آنکھیں بھی تو بھر آتی ہیں اکثر ہی مسکانے سے — زین شکیل
شاعر
آنکھیں بھی تو بھر آتی ہیں اکثر ہی مسکانے سے
آنکھیں بھی تو بھر آتی ہیں اکثر ہی مسکانے سے
ماں کتنی خوش ہو جاتی ہے میرے گھر آ جانے سے
ذہن و دل کا گوشہ گوشہ کب تک تازہ دم رہتا
بہتر تھا تم خود آ جاتے یوں مجھ کو یاد آنے سے
سونا سونا آنگن تو یوں ہی کھانے کو دوڑے ہے
سو دکھ بٹ جایا کرتے ہیں پیڑوں کو بتلانے سے
اب تو بنجر بنجر آنکھیں زیادہ چپ چپ رہتی ہیں
دل رونے لگتا ہے اس کے یادوں میں آ جانے سے
اب تو اک مدت سے کوئی خوابوں میں بھی آیا نہ
ہم بھی اب عاجز آئے ہیں شاموں کو گھر جانے سے
میری سانسوں کی جنبش سے تو بھی ڈر سا جا تا ہے
میں بھی ڈرتا رہتا ہوں اب تیرا دل بہلانے سے
میں یہ تم سے کہتا تھا ناں تم پاگل ہو جاؤ گے
پاگل، پاگل ہی رہتا ہے پاگل کو سمجھانے سے
Aankhein bhi to bhar aati hain aksar hi muskaanay se
Aankhein bhi to bhar aati hain aksar hi muskaanay se
Maan kitni khush ho jaati hai mere ghar aa jaane se
Zehn-o-dil ka goshaa goshaa kab tak taaza-dam rehta
Behtar tha tum khud aa jaate yun mujh ko yaad aane se
Soona soona aangan to yun hi khane ko daude hai
Sau dukh bat jaaya karte hain peerhon ko batlane se
Ab to banjar banjar aankhein ziyada chup chup rehti hain
Dil rone lagta hai us ke yaadon mein aa jaane se
Ab to ek muddat se koi khwabon mein bhi aaya na
Hum bhi ab aajiz aaye hain shaamon ko ghar jaane se
Meri saanson ki junbish se tu bhi dar sa jaata hai
Mein bhi darta rehta hoon ab tera dil behlane se
Mein ye tum se kehta tha naan tum pagal ho jaaoge
Paagal, paagal hi rehta hai paagal ko samjhane se
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں