دشت و ویراں میں کہیں کٹیا بسائے ہوئے لوگ — زین شکیل
شاعر
دشت و ویراں میں کہیں کٹیا بسائے ہوئے لوگ
دشت و ویراں میں کہیں کٹیا بسائے ہوئے لوگ
دیکھ کس حال میں رہتے ہیں ستائے ہوئے لوگ
بارشیں یوں بھی ہر اک زخم ہرا کرتی ہیں
یاد آتے ہیں نگاہوں سے بہائے ہوئے لوگ
منتظر اب یہاں خواہش ہے نہ میّت کوئی
اس قدر دیر سے لوٹے ہیں بلائے ہوئے لوگ
کیسے جائیں گے بھلا اب وہ تسلی کے بغیر
تیرے ملنے کو بڑی دور سے آئے ہوئے لوگ
خاک بس خاک میں ملنےکے لیے ہوتی ہے
ہم ہیں اس واسطے مٹی سے بنائے ہوئے لوگ
آنسوئوں کو تو بھرم بھی نہیں رکھنا آیا
میری آنکھوں سے نکل آئے چھپائے ہوئے لوگ
زین ہنس ہنس کے اسی بات کو رو دیتا ہوں
مجھ سے روٹھے ہوئے رہتے ہیں منائے ہوئے لوگ
Dasht o veeran mein kahin kutiya basaaye hue log
Dasht o veeran mein kahin kutiya basaaye hue log
Dekh kis haal mein rehte hain sataaye hue log
Barishen yun bhi har ik zakhm hara karti hain
Yaad aate hain nigahon se bahaaye hue log
Muntazir ab yahan khwahish hai na mayyat koi
Is qadar der se laute hain bulaaye hue log
Kaise jaayenge bhala ab woh tasalli ke baghair
Tere milne ko badi door se aaye hue log
Khaak bas khaak mein milne ke liye hoti hai
Hum hain is waste mitti se banaaye hue log
Aansuon ko toh bharam bhi nahin rakhna aaya
Meri aankhon se nikal aaye chhupaaye hue log
Zain hans hans ke isi baat ko ro deta hoon
Mujh se roothe hue rehte hain manaaye hue log
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں