دل کی کوئی بھی بات بتایا نہ کر مجھے — زین شکیل
شاعر
دل کی کوئی بھی بات بتایا نہ کر مجھے
دل کی کوئی بھی بات بتایا نہ کر مجھے
میں نے کہا بھی تھا کہ ستایا نہ کر مجھے
ڈرتا ہوں میری لو سے ترا گھر نہ جل اٹھے
شب میں دیا جلا کے بلایا نہ کر مجھے
میں خود بھی دیکھتا ہوں اداسی کے خال و خد
قصے اداسیوں کے سنایا نہ کر مجھے
پھولوں نے مستعار لیا تھا مرا بدن
پھولوں کی نازکی سے چرایا نہ کر مجھے
خود آپ اپنے شوق سے بکھرا ہوں دشت میں
چن چن کے میری خاک، اٹھایا نہ کر مجھے
میں خط نہیں کہ آگ مٹا دےوجودِمَن
ٹکڑوں میں چاہے بانٹ، جلایا نہ کر مجھے
میں گیت تو نہیں ہوں مجھے بھول بھال جا
اپنے حسیں لبوں پہ سجایا نہ کر مجھے
Dil ki koi bhi baat bataya na kar mujhe
Dil ki koi bhi baat bataya na kar mujhe
Main ne kaha bhi tha ke sataya na kar mujhe
Darta hoon meri lau se tera ghar na jal uthe
Shab mein diya jala ke bulaya na kar mujhe
Main khud bhi dekhta hoon udasi ke khaal o khad
Qisse udasiyon ke sunaya na kar mujhe
Phoolon ne mustaar liya tha mera badan
Phoolon ki nazakat se churaya na kar mujhe
Khud aap apne shauq se bikhra hoon dasht mein
Chun chun ke meri khaak, uthaya na kar mujhe
Main khat nahin ke aag mita de wujood-e-man
Tukdon mein chahe baant, jalaya na kar mujhe
Main geet to nahin hoon mujhe bhool bhaal ja
Apne haseen labon pe sajaya na kar mujhe
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں