چل اس نگری میں چل بادل — زین شکیل
شاعر
چل اس نگری میں چل بادل
چل اس نگری میں چل بادل
سینے اندر ہلچل بادل
کب اس کے نام پہ برسے گا
یہ آنکھ ہوئی اب تھل بادل
اک نیندوں میں بے چین جھڑی
اک سپنوں میں بے کل بادل
ہے دور ڈگر اس پیتم کی
دو چار قدم تو چل بادل
اس شہر سے گزریں گے کیسے
اس شہر میں ہے جل تھل بادل
تب سے ٹپکے چھت آنکھوں کی
بس ٹھہرا تھا اک پل بادل
اس عشق میں آگ ہی آگ پیا
اب ہجر میں بیٹھا جل بادل
Chal is nagri mein chal badal
Chal is nagri mein chal badal
Seene andar halchal badal
Kab us ke naam pe barse ga
Ye aankh hui ab thal badal
Ek neendon mein bechain jhadi
Ek sapnon mein bekal badal
Hai door dagar us peetam ki
Do chaar qadam to chal badal
Is shahar se guzren ge kaise
Is shahar mein hai jal thal badal
Tab se tapke chhat aankhon ki
Bas thehra tha ek pal badal
Is ishq mein aag hi aag piya
Ab hijr mein baitha jal badal
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں