آنکھوں سے چند خواب گزرنے کے بعد بھی — زین شکیل
شاعر
آنکھوں سے چند خواب گزرنے کے بعد بھی
آنکھوں سے چند خواب گزرنے کے بعد بھی
دریا چڑھا ہوا ہے اترنے کے بعد بھی
ثابت پڑے ہوئے بھی شکستہ ہی ہم لگے
تم پھول ہی لگے ہو بکھرنے کے بعد بھی
دونوں کلائیوں میں سجا لی ہیں چوڑیاں
بیٹھی ہے وہ اداس سنورنے کے بعد بھی
ان راستوں سے آج بھی خوشبو نہیں گئی
ایسا ٹھہر گیا وہ گزرنے کے بعد بھی
اس نے مجھے تسلیاں دیتے ہوئے کہا
وہ مجھ سے ملنے آئے گا مرنے کے بعد بھی
Aankhon se chand khwab guzarne ke baad bhi
Aankhon se chand khwab guzarne ke baad bhi
Dariya chadha hua hai utarne ke baad bhi
Sabit pade hue bhi shikasta hi hum lage
Tum phool hi lage ho bikharne ke baad bhi
Donon kalaaiyon mein saja li hain choodiyan
Baithi hai woh udaas sanwarne ke baad bhi
In raaston se aaj bhi khushboo nahin gayi
Aisa thahar gaya woh guzarne ke baad bhi
Us ne mujhe tasalliyan dete hue kaha
Woh mujh se milne aayega marne ke baad bhi
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں