اے دوست محترم ہوں ذرا احتیاط کر — زین شکیل
شاعر
اے دوست محترم ہوں ذرا احتیاط کر
اے دوست محترم ہوں ذرا احتیاط کر
میں واصلِ کرم ہوں ذرا احتیاط کر
میرے سبب سے عشق کی وحشت ہے چار سو
میں حاصلِ ستم ہوں ذرا احتیاط کر
نقش و نگارِ حُسن مرے مت بگاڑ، سن
میں دین ہوں دھرم ہوں ذرا احتیاط کر
بے چین دن ہوں اور ہوں شامِ فراق بھی
میں ایک چشمِ نم ہوں ذرا احتیاط کر
اب بات بات پر تو اٹھایا نہ کر مجھے
میں یار کی قسم ہوں ذرا احتیاط کر
بے ضابطہ نہیں کہ مری آبرو نہ ہو
باقاعدہ الم ہوں ذرا احتیاط کر
پاتی ہے بس حیات مری ذات سے اجل
میں موت کا جنم ہوں ذرا احتیاط کر
Ae dost mohtaram hoon zara ehtiyat kar
Ae dost mohtaram hoon zara ehtiyat kar
Main wasil-e-karam hoon zara ehtiyat kar
Mere sabab se ishq ki wahshat hai chaar soo
Main hasil-e-sitam hoon zara ehtiyat kar
Naqsh o nigaar-e-husn mire mat bigaad, sun
Main deen hoon dharam hoon zara ehtiyat kar
Bechain din hoon aur hoon sham-e-firaq bhi
Main ek chashm-e-nam hoon zara ehtiyat kar
Ab baat baat par tu uthaya na kar mujhe
Main yaar ki qasam hoon zara ehtiyat kar
Be zaabta nahin ke meri aabroo na ho
Baqaeda alam hoon zara ehtiyat kar
Paati hai bas hayaat meri zaat se ajal
Main maut ka janam hoon zara ehtiyat kar
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں