زین شکیل — شاعر کی تصویر

چار سو پھیلتا جا رہا ہے سفر، کیا کہوں اب تمہیں — زین شکیل

شاعر

تعارف شاعری

چار سو پھیلتا جا رہا ہے سفر، کیا کہوں اب تمہیں

چار سو پھیلتا جا رہا ہے سفر، کیا کہوں اب تمہیں
چاند کھڑکی سے آتا نہیں اب نظر ، کیا کہوں اب تمہیں
اس نے پوچھا کہ کل شام کیسی اداسی تھی چھائی ہوئی
کل ہوا جب تمہارے شہر سے گزر، کیا کہوں اب تمہیں
جس نے ہاتھوں میں ہاتھوں کو دے کر ہماری اٹھائی قسم
سانحہ یہ ہوا کہ گیا وہ مُکر، کیا کہوں اب تمہیں
اب درختوں کے پتوں کی زردی پہ کیوں کالے بختوں کا غم
کس لئے ہو گئی شاخ بھی در بدر، کیا کہوں اب تمہیں
رات ایسی کہ جیسے ہو دن کی وہ مجبور بیوہ کوئی
دن پہ جیسے لگی ہو غموں کی مُہر ، کیا کہوں اب تمہیں
اس نےمجھ سے یہ پوچھا کہ مجھ سے محبت تو ہے نا تمہیں
میں نے اس سے کہا کہ مِرے ہم سفر، کیا کہوں اب تمہیں
تم وہی تھے ،مرے سنگ دنیا سے ڈرتے، جھجھکتے نہ تھے
پھر اچانک گئے ساری دنیا سے ڈر، کیا کہوں اب تمہیں
یہ زمانہ مرے پاس آیا تو تھا، صرف جلدی میں تھا
میں نے بھی کہہ دیا ، جاؤ پہلے گزر، کیا کہوں اب تمہیں

Char su phailta ja raha hai safar, kya kahoon ab tumhein

Char su phailta ja raha hai safar, kya kahoon ab tumhein
Chand khidki se aata nahin ab nazar, kya kahoon ab tumhein
Us ne poocha ke kal shaam kaisi udaasi thi chhaayi hui
Kal hua jab tumhare shahar se guzar, kya kahoon ab tumhein
Jis ne haathon mein haathon ko de kar hamari uthaayi qasam
Saaneha ye hua ke gaya woh mukar, kya kahoon ab tumhein
Ab drakhton ke patton ki zardi pe kyun kaale bakhton ka gham
Kis liye ho gayi shaakh bhi dar badar, kya kahoon ab tumhein
Raat aisi ke jaise ho din ki woh majboor bewa koi
Din pe jaise lagi ho ghamon ki mohar, kya kahoon ab tumhein
Us ne mujh se ye poocha ke mujh se mohabbat to hai na tumhein
Mein ne us se kaha ke mere humsafar, kya kahoon ab tumhein
Tum wohi the, mere sang duniya se darte, jhijhakte na the
Phir achaanak gaye saari duniya se dar, kya kahoon ab tumhein
Ye zamana mere paas aaya to tha, sirf jaldi mein tha
Mein ne bhi keh diya, jaao pehle guzar, kya kahoon ab tumhein

شاعر کے بارے میں

زین شکیل

زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...

مکمل تعارف پڑھیں

دیگر کلام