درد دل میں سمو لیا جائے — زین شکیل
شاعر
درد دل میں سمو لیا جائے
درد دل میں سمو لیا جائے
آج تھوڑا سا رو لیا جائے
ہاتھ آیا تو میں نے یہ سوچا
اُس کا دامن بھگو لیا جائے
ہم تو بس اس خیال سے روئے
کیوں نہ آنکھوں کو دھو لیا جائے
کل ستاروں سے بات کر لیں گے
آج کی رات سو لیا جائے
تجھ کو آخر سمیٹ رکھنا ہے
کیوں نہ خود میں پِرو لیا جائے
اجنبی لگ رہی ہیں یہ خوشیاں
اب کسی غم کا ہو لیا جائے
Dard dil mein samo liya jaaye
Dard dil mein samo liya jaaye
Aaj thoda sa ro liya jaaye
Haath aaya toh main ne yeh socha
Us ka daaman bhigo liya jaaye
Hum toh bas is khayal se roye
Kyun na aankhon ko dho liya jaaye
Kal sitaron se baat kar lenge
Aaj ki raat so liya jaaye
Tujh ko aakhir samet rakhna hai
Kyun na khud mein piro liya jaaye
Ajnabi lag rahi hain yeh khushiyan
Ab kisi gham ka ho liya jaaye
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں