چپ رہ کر بھی یار پکارا جا سکتا ہے — زین شکیل
شاعر
چپ رہ کر بھی یار پکارا جا سکتا ہے
چپ رہ کر بھی یار پکارا جا سکتا ہے
ان آنکھوں میں چاند اتارا جا سکتا ہے
ساری لہریں تیرے صدقے دے سکتا ہوں
سارا دریا تجھ پر وارا جا سکتا ہے
پھر تم سے ہی ایک محبت ہو سکتی ہے
پھر سے تم کو جیت کے ہارا جا سکتا ہے
تجھ کو تکنے اور تجھے تکتے رہنے سے
آنکھوں سے اس بار نظارا جا سکتا ہے
اس کے عارض دیکھ کے میں نے اکثر سوچا
مکھ چندا کا اور نکھارا جا سکتا ہے
اشکوں میں موجود مسافر شاید تجھ کو
آنکھوں کے اُس پار اتارا جا سکتا ہے
تو بچھڑا ہے اور میں اتنا ہی سمجھا ہوں
اب تیرے بن وقت گزارا جا سکتا ہے
chup rah kar bhi yaar pukara ja sakta hai
chup rah kar bhi yaar pukara ja sakta hai
in aankhon mein chand utara ja sakta hai
sari lahrein tere sadqe de sakta hun
sara darya tujh par wara ja sakta hai
phir tum se hi ek mohabbat ho sakti hai
phir se tum ko jeet ke hara ja sakta hai
tujh ko takne aur tujhe takte rehne se
aankhon se is baar nazara ja sakta hai
us ke aariz dekh ke main ne aksar socha
mukh chanda ka aur nikhara ja sakta hai
ashkon mein maujood musafir shayad tujh ko
aankhon ke us paar utara ja sakta hai
tu bichhda hai aur main itna hi samjha hun
ab tere bin waqt guzara ja sakta hai
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں