لگانا
فقط ان کو سننا نہیں
اپنے دل میں ذرا سی جگہ بھی۔۔۔۔
مری ساحرہ!
***********
ساحرہ!
عشق وہ تو نہیں
جس کی تعریف ہم ان کتابوں میں پڑھتے رہے
کچھ نے بولا کہ برباد ہونے کا اک دوسرا نام ہی عشق ہے
کچھ نے بولا کہ بس جذب و مستی،
کسی نے کہا عشق ظالم ہے، مُلّا نا عالم ہے
اور کوئی کہتا ہے عشق مجازی ہی عشق حقیقی میں جانے کی بس اک کڑی ہے
مری صندلیں ساحرہ!
میں نے اتنا ہی سمجھا
وہی عشق ہے
جس کو لاگے وہی رمز جانے
وگرنہ تو بحث و مباحث سے تو ہر کوئی اپنی اپنی فراست ہی جھاڑے ہے بس
ایک آوارہ انسان نے یہ کہا،
کہ دعا کر کبھی عشق چھو کر نہ گزرے
مجھے ایک درویش نے یہ کہا
کہ دعا کر فقط عشق ہی مانگ۔۔۔
اے ساحرہ!
جانتی ہو کہ میں نے دعاؤں میں مانگا ہے کیا
عشق دینا تھا جس نے اسے مانگ کر
پھر ترے در پہ واپس چلا آیا ہوں۔۔۔
***********
ساحرہ!
میں نے یادوں کی ساری ریاضت تجھے سونپ دی
لے سنبھال اب مجھے میرے الفاظ
سب کھوکھلے ہیں مگر
جان لے
میں ہی ہوں
میرے لفظوں میں قبریں ہیں
ہر قبر میں کچھ نہ کچھ دفن میں
ایک میں میرا سر،
ایک میں دونوں بازو،
کسی میں مرے پیر،
باقی بدن،
ایک اک بال،
دل کا الگ ہی مزار اور سانسوں کا دربار الگ
سب کا سب میں نے تیرے حوالے کیا
مجھ کو امید ہے کہ مری یاد سے
تُو ہی ہے جو وفائیں کرے گی ہمیشہ۔
یونہی غالیہ مُو چلی آئے گی
اور ہر قبر پر تُو گلِ اشک برسائے گی
پھر مبارک سے لمحوں میں
اور تیرے لب بھی ہلیں گے
مرے چین و آرام اور سکھ کی خاطر
وہی سکھ جو اب تک میسر نہیں آسکا تھا مجھے
وہ دلائے گی تُو
اور رب سے کہے گی۔۔۔
کہے گی۔۔۔۔
نہیں جانتا کیا کہے گی!
مگر مجھ کو معلوم ہے
میرے حق میں رہیں گی دعائیں تری
ذات بھی بس مجھے کھوجتی ہی رہے گی سدا
اور مرے کھوکھلے جتنے الفاظ ہیں
تُو ہی سمجھے گی بس
تُو ہی جانے گی بس
تُو ہی مانے گی بس
جیسے میں نے بھی چاہا نہیں کہ کوئی
ان کو سمجھے، یا جانے یا مانے
فقط ایک تیرے سوا
اے مری نابغہ!
ساحرہ!
***********
طول دوں؟
کس لیے طول دوں؟
اس کہانی کو پھر
میں کوئی اس قدر اہم کب تھا
کہ اب ہونے لگ جاؤں
اے ساحرہ!
لوگ باتیں کریں تو کریں
خواب مرتے ہیں مر جائیں
دکھ ساتھ دے یا نہ دے
میں کہاں تک تری بات کرتا رہوں
جنگلوں سے،
درختوں ، پہاڑوں سے
اور کہکشاؤں سے
چاند اور تاروں سے
اور آسماں سے تو کرنا نہ کرنا برابر ہی ہے
ساحرہ!
پریم کی گتھیاں اتنی آسان ہوتی نہیں جتنی لگتی ہیں
تکنے میں
اور ان کو کھولے بنا
یہ بھی ممکن نہیں کہ محبت میں آسودگی کی ذرا سی رمق مل سکے
دل عمیق و فراواں محبت کا قائل رہا ہے سدا
اور پھر درد کی کون پروا کرے
ساحرہ!
آخری بار سینے لگانے کا مطلب پتا ہے تجھے؟
آخری بار سننے سنانے
یا رونے رلانے کا مطلب نہیں جانتی؟
آخری بار
ملنے یا مل کر بچھڑنے کی رسمیں ادا کرنا آساں نہیں
آنسوؤں نے کہاں آخری بار بہنے کی کھائی قسم
آنکھ نے آخری بار تیری زیارت کی خواہش میں عمر ِ حزیں کاٹ دی
تو نے دیکھا نہیں
تو نے مڑ کے بھی دیکھا نہیں
یا یہ بھی ممکن ہے دیکھا ہی ہو
میں کہیں دیکھ پایا نہ ہوں
تُو تو آئی ہے بس
اور گئی ہی نہیں
تو گئی ہی نہیں ہے تو کیوں
پاس میرے نہیں
ساحرہ!
میرے سارے سوالوں پہ اب غور کرنے کی زیادہ ضرورت نہیں
یہ تو بے چینیاں ہیں
یہ بے تابیاں جو کہ بس میں نے تیری طرف بھیج دیں
خط کی صورت،
محبت کے خوشبو بھرے اک لفافے میں
اب تُو پڑھے نہ پڑھے
پاس رکھے یا پھر پھینک دے
اپنے سینے لگائے یا پھر آگ میں جھونک دے
یا اسی خط کو پڑھتے ہوئے
اپنا جیون بتا دے
یہ سب تجھ پہ ہے
اے مری پیار بھریے
مری عاقلہ
ساحرہ!
***********
دکھ، درندوں سے بڑھ کر کوئی چیز ہے
سکھ ہمیشہ ہی مظلوم بن کر ملا ہے مجھے
تیری مجبوریاں
مجھ کو دکھ ہی لگیں
اور تُو مجھ کو سکھ
ساحرہ!
میں نے کم ہی دعا کے لیے ہاتھ اٹھائے
پتہ ہے؟
دعائیں اگر آسمانوں سے بے فیض ہی لوٹ آئیں
تو اس سے بڑی اور کوئی قیامت نہیں ٹوٹتی
روح پر
اور دل پر
بہت اچھی اور ڈھیر پیاری مری ساحرہ!
جب بھی اترا ، تری روح میں
تو بلا کا سکوں پا لیا
تیرے جذبوں کو سمجھا تو
میں نے محبت کا خود میں جنوں پا لیا
ساحرہ!
تو نے پوچھا مجھے
جب زمانے گزر جائیں گے
اور تو مجھ سے پوچھے گی اپنےہی بارے میں تو
کیا میں تب بھی کہوں گا کہ
ہاں!
تُو مری ساحرہ ہی تو ہے
ساحرہ!
میں نے اپنے جنم سے بھی پہلے تلاشا تجھے
تیری خوشبو تو بچپن میں دیتی رہی لوریاں
مجھ کو ہر رات میں
اور دن میں، میں تیرے تعاقب میں پھرتا رہا
شہر میں،
ہر گلی میں،
محلے میں،
ہر چوک و بازار میں،
جنگلوں میں،
ہواؤں سے پوچھا ترے بارے
اور میں نے دریا کناروں پہ آتی ہوئی ایک اک موج سے
تیرے بارے میں پوچھا
عقیدوں میں،
ساری مبارک شبوں میں،
عبادات میں بھی تجھے ڈھونڈتے ڈھونڈتے عمر کاٹی
تجھے ڈھونڈتے ڈھونڈتے
میں نے کتنے مزارات پر
آرزو کے دیے بھی جلائے
کبھی بھوک کا پیٹ چیرا،
تجھے ڈھونڈنے کے لیے
مفلسوں کی پریشانیوں میں بھی جا کر تلاشا تجھے
بم پھٹے اور لاشوں میں جا کر بھی دیکھا
اجڑتے سہاگوں میں، بیواؤں میں اور یتیموں میں بھی
ہر گھڑی، ہر سمے، سب گمانوں میں بھی اور یقینوں میں بھی
تجھ کو ڈھونڈا ہے سانپوں میں بھی ، آستینوں میں بھی
مُندریوں میں بھی، چھلّوں میں بھی اور نگینوں میں بھی
اور مزدوروں کے جو بہے،
ان کی مزدوریوں کے سمے،
ان پسینوں میں بھی۔
دھوپ میں اور برسات میں
دن میں اور رات میں
بات میں
بات کی بات میں
ذات میں
ذات کی رات میں
اور اجالے میں بھی
میں نے تجھ کو ہی ڈھونڈا مری ساحرہ!
وہ جو "لا" سے بہت پاک ہے
اس کو پانے کی خاطر
تجھے ڈھونڈتا ہی رہا
اور اب یوں اچانک مجھے آ ملی ہے
تو کہتی ہے
کیا تم کبھی مدتوں بعد مجھ سے کہو گے؟
کہ
ہاں!
تو مری ساحرہ ہے۔۔۔
مری صندلیں ساحرہ ہے ۔۔۔۔
تو سن!
اب مجھے ڈھونڈ
اور ڈھونڈ لے تو
بہت سوچ
اور سوچ لے تو
مجھے جان
اور جان لے تو
یقیں کر
کہ یہ کوئی بھی داستاں تو نہیں تھی
جسے میں سناتا رہا تھا
زمیں زاد، مکروں، فریبوں بھرے
دوغلے ، بے حسی کے انہی رشتہ داروں کو
سارے ہی لوگوں کو
جو ساحرہ ڈھونڈنا تو بہت دور ہے
ساحرہ کو ابھی تک سمجھ ہی نہیں پا رہے
جانتے ہی نہیں
اور مانیں بھی کیسے؟؟
مری ساحرہ!
تو ہمیشہ سے ہی اجلے دل اور اجلی ہی ارواح سے آ کے ملتی رہی ہے
ہمیشہ انہی کو ملے گی
دلوں اور روحوں کی پاکیزگی کے بنا
تجھ کو پانا کسی طور ممکن نہیں۔۔۔۔۔
حرفِ اول!
مری حرفِ آخر!
جمیل و حسیں!
صندلیں ساحرہ!!!
زین شکیل
Sahira!
Sahira!
Main jo ek dastaan go sa mashhoor hone laga hoon
zamane mein
Kuch bhi ajab toh nahin hai ke main bhi kabhi dastaan hi kahin ho ke reh jaoon
Payindagi paaoon
Tabindagi chahe paaoon ya paaoon nahin
Ay meri sandalain Sahira!
Jis tarah woh bhi roonani dastaan toh na thi,
Yeh bhi waisi hi bas mahaz roonani dastaan toh nahin hai jise main sunata rahoon
Un zameen zaad, makrohon, fasadon, farebon bhare,
un tamashai logon ko
Phir bhi tere vaste kuch mohabbat parone ki koshish toh ki
Chand nauhon ke
aur chand bainon ke sang
Is ko manzoor kar
Jo bhi jaisa bhi tha
Bain the, aarzoo'on ki laashain thien,
Meyyat thi, qabrein mazarat the
Maine lafzon ki mala mein sare ke sare pro kar
Tere paaoon mein la dhare Sahira!
Ek bechain shair se
Tu ne umeedain lagaien toh kyon
Ab yeh aazaar tan par pehen
aur mere sath chal
Main jinhen kitne janmon se pehne hue
ek musafat mein hoon
Ek ajab hi safar hai meri Sahira!
Kuch khabar hi nahin kis taraf ja raha hoon
Yehi janta hoon
Kisi bhi gali se chaloon
aur kisi bhi sadak se,
Kisi raah se bhi nikal loon
Toh aage fana ki hi manzil meri muntazir hai
Meri Sahira!
Tu fana se jo pehle juda hona chahe toh aazad hai
Par baqa mein judai gawarah nahin
Ek yaqeen toh rahe
Ke main ab besahara nahin
Ab judai ka yaara nahin
***********
Sahira!
Mere baatin mein ghulne siwa
Kuch bhi aata hai kiya?
Sahira!
Aankh teri mohabbat mein jab aasmanon ki jaanib uthe toh duaen
Duaen jo tu bhejti hai namazon ke baad
aur wazaif-o-awrad ke baad
Woh sabz shalon ko odhe hue sab ki sab
Jaan! Maqbooliyat ki taraf udte udte
Dikhai jo deti hain toh
Aankh mein kitne pakeezgi ke kai rang ghulte hain...
Tu jaanti hai? Bata!
Hum tere vaste raat ko kuch nahin jaante
Din ko kuch bhi samajhte nahin
Intezar bhi kitni kathin hai
Ke tu aayegi toh tujhe
Bazu'on ke panghode mein dalenge
Bachon ki manind jhoola jhulaenge
Aur loriyan denge
In loriyon mein mohabbat pro kar
Teri rooh ke kone kone mein aise utarenge
Tere badan ko nikhaarenge
Aur kainaton ko tere hi sadqe mein warenge
Seene lagaenge
Dukh bhool jaenge
Sare ke sare
Mujhe chahiye bas sitare
Jo tere labon se nikal kar
Meri rooh mein ek basti basane ko
Har pal chamakne damakne ko taiyar hon
Ay meri Sahira!
Tu kahan se chali aayi hai
Ek muddat kahan thi
Ke ab meri aashufta haali pe Rab ne karam ki jo barsaat ki hai
Woh teri hi aamad ki saughat hai
Ay meri Sahira!
***********
Tere baalon ke guchhe mein
Chahat mohabbat ke rangon dhali
Ek masoom chidiya ka ek ghonsla
Ab bhi aabaad hai
Ay meri Sahira
***********
Sahira!
Kab hawaen chalen
Jab kabhi tu ne baalon ko khola
Tabhi tu ne jab apne baalon ko aadha hi khola
Toh khushboo mili.
Aa mili,
Rach gayi,
Ghul gayi hai hawaon mein
Tere nagar se chali
Meri basti mein aayi toh
Mere hi seene lagi
Sahira!
Sandalain Sahira!
Kya ghazab husn ka bankpan bhejti hai
Fizaon ke haathon
Sada bhejti hai, hawaon ke haathon
Hawa bhejti hai, wasile se zulfon ke
Alfaaz bhi bhej de!
Ab mohabbat ke amrit mein sare bhigo kar
Tu aankhon pe mal loon
Labon pe saja loon
Gulabi si aankhon se kiya dekhti hai
Tujhe kuch khabar hai?
Ke sara jahan hi gulabi hua phir raha hai
Teri laal makhmoor aankhon mein mahsoor ho kar
Kisi phool ki tarah kumhlaya gaya hai
Meri Sahira!
Apni bahen zara der wa kar!
Ke main is zamane ki veeraniyon mein
Basa ek apna hi ghar dekh loon
Apne rukh se pareshan zulfen hata!
Tujh ko ji bhar ke bas ek nazar dekh loon..
***********
Ay meri zindagi ki riyazat!
Kahin zaichon mein likha tha ke hum yoon milenge
Kabhi na kabhi
aur kahin na kahin
Yoon achanak naseebon ka rasta badalna,
Sitaron ka takna hamein,
Muskurana
Toh muska ke chanda se kehna
Yeh kehna ke dekho yeh do jism
Sandal ki mahkaar roohon mein le kar jiye
Ek yahan
Ek wahan
Kitni meelon ki doori rahi
Ek dooje se
Kitne rahe bekhabar
Phir bhi mehsoos karte rahe
Aur chalte rahe ek mahak ke ta'aqub mein
Aur phir kahan se kahan aa mile raste.
Raste mil gaye,
Khul gaye phool sehrai, veeran, afsurdah bechain jeevan mein
Aise laga ke mohabbat ki devi suhagan hui hai
Mohabbat ke avtar ne maang mein bhar diye hain kai phool
Lamaut se phool
Aur woh jo mahkaar khoi hui thi kai saal se
Ek pal mein achanak mili ho
Khili ho kali zindagani ki ujdi hui ek veeran guzargah par
Chand sunta bade ghaur se prem ki yeh katha
Aur phir chandni ko lutaya hamare liye
Aur duaen hamein bhejte sab sahaba aur tare,
Nizare sabhi kahkashaen
Hamein dekh kar pyar ke daere bhi banate, daere bhi bana
Nishani lagate,
Woh duniya banate hamare liye
Jis mein hum
Yaani main aur tum Sahira!
Sandalain Sahira!
Aisa jeevan batane ko jaayen
Jahan bas zawal-e-mohabbat nahin ho
Namood-e-qudrat nahin ho
Faqat bansuri goonjti ho
Mohabbat ke khushboo bhare geet gayen hawaen
Charind-o-parind-o-shajar.
Aur khushboo woh khushboo hamein jo yahan layi hai
Is ne ab ke sada ke liye jod dala hamein Sahira!
Ay meri zindagi ki riyazat meri Sahira!
***********
Sahira!
Waqt saccha hai apni jagah
Kuch nahin chhodta
Naqsh bhi,
Khaak bhi,
Raakh bhi
Aur hum tum jo hain waqt ke hath mein jaise kathputliyan hain
Milan ka bhi ek waqt hai
aur judai ka bhi
Aur mohabbat ka kiya waqt ho ga?
Mohabbat ka shayad koi waqt hai hi nahin
Yeh toh har waqt hai
Yeh toh bar waqt hai
Aur mohabbat toh mohtaaj hoti nahin hai
Kabhi bakht ki
Na kabhi waqt ki
Sahira main toh imaan laya teri is mohabbat pe jo
Mujh ko sadiyon se takti rahi thi zameen-o-zamaan se pare
Teri khushboo pe imaan laya ke jo
Mujh ko mahsoor kar hi chuki akhir-e-kar
Imaan laya teri un pareshaniyon pe
Ke jo mere bedar ho kar
Kahin door kho jane par tujh ko lahaq huien
Teri bechaini aur beqarari pe imaan laya ke jo tujh mein thehri rahi
Mere barbaad honton ke ba'is
Teri surkh aankhon pe imaan laya hoon main jo ke thakti nahin hain
Mujhe dekhte dekhte,
Dil ki shadabiyon sang bhi ashk rote hue
Teri banhon pe imaan laya ke jin mein mera muztarib,
Adh mara, neem jaan yeh badan zindagi ki ramaq pa gaya
Dil chamak pa gaya
Mera ehsaas bhi woh mahak pa gaya
Jis se bichhda hua tha zamanon se main aur tu bhi meri Sahira!
Dekh main tujh pe imaan laya hoon waise hi jaise ke tu
Mujh pe imaan laayi
Meri zindagani,
Meri mushkilon aur aasaniyon par,
Mere chahne walon par,
Aur mere aibon aur khoobiyon par.
So aa!
Aa meri Sahira waqt ka mil ke inkar kar dein
Ussay mil ke jhutla dein taake
Milan aur judai ke auqat ke samne apna sar na jhukana pade
Hum mohabbat sada ke liye apni roohon ke andar utaren
Aur ek doosre ke gale se lagen
Aur imaan layen baqa-e-mohabbat pe hum
Aur hamesha amar hon
Meri sandalain Sahira!
***********
Khwab kaise bhi hon Sahira!
Yeh toh hijraan ki mari hui
Surkh aankhon ka kuch bhi nahin chhodte
Aur gham ke musafir jo hon
Kab bhala khwab un ke suhane hue
Chahe kitne bhi hon
Khwab mein dev qadd cheen, aadam numa gar jo dekhen
Toh ta'abeer mein dukh milen..
Khwab mein laal pariyoon jo dekhen
Toh kitni shabain aankh ro ro guzare
Kabhi shehzada koi shehzadi ko lene chala aaye
Ya
Ek gudde ki guddi se shadi karati hui
Ek bachi ki muskaan
Khwabon mein gar rasta bhool aaye kabhi,
Toh meri Sahira tum ko maloom hai
Uski ta'abeer mein kitni ruswaiyon ke bhanwar dekhne padte hain
Khwab aankhon ki durgat banate hue kuch nahin sochte
Chahe jaise bhi hon
Aur bhayanak agar hon
Toh phir un ki ta'abeer se kaisi umeed ..?
Ay mere khwabon ki duniya mein gum Sahira!
Aankh thakti nahin
Aankh khwabon se thakti nahin
Khwab, lekin tumhare hi hon
Chahe kaise bhi hon
Ek muddat hui khushboo'on ke safar par chale the
Toh khwabon ke kitne mahal hum banate gaye
Hum ne socha na tha
Hum ne hargiz yeh socha na tha
In ki ta'abeer takleef deti rahegi sada
Hum agar sochte bhi toh phir bhi kabhi baaz aate nahin
Aankh ke phootne ka koi khauf bhi toh nahin tha hamein
Chahe hum jaante the ke
Yeh khwab aankhon ka kuch bhi nahin chhorenge
Ab yeh aalam hai hum bas isi ko aqeeda samajhte hain
Khwabon ki ta'abeer
Gham ke musafir jo hon
Un ke khwabon ki ta'abeer
Dozakh ki bhatti mein paiham jala kar yahan bhej di jaati hai
Chahe jaise bhi hon,
Khwab
Aankhon ka kuch bhi nahin chhodte..
***********
Sahira!
Bhook kitni bhayanak hua karti hai
Meri masoom ay sandalain, baawli Sahira!
Zabt ki koi had bhi agar ho toh shayad
Ussay maut kehna baja hai
Bhala kis liye bhook ki maut marte hue log,
Duniya mein maujood un ne'amaton ko muqaddar mein likhwa ke laate nahin?
Khudkushi jin ko aasaan lagti ho
Aur zindagi ki musafat kathin
Aur suna hai muqaddar toh khud apni marzi ka likha hua ho toh sakta nahin
Aisa hota agar
Toh meri Sahira!
Har koi kainaton ki taqseem ko la patakhta zameen par
Yeh insaan qayamat ka khudgarz aur lalchi.
Bhook bhi toh azabon ki aqsaam mein se koi qism hai
Aur azaab aaen toh
Aasmaan se utarti balaen yeh kab dekhti hain ke kis ka
Janam apni marzi mutabiq hua
Maine sadkon pe
Lahore ki aur Gujarat ki,
Kitni sadkon ke footpath par
Neem jaan, adh mare aur hadiyon ka mujassama bane
Lakh nange badan reingte jab bhi dekhe
Toh aisa laga
Jaise mujh par wohi bhook ka sa azaab aa gaya ho
Bhala aise logon ko kaisi tasalli,
Bhala kiya dilasa?
Aur un ke woh dhoolon atte jism ki qadar-o-qeemat bhi kiya?
Yeh janam bhi,
Meri Sahira!
Jis tarah se azabon ki aqsaam mein se koi qism ho..
***********
Sahira!
Maut aur bain,
Aur bain mein
Uff... bala ki woh aahein...
Aur aahon mein madfoon ek zindagi...
Laash ek zindagi ki gawahi sunati hui,
Aisi chup,
Aisi khamosh.
Aur bain
Aur bain bhi ek tarah ke nahin
Sau tarah ke ajab
Boorhiyon ke alag
Doshizaaon ke apne alag
Ladkiyon aur ladkon ke apni tarah ke alag
Aur bachon ke bilkul alag
Bain toh bain hote hain
Aahon bhare,
Aur karahon saje...
Uff woh boorhiya
Jawan saal bete ki mayyat pe behal ho kar tadapti hui
Keh rahi thi
Khuda...
O Khuda!
Tu zameen par utar
Kainaton se nazrein hata
Apni masroofiyat chhod aur ab idhar dekh le
Tere mitti ke putlon ne
Zalim darindon ne kiya kar diya
O Khuda!
Teri duniya mein, aur badshahi mein teri,
Mere minnaton aur muradon se janme hue laal ke khoon se
Holiyan khel kar
Un kalejon mein thandak padi hai
O Saame'!
Meri aah tujh tak bata kyon pahunchi nahin hai?
O Qahhar!
Kyon qahar bas ek meri kokh par hi?
O Jabbar!
Kiya jabr bas mere ladon pale laal ke vaste tha?
O Maalik!
O Khaliq!
O Bari!
O Qadir!
Teri badshahi mein tere banaye hue
Chand mitti ke zalim darindon ne
Tujh se hi mangi hui meri masoom minnat ka khoon kar diya
O Khuda!
Aur bas maine itna suna Sahira!
Phir woh boorhiya
Bahut saal come ki haalat mein khamosh
Chup, besada bain karti rahi
Aur phir chal basi...
Sahira!
Sahira!
Aur meri sandalain Sahira!
Mujh ko aghosh mein ab chhupa
Is qadar chhaid hain
Jo ke ab tak bhare hi nahin
Is sama'at ke parde mein
Ab bhi bahut zakhm hain jo ke ab tak
Sile hi nahin...
Sahira apni khushboo suna
Apni baaten dikha
Ab yehi waqt hai
Lamha lamha yeh mujh ek bikharti hui ret ko..
Jis qadar bach gaya
Apne daaman mein le
Aur mahfooz kar le
Mujhe apni khatir kahin
Ay meri sabira, Sahira!
***********
Tu na aati agar
Toh yeh jeevan,
Yeh sulga hua mera jeevan abhi ke abhi
Raakh hone ko tha
Bas yeh bujhne ko tha
Aur tu Sahira!
Mere bejaan jeevan mein
Aise chali aayi hai
Jaise andhiyar nagri mein ek roshni ki kiran
Jaise sehraon mein tez barsaat,
Tarpi hui aankh ko chain ki neend
Aur neend mein jaise khwab-e-behisht-o-baharan
Meri Sahira!
Dekh yeh tere aane se
Dukh mujh se naraz hone lage
Le udi hai mujhe yeh hawa
Jo mujhe ek zamane se chhuti na thi
Chhoo bhi leti toh
Naraz rehti
Udasi ke kitne tamanchay lagati mujhe
Dekh yeh tere aane se kaise mujhe le udi
Hans ke seene lagi
Aur main panchiyon ki tarah
Teri pakeeza chahat ke par khol kar
Kitna aazad udne laga..
Jab teri baat goonje mere zehn ke gumbadon mein
Toh hansne lagoon
Teri khushboo mujhe gher le raston mein
Toh tere khyalon mein baitha rahoon,
Is jagah..
Teri masoom muskaan dam dam duaen ugalti hui
Ek taraf se chali aaye
Aur mere seene lage toh
Main khoya rahoon
In duaon ki meethi si taseer mein.
Aur khud ko karoon qaid,
Tere labon pe saji dheemi muskaan ki naram zanjeer mein
Sahira!
Teri khushboo sada
Yoon hi aabaad rakhe Khuda
Main jise dhoondte dhoondte
Dar ba dar hote hote
Kata aur phata yeh badan le ke akhir
Tere dar talak aan pahuncha
Ke tu hai dukhon ki dawa
Ay meri rooh se lamha lamha nikalti hui ek dua
Ay meri Sahira!
***********
Ek mulaqat ka
Haal ahwal tujh ko sunana nahin tha magar
Main sunate hue hichkichaya nahin
Toh yeh samjha ke tujh se chhupana bhi kiya
Log hanste rahe
Log haalat pe hanste rahe
Ek museebat zadah shakhs ki dhadkanon ki shikasta si dhun par
Bahut der hanste rahe..
Jaane kyon,
Waqt chehre pe itne tamanchay lagaye bina beet jaata nahin
Jaane kyon
Waqt kanjoos, bechara, majboor hai
(Aisa maine nahin... aur ek ne kaha tha)
Magar waqt kanjoos hai
Thode dil wala,
Pal bhar ki mohlat bhi deta nahin
Par mujhe uski bechargi ke mutaliq bata, Sahira!
Aur majboor kaisa?
Meri Sahira!
Tu bhi uss se mili
Jis ke chehre pe kitne tamanchon ke itne nishaan the
Isi ek beraham se waqt ke
Aaj main bhi mila
Uss se khul kar mila
Sahira! Ab woh waisa pareshan rehta nahin
Muztarib aur bechain rehta nahin
Woh udasi se milta nahin
Na sapasi ko seene lagata nahin
Ab kisi ko bulata nahin..
Uss ne mujh se kaha
Sahira ke siwa
Ab kisi se bhi milta nahin
Aur kisi se na milne se us ke
Sabhi zakhm bharne لگے
Chain, sukh aur khushi jin se woh ek zamane se mahroom tha
Sab ka sab us ko milne laga
Sahira!
Tu mohabbat ki kin wadiyon se chali aayi hai
Apni aankhon mein chahat ke tare liye
Apne hathon mein mahke sahare liye
Ay Paristan ki malika-e-aaliya!
Is se pehle kabhi jab main us se mila
Haan! Isi beqarari ke mare hue, ghamzada shakhs se
Toh woh aansoo bahaye bina koi bhi baat karta nahin tha
Agar lab hilata toh lagta
Abhi ke abhi koi matam bapa hone wala hai
Gar saans leta,
Fiza mein ghutan badhti jaati
Jahan bhi nigahen jamata toh har woh jagah
Sakht kadwe se lahje mein kehti
O kambakht nazrein hata!
Na muradi se bharpoor nazrein hamari taraf se hata!
Sahira!
Uss ke alfaaz bas bain hi bain hote
Aur ab toh woh bilkul bhi waisa nahin
Ab jahan baithta hai toh
Har woh jagah us se kehti hai
Lajpal!
Chahat ki wadi se tashreef laayi hui
Is Paristan ki malika-e-aaliya Sahira ko bula le
Hawaen bhi sandal ke mahke hue jangalon se
Chura laati hain,
Khushbooen
Uss ke chehre ko chhuti hain,
Kar ke nichhawar guzarti hain khud ko
Ke jis se mahakta hai, tan aur badan
Aur sandal ki mahkaar
Ek aag bhadkane lagti hai jazbaat mein
Ab woh bole toh lagta hai sheerinoon ka samandar baha hai
Nigahen uthaye toh sare nazaare taraste hain
Uss ki nigahon mein mahsoor hone ki khatir..
Meri sandalain!
Sahira!
Ab woh waisa nahin
Tere se milne se pehle tha jaisa kabhi
Sahira!
Aaj main Zain se mil ke aaya
Toh accha laga
Aur agar ab dobara woh tujh se mile toh
Udasi ka uss se
Koi tazkira phir na karna
Wagarna
......Wagarna...
............Wagarna............
***********
Meri Sahira rang roen
Toh aankhon ki barsaat thamti nahin
Wadiyan sabz-o-shaadab rehne se tang aa gayin hon toh phir
Jangalon mein basera bhi kuch mantqi toh nahin
Aur kitabon mein madfoon ilm-o-riyazat
Toh sadiyon nichodi gayi
Ab toh lagta hai bas khokhli reh gayin hain kitabain sabhi
Sab hi tehreer hai aur phir bhi koi faiz baqi nahin
In ko jhaden toh bas gard hi gard udti hai
Ilm ab nikalta nahin..
Sahira!
Shehar ke bare mein tum nahin jaanti
Meri masoom, bholi, meri baawli!
Shehar mein ek ghar tha
Yahan se koi pandrah meel aage
Woh ghar jis mein maan, behen ek bhai aur baap tha
Un ke haan ek darindah sifat aur beta bhi palta raha
Aur kaisa ajab waqt aaya ke us ne
Khud apni hi maan, behen aur bhai aur baap ko
Goliyon ka nishana banate hue
Woh tashaddud kiya
Aur is parwarish ka sila
Maut de kar diya
Haif sad haif hai
Uff...
Sahira!
Ay meri zindagi ki sunehri chamak aur damak!
Chhod, hum kiya karen
Sab ke apne gharon ke masail hua karte hain
Hum bhala kis liye tang adate phiren
Aur kyon apna mood off karte phiren
Kaun sa hum pe aisi qayamat koi tooti hai
Jo ke aansoo bahaen
Hamein sun ke afsos jo ho gaya hai
Toh kafi nahin?
Sahira, chhod!
Ab tu bhi afsurdagi ki alamat na ban baith..
Main teri la'ilmiyon par fida apne ji jaan se
Tu idhar dekh aur muskura
Ta ke main apni afsurdagi ko chhupane mein
Kuch aur bhi surkhuru ho sakoon...
***********
Raste
Sahira!
Raste apni marzi ke malik hua karte hain
Ek tarah
Kyonke hum toh unhein apni marzi mutabiq
Kahin mod sakte nahin hain magar
Sahira!
Baaz auqat raste kai doosre raston ke
Bahut gehre sathi hua karte hain
Sath chalte hain ek doosre ke bahut door tak
Jo musafir hua karte hain
Un ki ranjish unhein bhi alag karti jaati hai,
Ek doosre se.
Judai ka sadma liye
Chal nikalte hain ek doosre ke mukhalif
Magar baaz auqat aisa bhi hota hai
Thodi musafat ke tay hone par
Phir se mil jaate hain
Aur aisa bhi hota hai
Phir woh hamesha hamesha hi ek doosre se juda
Sog mein doob kar chalte jaate hain rukte nahin
Raste...
Kiya kabhi tu ne koi udasi se bharpoor
Rasta kahin par bhi dekha nahin Sahira!
Raste phir bhi marzi ke malik hua karte hain
Aur agar na bhi hon
Hum toh phir bhi kabhi apni marzi mutabiq
Unhein mod sakte nahin..
Bas badal lete hain
Ay meri humsafar Sahira!
Tu koi rasta aisa chunna
Ke jis ko mere raston se adawat na ho
In mein zaati koi dushmani koi ranjish na ho
Khaas kar un ke bakhton mein kaali judai na likhi hui ho
Meri Sahira!
Sandalain!
Ay meri malika-e-aaliya!
Ab zara dekh kar..........
***********
Dekh kar soch,
Aur soch kar jaan,
Jab jaan le toh suna
Aur sunane mein diqqat jo ho toh
Nigahen jhuka
Jab nigahen jhuka le toh sun!
Muskurane ki koshish bhi kar
Sahira!
Muskurane ki koshish toh kar
Meri aankhon gulabon ki kaliyon padhne ki jurrat jo hai toh zara
Muskurane ki himmat bhi kar
Teri afsurdagi,
Meri afsurdagi ko badhane siwa kuch bhi karti nahin
Teri nam aankh,
Meri un aankhon ke behte samundar mein dariya ki manind aa girti hai
Khushk hoti nahin
Tera dil,
Mere sehrai dil ko tasalli toh deta hai barsaat ki
Par woh saawan ki rut hai ke aati nahin
Koi bhooli hui yaad aati hai ban ban ke badli
Barasti nahin
Apni zulfon ko shanon pe bikhra magar un ko lahra nahin
Zakhm silte nahin,
Na silen
Un ko sulga nahin
Jaan!
Aankhen zara ek pal ko utha
Aur ji bhar ke baaten suna
Par labon ko hila toh nahin
Paas aana nahin
Tu na aa
Aise aa kar mera dil dukha toh nahin
Sahira!
Neend aankhon se le ja meri,
Khwab ki mandiyon mein kahin
Bech saste hi damon magar
Apni banhon mein dale hue neend ka haar
Meri pareshan raaton mein aane ki koshish toh kar
Sahira!
Muskurane ki koshish toh kar!
***********
Muskura aur phir soch
Phir soch aur jaan,
Jab jaan le toh dua ke liye hath apne utha
Jab utha le toh phir soch!
Aur sochti ja..
Ibadat ke ma'ani na jab tak khulen
Na milen jab talak in duaon ki manzil ke raste
Abhi tak jo poori nahin ho sakien
Sochti ja..
Bahut soch ...
Aur soch kar dil ko thapka,
Jaga aur ussay bol
Uth!
Aur jaga rooh ko
Aur hathon mein aa
Jab yeh hathon mein aajaye
Phir soch..
Har woh dua jo ke nikli thi dil se kahan ja ke pahunchi bhala
Kisi ke jaanib woh bheji thi
Aur kis ki jaanib gayi
Aur yeh soch!
Kis ko agar bhejte toh woh maqbool-o-manzoor hoti
Toh phir soch kar
Apne hathon ki jaanib nigahen laga
Chaar aansoo gira
Aur kuch bhi nahin soch...
Phir hath chehre pe mal
Aur wapas chali aa
Ke shayad sabhi in duaon ko aankhon ka pani hi sar sabz-o-shadab kar de
Meri Sahira!
Kuch nahin soch
Bas jaan le ke ibadat ke ma'ani
Mohabbat mein behte hue chand aansoo hi hain
Raste hain yehi.
Aur aansoo samundar se gehra hua karta hai
Aur aansoo bina
Rooh dhulti nahin
Kaaba-e-dil sanwarta, nikhrta nahin
Sahira!
Apne hathon ko yoon hi dua mein utha kar faqat apne alfaaz zaya na kar
Yeh munajaat zaya na kar
Ke faqat ek aansoo,
Aqeedat mein aankhon se tapka hua
Lakh alfaaz se
Aur munajaat se
Mo'atabar hi hua karta hai...
***********
Sahira!
Soch aur bol,
Jab bol le toh khamoshi ki sun,
Kuch sunai agar de na paye toh phir bol,
Phir bhi khamoshi mile, jaan!
Phir soch
Jab soch le toh khamoshi suna
Jab khamoshi suna le toh sun!
Kuch suna?
Haan! Yehi!
Haan ji bilkul yehi!
Khamoshi ne sadaon ke andar ki baaten kahin
Khamoshi ne wafaon ke bare mein bareek baaten kahin
Khamoshi ne duaon ki pakeezgi ke sabhi baab khole
Meri Sahira!
Khamoshi soch aur khamoshi bol!
Aur khamoshi sun!
Main ab khamoshi ke kai aur faizan tujh ko batane se qasir hoon
Jo ke faqat khamoshi mein hi khul paenge
Toh meri khamoshi jaan!
Aur soch..
Phir soch....
Aur khamoshi se meri khamoshi mein chali aa
Meri khush byaan Sahira!
***********
Ishq bare bata?
Halat-e-za'f mein bhi meri Sahira!
Is ka sar hai ke jhukta nahin
Yeh jhijkta nahin hai
Zamane ke aage
Chhupata nahin hai yeh apne aseeron ko
Aur baaz aata nahin ismatain rolne se
Yeh darta nahin sayyedon ko nachate hue
Thiya thiya gawate hue
Aabroo'en lutate hue
Karbalaen machate hue
Aazmate hue
Ishq majboor hota nahin hai meri Sahira!
Tu ne kis ishq ki baat ki?
Jo bahut chain ki neend sota hai?
Aur der se jaagta hai?
Ya phir woh jo aankhon ko neendon ka dushman bana ke rulata hai shab bhar?
Tere shehar mein ishq nami woh boodha jo tha
Hath mein thaam kar
Ranj-o-gham aur udasi ki lathi
Shab-o-roz galiyon mein awargi ki alamat jo phirta
Ussay tu ne dekha kabhi?
Aur jo dekha hai toh
Tu ne uss ishq ki baat ki?
Haan wohi ishq,
Waisa hi meri gali mein bhi aata hai din mein kai baar
Aur raat bhar toh mere ghar ke aage se hatta nahin
Maine dar ke
Kabhi raat ko apni khidki se jhanka nahin
Sahira!
Ishq se jis qadar ho nigahen bacha
Uss ki aankhon mein aankhen milane se bach
Uss ke chehre ki jhurriyon pe, za'f aur masoomiyat par na ja
Maine is waste tujh se kuch bhi chhupaya nahin
Yoon na ho tu kabhi sansanati hawaon ke hathon
Yeh shikwa mujhe bhej de
Ke bataya nahin
Sahira!
Mere kehne na kehne se kuch hone wala nahin
Ishq hone ko ho toh yeh talta nahin
Aur ho jaaye toh dil mein chain-o-sukoon aur palta nahin
Dil behelta nahin
Dard dhalta nahin
Zor chalta nahin
Neend raaton se naraz ho jaati hai
Aur yeh ishq,
Boodha za'eef aur masoom zaalim
Jo har raat aankhon ko khole hue
Sard nazron se takta hai
Aankhon ko milta nahin
Chand chhupta hai
Suraj nikalta hai par
Raat dhalti nahin
Din nikalta nahin
***********
Sahira!
Raat bhari rahi
Jo ke katti nahin thi magar
Phir bhi katti rahi
Beqarari rahi
Beqarari un aankhon pe,
Majboor-o-mahjoor aankhon pe taari rahi
Teri aahen ghulien nam fiza mein
Hawaon ne mujh ko bataya ke teri taraf sogwari rahi
Raat bhari rahi?
Ek mohabbat jo sadiyon se bewa hui,
Uss ki aulaad sadiyon se yoonhi kunwari rahi
Sahira!
Bomb phate!
Kitne lashe kate,
Aur janaze uthe
Kitni kokhon mein ranjeedgi chhaid karti gayi
Kitni behnon ne aankhon mein dariya utare sada vaste
Aur ek ek suhagan ne sukh taj diya
Aur aazaar-o-dard-o-alam apne bistar mein dekhe jo bahen pasare hue,
Khud ko un ke hawale kiya,
Aansoo'on ke sabhi zewarat-o-jawahar tanon par saja kar hamesha hamesha ki khatir.
Meri Sahira!
Woh harami darinde, woh khudkush,
Jo Islam ke khair khwah ban ke insaniyat ko mitane ki khatir chale aaye hain
Ab toh alfaaz milte nahin
Un ko kiya kuch kahain.... la'anti
Yeh toh Islam bilkul nahin tha
Jo Islam tha woh toh insaniyat ka hi ek naam tha
Sahira!
Tum mubarak shabon mein,
Duaen karo toh mujhe mangne ki bajaye
Khuda se kaho!
Ay jahanoon ke Maalik
Raheem-o-Kareem aur Rahman
Rehmat ki chadar hi lahrao
Dil mein ab aur taqat nahin ke ujadte hue
Khandanon ki, maan, behen aur betiyon aur suhagon ki aah-o-buka sun sake
Sahira!
Din bhi bhara raha...
Shaam roti tadapti rahi...
Beqarari rahi...
Raat bhari rahi...
Sogwari rahi...
Aah-o-zari rahi....
***********
Sahira!
Rang pehno toh aankhon se kuch bhi na kehna
Sitaron se baaten karo toh amawas mein rone tadapne ko taiyar rehna
Agar chand ki khwahishen kar chuko toh
Chakori se ek baar milna
Ussay kuch na kehna
Na kuch poochna
Ek nazar dekhna..
Sirf ek hi nazar..
Yeh jo aankhon mein teri sahabon ne dera lagaya hua hai
Yeh kin saawanon ki bhala dein hain?
Tu ne kitni baharon se waade kiye
Aur kitni khazaon ko chakme diye?
Aarzoo ka kafan itna maila nahin
Jitna maila laga
Bain mayyat pe hon toh bhale bhi lagen
Aise bechain mausam mein
Be maut se aadmi ke liye
Is qadar gham se labrez dilpash bainon ka matlab toh fehm-o-farasat se bala hai
Ay Sahira!
Dukh darazon, kitabon, deewaron aur un ki daraaron se, darzon se
Chhup chhup ke takte hain kyon?
Samne aa ke seene lagate nahin kis liye?
Jaan!
Is ranj-o-gham se bhari nagmagi ka bata kiya karoon?
Zindagi ke kai aur bhi raag hain
Sirf "Todi" hi kyon?
Koi "Aiman" bhi ho..
Banjh phoolon se kaisi umeedain bhala?
Aur gulabon ko seene lagate hue
Khaar chup toh nahin baithte
Khushboo'on se bhari ay meri sandalain Sahira!
Mujh pe beete azabon ko rehne de apni jagah
In mein aane ki koshish na kar
Jis qadar ro liya
Tu ne dekha nahin
Ab rulane ki koshish na kar
Meri aankhen jo patthar hui hain
Unhein aazmane ki koshish na kar
Door jane ki koshish na kar!!!
***********
Roshni kis bhalai ki mohtaaj hai
Aur saye toh bas roshni hi ke mohtaaj hain
Aasmanon se utra hua noor
Mitti ki zeenat bane na bane
Jism mitti toh hai
Dil jale na jale
Raakh hona toh hai
Pyar ki aag bhi kiya ajab aag hai
Rooh se jaan-o-dil ko jalati hai
Sulga ke rakhti hai jazbaat
Ehsaas se jo dhuan
Ek ta'alluq ki aankhon mein lagne lage toh
Meri Sahira!
Kuch dikhai bhi deta nahin
Raah hoti toh hai
Par sujhai hi deta nahin
Dil mohabbat kamata toh hai
Aur kamayi bhi deta nahin
Sahira!
Sandalain! Aasmanon se utri hui noor!
Kiya tu ne mujh saye ke bare mein bhi kabhi socha hai?
Socha hai toh tujhe jaan kar yeh aziyat toh ho gi
Ke saye toh pal bhar ko hote hain
Aur woh bhi mohtaaj,
Yeh roshni ek pal ko jo rooposh ho toh gaye yeh abhi ke abhi
Sahira yeh tera aur mera jism mitti ki khwarak tere mere aur kis kaam hai
Par tujhe roshni man'na itna aasaan kab tha
Mujhe khud ko sayon ki sangat mein rehna pada
Ek zara der dhalna pada
Kuch ubharna pada
Aur phir der tak yoon dhale hi toh rehna pada
Sahira!
Kiya kabhi tu ne khud ko hi saya sa mehsoos karne ki koshish nahin ki?
Nahin na sahi!
Ay meri roshni!
Mujh ko manzoor hai
Phir bhi mitti ke jismon ka anjam se qabl kuch toh kabhi soch
Ay roshni Sahira!
***********
Bekali ka chalan bhi aziyat se bharpoor hai
Aur udasi ki rasmain nibhate hue
Umar ghayal hue ja rahi hai
Tawajjo ki tawjeeh bhi kuch toh ho gi
Magar sham beraham hai
Maslehat ki dali
Mein bhi munh mein chabaye hue
Ro diya.
Ro diya toh hansa hi nahin
Aabroo ne mujhe kis qadar ta'ana-o-tanz pehnaye
Main jin ko galiyon mein le le phira
Jab phira toh ruka hi nahin
Aasmanon ki tehzeeb apni hua karti hai
Aur zameen ki saqafat ke bare mein acchi tarah toh bhi waqif toh hai
Ay meri Sahira!
Is zameen pe maseehaon se waasta jo pada
Toh dawa mein mujhe iztirab-e-bala ghol kar hi pilaya gaya
Mere zakhmon pe marham laga kar daba ya gaya
Aur dikhaya gaya
Ab jo main saans leta hoon,
Chalta hoon
Hansta bhi hoon
(Yaani ab theek hoon)
Mujhe aaram aise dilaya gaya
Sahira!
Aasmanon pe veeraniyan hon na hon
Main zaminon ke kitne khandhar hain jinhen chhan aaya
Magar aasmanon ka koi mujhe rasta bhi nahin mil saka
Yeh bhi mumkin hai shayad wahan
Ki maseehayi mein farq ho
Chahe aaram aaye na aaye
Magar aasmanon mein baste hue un maseehaon ke taur
Beraham se un maseehaon se
Kuch alag hi toh honge
Meri Sahira!
Aa kisi aasman ko talashen
Jahan dard-o-aazaar mein aur bimariyon mein
Dawa mein mohabbat mila kar pilate hon
Marham mein phoolon ki narmi lagate hon
Aa ab mere hath ko thaam le
Ay meri humsafar Sahira!
***********
Loriyan de rahi hai kise raat
Kaun is qadar chain ki neend sone ko taiyar hai
Neend ki khasiyat meri nazron mein zyada nahin
Khwab apni hi marzi mutabiq dikhati hai bas
Yeh hamari raza ki zara si bhi parwah karti nahin
Sahira!
Khwab zyada haseen dekhne ke liye jaagne ki riyazat zaroori hua karti hai
Aur ta'abeer ....
Ta'abeer ke bare mein tum se kuch bhi toh kehne ke laiq nahin
Maine bas khwab dekhe
Abhi tak jo poore nahin ho sake
Aur woh khwab jo poora hone ki khatir mere dar pe aaye
Unhein maine dekha nahin
Maine ek khwab phir se jo dekha hai
Woh khwab bhi apni ta'abeer se
Jaan! bichhda hua hai
Magar khoobsurat koi shai bhi ho
Khwab hi hon bhale
Main unhein dekhne ke liye ab bhi taiyar hoon
Aur aziyat toh yoon bhi muqaddar rahi
Ab qayamat guzrne se bhi farq padta nahin
Ay meri Sahira!
Ab talak main tere khwab mein gum
Kahan se kahan aa gaya
Jaag!
Aur apne seene laga le
Zamanon se halkaan,
Aur is thake hare insaan ko
Ay meri shehzadi!
***********
Bata mukhtasar kyon karoon?
Teri baton ki tafheem itni kabhi mukhtasar toh nahin thi
Toh ab kiya hua?
Bolne de mujhe!
Meri awaaz par chand lafzon ki itni mazammat pe khamosh rehna
Kisi buzdili se toh kam hi nahin
Mere khwabon ki qabron mein madfoon ajsaam ki rooh
Ab bhi bhatakne siwa kuch bhi karti nahin
Aur ta'abeer ke jis qadar the kafan
Har kafan ke jo kone the
Kone se nikle hue chand dhagon ki tandein thi
Sab aansoo'on se apaahij thien
Aur bain uff
Bain par bain
Maatam
Bukaon ki,
Cheekhon ki awaaz
Aur chand noche hue sar ke baalon ke guchhe,
Azadariyon ke samay,
Hasraton ke ajab sog mein
Sahira!
Raat sone lagoon toh mujhe
Aise lagta hai jaise kisi qabar ke sath leta hua hoon
Main karwat jo badloon toh lagta hai
Madfoon dhanche ne seene lagaya hua hai
Andhera
Meri Sahira
Aur andhera
Bhayanak sa ehsaas pehne
Meri rooh mein ek neeze ki manind
Paivast hota hai aise
Ke jaise
Meri rooh ki roshni chheen lene ke darpe hua ho
Zuban teri baton ka matlab nahin jaanti
Zehn awargi ke sabab sochne se bari hai
Baqaaya jo dil hai meri Sahira!
Woh toh tu ne najane kahan muntaqil kar diya
Is badan mein toh bas ek tukda sa chubhata hai muddat se
Jaise abhi ke abhi thak se takrayega
Aur taqseem ho jaega kurchiyon mein
Magar Sahira!
Yeh kahani ajab si nahin hai bhala?
Jo badan mein bikhar jaega
Uss ke bare bata
Aur jo tu le gayi uss ke bare bata
Aur
Jo tu ne mere hawale kiya tha
Zara uss ke bare bhi irshad kar
Teri aasaan baton se nikle hue kuch masaaib
Jo mere gale hain pade
Un ka main kiya karoon?
Teri baton ki tafheem ab mere bas mein nahin
Aur mere khwab takna kahan tere bas mein raha
Ab ke aisa na ho
Teri khushboo yahan se bhi uth jaaye
Aur lams-e-khushboo kahin koch kar jaaye
Is waste
Mere andar ki qabron mein madfoon rehna
Tujhe zaib deta nahin!
Sandalain Sahira!
***********
Ay gulabon ki kaliyon mein aaram karti hui
Narm gaalon ki laali pe itraati,
Hansti hui,
Hanste hanste hi aankhon ko nam karne wali
Meri be-tahasha haseen Sahira!
Aa gulabon ko main Qaaf ki wadiyon se
Yeh laali bhari dono akhiyon pe la kar dharoon
Khwab khushboo mein ghul ghul ke aaen tujhe
Khwab aaen tujhe
Toh dikhaen woh wadi
Woh wadi dikhaen jahan
Bansi pe pahadi ki dhun baj rahi ho
Koi Ranjhana sar pe bandhe hue laaj ka,
Tere hathon buna ek rumaal,
Chahat ki lay mein bajata rahe
Bansi,
Bansi se nikalti hui dhun teri jab sama'at ko chhoo le
Toh madhoshiyon ko zara hosh aaye
Tere samne parbaton ke manazir
Tujhe dekhte hon
Tere pair chashme ke pani ko sheeriniyan bantne mein hon masroof
Laal aur gulabi se lab prem ke geet judte rahe
Aur fizaon mein khushboo lutate rahen
Sahira!
Teri khamoshiyon par sabhi ke sabhi lafz qurban hon
Teri awaaz par khamoshi hairaton ko nichhawar kare
Sab charind-o-parind-o-shajar aur hajar,
Chand, suraj, sitare
Din-o-raat, sham aur ek ek pehar
Ek mohabbat mein ghul ghul ke ubhre,
Nikhrta rahe
Aur galiyon mein khushiyon ki baraat ka aana jana rahe
Sahira!
Khwab aise na hon
Khwab bilkul bhi aise na hon
Jin ki ta'abeer aisi na ho
Talkh jeevan mein aise sabhi khwab bhi toh aziyat siwa kuch nahin
Ek pal ko yeh aankhen sarabon ki duniya mein reh kar
Haseen aur khushiyon ke khwabon ki duniya mein reh kar
Zara chain paen bhi toh
Ek sadiyon talak ki musafat jo hai
Phir usi ke azabon se rukh pher lena kahan apne bas mein
Meri Sahira!
Apne khwabon ko shab ke ghilaafon mein rakhna nahin...
***********
Ladkiyan rehmaten hain
Meri Sahira!
Soch aur ghaur kar
Rehmaton ko jalane hue zalimon ke zara hath kanpe nahin
Ghairaten apni aankhon pe bandhe hue
Apni maan ki jani
Apni hamsheer behnon ke nazuk se jismon mein
Bandook ki goliyon se kai chhaid karte hue
Un darindon ke dil mein zara reham aaya nahin
Sahira!
Rehmaten hi toh ghairat hua karti hain
Aur kutte, yeh wahshi darinde,
Yeh qatil yeh khooni
Khuda jaane ghairat kise jaante hain
Khud apne hi badbakht hathon se ghairat ka khoon karne wale
Woh rehmat ka khoon karne wale
Yahan apni ghairat bachate hue phir rahe hain
Meri Sahira!
Yeh woh duniya nahin jis mein tu ne mere sang jeene ke khwabon ko dekha
Yeh duniya woh duniya nahin reh saki
Jis mein jeene ki khatir
Yahan maine
Tere liye saans li
Aur wahan tu ne mere liye saans li..
Sahira! Mere lahje ki afsurdagi tere kis kaam ki
Chhod!
Aa dono mil kar talashen koi aur duniya
Jahan khwab jaisi haqeeqat ka
Bas ek nizam-e-mohabbat hi ra'ij ho,
Sadiyon se aur aane wale zamanon mein bhi..
Aisi duniya kahin chahe ho ya na ho
Phir bhi aa...
Aa ke kuch pal teri qurbaton mein katen
Zeest uljhan, ghutan aur masaaib se
Pal bhar ko bahar toh aaye
Meri sandalain Sahira!
***********
Tu ne phoolon ki lashon ko dekha kabhi?
Sahira!
Bol dekha?
Nahin?
Maine dekha hai!
Masoom kaliyon se bharpoor narm aur nazuk se phoolon ki lashon ko
Phoolon ki umrein bataoon?
Koi 4 ka, 5 ka aur koi sirf 6 saal ka phool tha
Madarson mein mazhab ki taleem pane chale aaye the
Jin ke maan baap ne apne daarain ki nekiyon ko kamane ki khatir
Khud apne hi lakht-e-jigar
Madarson mein jo bheje ke yeh phool mahshar mein shayad waseela banen bakhshishon ka
Magar Sahira!
Chand mullahon ne,
Chand jaahil darindon ne, mullahon ne
Aise masoom phoolon ko ronda
Zina dar zina, jabr dar jabr
Uff Sahira!
Rooh roti rahi
Sisikiyan le ke roti rahi
Ek wahshi darinde ne, mullah ne
Masjid mein, masoom se phool ki aabroo chheen kar
Ek saff mein lapeta
Wahin laash ko chhod kar bhaag nikla....
Meri Sahira!
Yeh dharam bechne wale
Tuf un pe la'anat...
Koi deen aisa nahin kainaton mein
Insaniyat se bada aur koi kahin deen hai hi nahin
Aur Islam insaniyat ka hi sab se bada deen hai
Sahira!
Hath utha aur masoom phoolon ki khatir Khuda se dua kar
Unhein uss jahan mein sada ke liye
Chain-o-aaram hasil rahe
In pe rehmat rahe
In pe ikraam ho
Jo yahan un ko hasil nahin ho saka
Aur aameen kar
Apne hathon ko chehre pe mal
Aur aa...
Aur aage chalen....
***********
Sahira!
Bachpane ki koi baat bhooli nahin
Yaad rehta nahin hai jawani ka sangeen tar waqia.
Uss pe bazaar hanste the
Jab woh khilonon ko hasrat se takte hue
Apni aankhon mein pani liye maan se kehta
Ke mujhe wohi rail gadi dilao
Falan ki dukan mein padi hai
Mujhe woh dilao
Abhi ke abhi
Warna bik jaayegi
Koi le jaayega
Aur siski bhi leta
Aur apni nigahon se
Shaffaf sacche mohabbat ke, ghurbat gazeeda se
Aansoo bahata
Toh majboor maan uss se kehti
Woh acchi nahin hai
Abhi layenge kuch hi lamhon mein chalte hue
Toot jaayegi
Ya chalte chalte thehar jaayegi
Uss se acchi kahin se talashen ge
Jab hum kisi aur bazaar mein jaayenge
Sahira!
Bachpane mein koi kitna masoom hota hai
Tum jaanti ho
Dilase, tasalli ka matlab bhala ek bache ko maloom kaise pade
Uss ke aansoo khilonon se mahange hain balkay yeh anmol hain
Par ussay kiya khabar
Un ki qeemat ka andaza hone talak
Sar ke baalon mein chandi utar aati hai
Aur chehre pe jhuriyon ka naqsha ubhar aata hai..
***********
Sahira!
Tu mujhe bhi zara ek bacha samajh
Aur khud mein zara mamta toh basa
Aur phir farz kar
Main un aankhon mein aansoo liye
Siskiyan lete lete tere paas aa kar tujhe bolta hoon
Ke de zaat ka mahal
Bas ek mere hath mein
Dil ke mandir mein aaram ke vaste sej koi saja
Rooh muddat se piyasi hai
Ab dekh apni mohabbat ki barsaat kar
Apni aankhon ko mere ilawa kahin aur tikne na de
Dekh mujhe
Mujhe dekh aur soch
Aur theek se soch
Jab theek se soch le,
Mujhe mehsoos kar
Aur mehsoos karte hue sab bhula
Kainaton ka zer-o-zabar
Apna ghar,
Baam-o-dar
Saari duniya se ho bekhabar
Sirf aur sirf ho mujh mein gum
Sahira!
O meri Sahira!
Khol aankhen
Tera Zain bacha nahin jo dilason se behle
Tasalli ko seene lagaye
Ke tujh mein abhi mamta ka woh ehsaas jaaga nahin
Aur phir farz karne se
Sach ki bali kaun de
Sahira!
Ay meri sandalain Sahira!
***********
Mere alfaaz bhi khokhale hi toh the
Aur meri khamoshi ki zubaan mein yeh luknat kahan se chali aayi hai
Ay meri Sahira!
Khwab janme gaye hain.
Meri aankh ki kokh ne tere khwabon janma
Toh aankhon ko saawan ki haaye lagi
Meri aankhon ko aulaad mein dher aansoo mile
Qurbaton ki inayat uss se bhali aur thien hi nahin
Shairi bhi na hoti agar
Toh tujhe haal apna batana bhi mumkin na hota
Alag baat hai ke mere bin kahe tu samajhti toh hai
Meri har baat
Aur zaat ki sab surangon se waqif bhi hai
Meri aankhon mein khwabon ki ta'adad itni nahin
Jitni ta'adad mein aansoo'on ki qataren baha karti hain
Teri yadon ki mom aur agar battiyan
Meri tanhaiyon mein jalien
Mujhe aisa lage aankh bhi mom batti ki manind lamha ba lamha pighalti hai
Aur agar batti ke jaisa mahakti hai
Aur khokhale mere alfaaz hi
Is samay aasra dene lagte hain
Aur khamoshi apni luknat zadah si zubaan mein
Teri baat karti hai
Ay Sahira!
Teri baaten kare
Koi bhi teri baaten kare
Uss ke hathon ko choomoon
Gale se lagaon
Sar aankhon pe uss ko bithaon
Main qadmon tale uss ke palken bichhaon
Bataon ussay
Ke mere waste tu hai kiya!
Main dikhaon ussay
Dil mein ta'ameer karda tere waste chahaton ka mahal
Sahira!
Lafz jaise bhi hain
Khokhale hi sahi
Maine wariftagi mein tere waste keh diye
Gar teri aatma ke daron tak pahunch jaen toh
In ko seene lagana
Faqat un ko sunna nahin
Apne dil mein zara si jagah bhi....
Meri Sahira!
***********
Sahira!
Ishq woh toh nahin
Jis ki tareef hum un kitabon mein padhte rahe
Kuch ne bola ke barbaad hone ka ek doosra naam hi ishq hai
Kuch ne bola ke bas jazb-o-masti,
Kisi ne kaha ishq zaalim hai, mullah na aalim hai
Aur koi kehta hai ishq majazi hi ishq haqiqi mein jane ki bas ek kadi hai
Meri sandalain Sahira!
Maine itna hi samjha
Wohi ishq hai
Jis ko lage wohi ramz jaane
Wagarna toh behas-o-mubahis se toh har koi apni apni farasat hi jhaade hai bas
Ek awarah insaan ne yeh kaha,
Ke dua kar kabhi ishq chhoo kar na guzre
Mujhe ek darvesh ne yeh kaha
Ke dua kar faqat ishq hi maang...
Ay Sahira!
Jaanti ho ke maine duaon mein manga hai kiya
Ishq dena tha jis ne ussay maang kar
Phir tere dar pe wapas chala aaya hoon...
***********
Sahira!
Maine yadon ki sari riyazat tujhe saunp di
Le sambhaal ab mujhe mere alfaaz
Sab khokhale hain magar
Jaan le
Main hi hoon
Mere lafzon mein qabrein hain
Har qabar mein kuch na kuch dafan mein
Ek mein mera sar,
Ek mein dono bazu,
Kisi mein mere pair,
Baaki badan,
Ek ek baal,
Dil ka alag hi mazaar aur sanson ka darbar alag
Sab ka sab maine tere hawale kiya
Mujhe umeed hai ke meri yaad se
Tu hi hai jo wafaen karegi hamesha.
Yoon hi ghaliya mu chali aayegi
Aur har qabar par tu gul-e-ashk barsayegi
Phir mubarak se lamhon mein
Aur tere lab bhi hilenge
Mere chain-o-aaram aur sukh ki khatir
Wohi sukh jo ab tak mayyasar nahin aa saka tha mujhe
Woh dilayegi tu
Aur Rab se kahegi...
Kahegi....
Nahin jaanta kiya kahegi!
Magar mujhe maloom hai
Mere haq mein rahengi duaen teri
Zaat bhi bas mujhe khojti hi rahegi sada
Aur mere khokhale jitne alfaaz hain
Tu hi samjhegi bas
Tu hi jaanegi bas
Tu hi maanegi bas
Jaise maine bhi chaha nahin ke koi
In ko samjhe, ya jaane ya maane
Faqat ek tere siwa
Ay meri nabigha!
Sahira!
***********
Tool doon?
Kis liye tool doon?
Is kahani ko phir
Main koi is qadar aham kab tha
Ke ab hone lag jaon
Ay Sahira!
Log baaten karen toh karen
Khwab marte hain mar jaen
Dukh sath de ya na de
Main kahan tak teri baat karta rahoon
Jangalon se,
Darakhton, paharon se
Aur kahkashaon se
Chand aur taron se
Aur aasman se toh karna na karna barabar hi hai
Sahira!
Prem ki gathiyan itni aasaan hoti nahin jitni lagti hain
Takne mein
Aur un ko khole bina
Yeh bhi mumkin nahin ke mohabbat mein asoodagi ki zara si ramaq mil sake
Dil ameeq-o-farawaan mohabbat ka qayal raha hai sada
Aur phir dard ki kaun parwah kare
Sahira!
Akhri baar seene lagane ka matlab pata hai tujhe?
Akhri baar sunne sunane
Ya rone rulane ka matlab nahin jaanti?
Akhri baar
Milne ya mil kar bichhadne ki rasmein ada karna aasaan nahin
Aansoo'on ne kahan akhri baar behne ki khai qasam
Aankh ne akhri baar teri ziyarat ki khwahish mein umr-e-hazin kaat di
Tu ne dekha nahin
Tu ne mud ke bhi dekha nahin
Ya yeh bhi mumkin hai dekha hi ho
Main kahin dekh paya na hoon
Tu toh aayi hai bas
Aur gayi hi nahin
Tu gayi hi nahin hai toh kyon
Paas mere nahin
Sahira!
Mere sare sawalon pe ab ghaur karne ki zyada zaroorat nahin
Yeh toh bechainiyan hain
Yeh betabiyan jo ke bas maine teri taraf bhej dein
Khat ki soorat,
Mohabbat ke khushboo bhare ek lifafe mein
Ab tu padhe na padhe
Paas rakhe ya phir phenk de
Apne seene lagaye ya phir aag mein jhonk de
Ya isi khat ko padhte hue
Apna jeevan bata de
Yeh sab tujh pe hai
Ay meri pyar bhariye
Meri aaqila
Sahira!
***********
Dukh, darindon se badh kar koi cheez hai
Sukh hamesha hi mazloom ban kar mila hai mujhe
Teri majbooriyan
Mujh ko dukh hi lagien
Aur tu mujh ko sukh
Sahira!
Maine kam hi dua ke liye hath uthaye
Pata hai?
Duaen agar aasmanon se befaiz hi laut aaen
Toh is se badi aur koi qayamat nahin tootti
Rooh par
Aur dil par
Bahut acchi aur dher piyari meri Sahira!
Jab bhi utra, teri rooh mein
Toh bala ka sukoon pa liya
Tere jazbon ko samjha toh
Maine mohabbat ka khud mein junoon pa liya
Sahira!
Tu ne poocha mujhe
Jab zamane guzar jaenge
Aur tu mujh se poochhegi apne hi bare mein toh
Kiya main tab bhi kahoon ga ke
Haan!
Tu meri Sahira hi toh hai
Sahira!
Maine apne janam se bhi pehle talasha tujhe
Teri khushboo toh bachpan mein deti rahi loriyan
Mujh ko har raat mein
Aur din mein, main tere ta'aqub mein phirta raha
Shehar mein,
Har gali mein,
Mahalle mein,
Har chowk-o-bazaar mein,
Jangalon mein,
Hawaon se poocha tere bare
Aur maine dariya kinaron pe aati hui ek ek mauj se
Tere bare mein poocha
Aqeedon mein,
Sari mubarak shabon mein,
Ibadat mein bhi tujhe dhoondte dhoondte umar kaati
Tujhe dhoondte dhoondte
Maine kitne mazarat par
Aarzoo ke diye bhi jalaye
Kabhi bhook ka pait chira,
Tujhe dhoondne ke liye
Muflison ki pareshaniyon mein bhi ja kar talasha tujhe
Bomb phate aur lashon mein ja kar bhi dekha
Ujadte suhagon mein, bewaon mein aur yateemon mein bhi
Har ghadi, har samay, sab gumanon mein bhi aur yaqeenon mein bhi
Tujh ko dhoonda hai sanpon mein bhi, aasteenon mein bhi
Mundriyon mein bhi, chhallon mein bhi aur nageenon mein bhi
Aur mazdooron ke jo bahe,
Un ki mazdooriyon ke samay,
Un paseenon mein bhi.
Dhoop mein aur barsaat mein
Din mein aur raat mein
Baat mein
Baat ki baat mein
Zaat mein
Zaat ki raat mein
Aur ujale mein bhi
Maine tujh ko hi dhoonda meri Sahira!
Woh jo "La" se bahut paak hai
Is ko pane ki khatir
Tujhe dhoondta hi raha
Aur ab yoon achanak mujhe aa mili hai
Toh kehti hai
Kiya tum kabhi muddaton baad mujh se kaho ge?
Ke
Haan!
Tu meri Sahira hai....
Meri sandalain Sahira hai....
Tu sun!
Ab mujhe dhoond
Aur dhoond le toh
Bahut soch
Aur soch le toh
Mujhe jaan
Aur jaan le toh
Yaqeen kar
Ke yeh koi bhi dastaan toh nahin thi
Jise main sunata raha tha
Zameen zaad, makrohon, farebon bhare
Doghle, behassi ke unhi rishta daron ko
Sare hi logon ko
Jo Sahira dhoondna toh bahut door hai
Sahira ko abhi tak samajh hi nahin pa rahe
Jaante hi nahin
Aur manen bhi kaise??
Meri Sahira!
Tu hamesha se hi ujle dil aur ujli hi arwah se aa ke milti rahi hai
Hamesha unhi ko milegi
Dilon aur roohon ki pakeezgi ke bina
Tujh ko pana kisi taur mumkin nahin.....
Harf-e-awwal!
Meri Harf-e-aakhir!
Jameel-o-haseen!
Sandalain Sahira!!!
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں