بے زبانوں سے کسی طور صدائیں مانگوں — زین شکیل
شاعر
بے زبانوں سے کسی طور صدائیں مانگوں
بے زبانوں سے کسی طور صدائیں مانگوں
شوق سے اپنے لیے روز سزائیں مانگوں
تو بھی کیوں ایک ہی امید لگائے رکھے
میں بھی کب تک ترے ملنے کی دعائیں مانگوں
شاید اب یوں ہی اندھیروں سے نکل آئوں میں
سوچتا ہوں ترے چہرے کی ضیائیں مانگوں
ہجر کی دھوپ کڑی جب بھی جلاتی ہے بدن
میں تڑپ کر ترے دامن کی ہوائیں مانگوں
پہلے خود جرمِ محبت کی سزا ئیں مانگیں
اب بتائو کہ میں کس منہ سے جزائیں مانگوں
تُو بھی کیا سادہ ہے لوگوں پہ یقیں کرتا ہے
جا تری خیر رہے، رب سے دعائیں مانگوں
Be-zubanon se kisi taur sadaaein maanguun
Be-zubanon se kisi taur sadaaein maanguun
Shauq se apne liye roz sazayein maanguun
Tu bhi kyun ek hi umeed lagaye rakhe
Main bhi kab tak tere milne ki duaaein maanguun
Shayad ab yun hi andheron se nikal aaun main
Sochta hoon tere chehre ki ziyayein maanguun
Hijr ki dhoop kadi jab bhi jalati hai badan
Main tadap kar tere daaman ki hawaaein maanguun
Pehle khud jurm-e-mohabbat ki sazayein maangein
Ab batao ke main kis munh se jazayein maanguun
Tu bhi kya saada hai logon pe yaqeen karta hai
Ja teri khair rahe, Rabb se duaaein maanguun
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں