اک بجھارت میں نہ الجھاؤ، چلو چھوڑو بھی

اک بجھارت میں نہ الجھاؤ، چلو چھوڑو بھی
ایک ہی بات نہ دہراؤ، چلو چھوڑو بھی
تم تو اک لمحہ بھی ناراض نہیں رہتے تھے
اب کے تاخیر ہوئی ، آؤ، چلو چھوڑو بھی
اب ندامت سے بھلا ہو گا تمہیں کیا حاصل
بھر ہی جائیں گے کبھی گھاؤ، چلو چھوڑو بھی
میں نے تو ضبط کی ترتیب لگا رکھی ہے
تم مسلسل تو نہ یاد آؤ، چلو چھوڑو بھی
دیکھو میں کب سے یونہی کان چھوئے بیٹھا ہوں
اچھا ناں! مان بھی اب جاؤ، چلو چھوڑو بھی

ek bujharat mein na uljhao, chalo chhodo bhi

ek bujharat mein na uljhao, chalo chhodo bhi
ek hi baat na dohrao, chalo chhodo bhi
tum to ek lamha bhi naraaz nahin rehte the
ab ke takhir hui, aao, chalo chhodo bhi
ab nadamat se bhala hoga tumhen kya hasil
bhar hi jaenge kabhi ghao, chalo chhodo bhi
main ne to zabt ki tarteeb laga rakhi hai
tum musalsal to na yaad aao, chalo chhodo bhi
dekho main kab se yunhi kaan chhoye baitha hun
achha naan! maan bhi ab jao, chalo chhodo bhi

شاعر کے بارے میں

زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...

مکمل تعارف پڑھیں

اک بجھارت میں نہ الجھاؤ، چلو چھوڑو بھی — زین شکیل

شاعر