ہو سکتی نہیں جس کی کوئی بات علیحدہ — زین شکیل
شاعر
ہو سکتی نہیں جس کی کوئی بات علیحدہ
ہو سکتی نہیں جس کی کوئی بات علیحدہ
اس شخص سے اب کیسے کریں ذات علیحدہ
تم ہم سے تو ہم تم سے کریں کوئی گلہ کیوں
پہلے تو ہوا کرتے تھے حالات علیحدہ
ہر شخص کو ہر بات بتاتا ہے وہ لیکن
کرتا ہی نہیں مجھ سے کوئی بات علیحدہ
آ ٹھہرتی ہے دل میں اداسی کی کوئی رُت
آنکھوں میں لگی رہتی ہے برسات علیحدہ
تم بھی تو نہیں کرتے رہے ہجر کا ماتم؟
کیا تم نے گزاری ہے کوئی رات علیحدہ؟
وہ شخص، زمانے میں کہیں کھویا ہوا ہے
ہے جس کی زمانے سے ہر اک بات علیحدہ
اچھا نہیں لگتا اسے تنہائی میں رہنا
اب کیسے کریں اس سے ملاقات علیحدہ
Ho sakti nahin jis ki koi baat alaihda
Ho sakti nahin jis ki koi baat alaihda
Us shakhs se ab kaise karein zaat alaihda
Tum hum se to hum tum se karein koi gila kyun
Pehle to hua karte the halaat alaihda
Har shakhs ko har baat batata hai woh lekin
Karta hi nahin mujh se koi baat alaihda
Aa theharti hai dil mein udaasi ki koi rut
Aankhon mein lagi rehti hai barsaat alaihda
Tum bhi to nahin karte rahe hijr ka maatam?
Kya tum ne guzari hai koi raat alaihda?
Woh shakhs, zamane mein kahin khoya hua hai
Hai jis ki zamane se har ek baat alaihda
Accha nahin lagta usay tanhai mein rehna
Ab kaise karein us se mulaqat alaihda
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں