بس گئی پھر دل کی بستی خواب میں — زین شکیل
شاعر
بس گئی پھر دل کی بستی خواب میں
بس گئی پھر دل کی بستی خواب میں
دیکھ لی جب ایک ہستی خواب میں
نیند کی وادی تو جل تھل ہوگئی
آنکھ اب کتنا برستی خواب میں
ایک کو میلے سے لے آیا تھا میں
ایک گڑیا ہے ترستی خواب میں
کتنی مہنگی پڑ گئی ہے جاگ کر
تھی یہ دنیا کتنی سستی خواب میں
اب بلندی پر پہنچ جاؤں گا میں
دیکھ لی ہے میں نے پستی خواب میں
وقت کی بے درد ناگن تُو کبھی
کاش مجھ کو صرف ڈستی خواب میں
ہو گیا میں جاگ کر کتنا غنی
کس لئے تھی تنگ دستی خواب میں؟
Bas gai phir dil ki basti khwab mein
Bas gai phir dil ki basti khwab mein
Dekh li jab ek hasti khwab mein
Neend ki wadi to jal thal ho gai
Aankh ab kitna barasti khwab mein
Ek ko mele se le aaya tha main
Ek gudiya hai tarasti khwab mein
Kitni mahngi pad gai hai jaag kar
Thi ye duniya kitni sasti khwab mein
Ab bulandi par pahunch jaaoon ga main
Dekh li hai main ne pasti khwab mein
Waqt ki be dard naagin tu kabhi
Kaash mujh ko sirf dasti khwab mein
Ho gaya main jaag kar kitna ghani
Kis liye thi tang dasti khwab mein?
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں