دیا ہم بھی جلا لیتے، جو تم آتے — زین شکیل
شاعر
دیا ہم بھی جلا لیتے، جو تم آتے
دیا ہم بھی جلا لیتے، جو تم آتے
ذرا سا مسکرا لیتے، جو تم آتے
کسی کو دیکھنے بالکل نہیں دیتے
کہیں خود میں چھپا لیتے، جو تم آتے
تو پھر اب کیا ہوا جو روشنی کم ہے
کوئی جگنو بلا لیتے، جو تم آتے
اگر صحرا مِرا گھر ہے تو پھر کیا ہے
گلی دل کی سجا لیتے، جو تم آتے
تمہیں ، تم بھی میسر ہو نہیں پاتے
تمہیں تم سے چرا لیتے ، جو تم آتے
ہمیں اس درد میں تسکین مل جائے
یہ ہم تم سے دعا لیتے، جو تم آتے
Diya hum bhi jala lete, jo tum aate
Diya hum bhi jala lete, jo tum aate
Zara sa muskura lete, jo tum aate
Kisi ko dekhne bilkul nahin dete
Kahin khud mein chhupa lete, jo tum aate
To phir ab kya hua jo roshni kam hai
Koi jugnu bula lete, jo tum aate
Agar sehra mira ghar hai to phir kya hai
Gali dil ki saja lete, jo tum aate
Tumhein, tum bhi mayassar ho nahin paate
Tumhein tum se chura lete, jo tum aate
Humein is dard mein taskeen mil jaaye
Yeh hum tum se dua lete, jo tum aate
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں