آسمانوں سے بلایا بھی نہیں جا سکتا — زین شکیل
شاعر
آسمانوں سے بلایا بھی نہیں جا سکتا
آسمانوں سے بلایا بھی نہیں جا سکتا
اب ا سے حال سنایا بھی نہیں جا سکتا
وہ مناتا جو نہیں روٹھے ہوئے لوگوں کو
اس سے اب روٹھ کے جایا بھی نہیں جا سکتا
اس کو تاروں میں کوئی خاص نہیں دلچسپی
چاند کو توڑ کے لایا بھی نہیں جا سکتا
جس کی تعبیر میں ہاتھوں میں لئے پھرتا ہوں
اب اسے خواب میں لایا بھی نہیں جا سکتا
اُس سے ہم ترکِ تعلق بھی نہیں کر سکتے
بات کو اور بڑھایا بھی نہیں جا سکتا
تم نے تاخیر بہت کی ہے صدا دینے میں
مجھ سے اب لوٹ کے آیا بھی نہیں جا سکتا
asmaanon se bulaya bhi nahin ja sakta
asmaanon se bulaya bhi nahin ja sakta
ab usay haal sunaya bhi nahin ja sakta
woh manata jo nahin roothe hue logon ko
us se ab rooth ke jaya bhi nahin ja sakta
us ko taaron mein koi khaas nahin dilchaspi
chand ko tod ke laya bhi nahin ja sakta
jis ki taabeer main hathon mein liye phirta hun
ab use khwab mein laya bhi nahin ja sakta
us se hum tark-e-taalluq bhi nahin kar sakte
baat ko aur badhaya bhi nahin ja sakta
tum ne takhir bahut ki hai sada dene mein
mujh se ab laut ke aaya bhi nahin ja sakta
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں