اب کیسے بتائیں، تمہیں کیسا نہیں سوچا — زین شکیل
شاعر
اب کیسے بتائیں، تمہیں کیسا نہیں سوچا
اب کیسے بتائیں، تمہیں کیسا نہیں سوچا
ہم نے تو تمہیں دوسروں جیسا نہیں سوچا
لوگوں نے بنا رکھی ہیں باتیں ترے بارے
اب ہم نےترے بارے میں ویسا نہیں سوچا!
تو نے بھی ہمیں چاہنے جیسا نہیں چاہا
ہم نے بھی تجھے سوچنے جیسا نہیں سوچا
تو پاس نہیں اور تجھے پاس نہ پا کر
تو ہم سے جدا ہے کبھی ایسا نہیں سوچا
تو نے بھی مجھے سوچ کے کاٹے تھے کئی دن
کیا تو نے مجھے اب کبھی ویسا نہیں سوچا؟
تجھ کو بھی میں بدلا ہوا لگتا ہوں کہیں سے
میں نے بھی تجھے ویسے کا ویسا نہیں سوچا
اظہارِ محبت پہ مجھے اس نے کہا تھا
ایسے نہیں دیکھا تجھے، ایسا نہیں سوچا
ab kaise bataen, tumhen kaisa nahin socha
ab kaise bataen, tumhen kaisa nahin socha
hum ne to tumhen doosron jaisa nahin socha
logon ne bana rakhi hain baaten tere bare
ab hum ne tere bare mein waisa nahin socha!
tu ne bhi hamein chahne jaisa nahin chaha
hum ne bhi tujhe sochne jaisa nahin socha
tu paas nahin aur tujhe paas na pa kar
tu hum se juda hai kabhi aisa nahin socha
tu ne bhi mujhe soch ke kaate the kai din
kya tu ne mujhe ab kabhi waisa nahin socha?
tujh ko bhi main badla hua lagta hun kahin se
main ne bhi tujhe waise ka waisa nahin socha
izhar-e-mohabbat pe mujhe us ne kaha tha
aise nahin dekha tujhe, aisa nahin socha
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں