اس طرح تیرے خیالوں میں رہا کرنا ہے — زین شکیل
شاعر
اس طرح تیرے خیالوں میں رہا کرنا ہے
اس طرح تیرے خیالوں میں رہا کرنا ہے
ہاتھ میرا ترے بالوں میں رہا کرنا ہے
اب کوئی داد وستد بھی تو نہیں ہے ہم میں
تم نے کب تک یوں سوالوں میں رہا کرنا ہے
اب بھی وہ پیچ وہی خم ہیں تری زلفوں کے
ہم نے اب خیر اجالوں میں رہا کرنا ہے
آبلہ پائی بھی منزل پہ ہی کام آئے گی
کوئی قصہ مرے چھالوں میں رہا کرنا ہے
تجھ کو خوشیوں نے بھی اک روز بھلا دینا ہے
میں نے ہر غم کے حوالوں میں رہا کرنا ہے
میرے خوش فہم تجھے اب یہ غلط فہمی ہے
میں نے کب تیرے خیالوں میں رہا کرنا ہے!
تو نے اب بھی مرے دن مجھ سے چرا لینے ہیں
میں نے اب بھی تری چالوں میں رہا کرنا ہے
Is tarah tere khayalon mein raha karna hai
Is tarah tere khayalon mein raha karna hai
Haath mera tere baalon mein raha karna hai
Ab koi dad o satad bhi toh nahin hai hum mein
Tum ne kab tak yun sawalon mein raha karna hai
Ab bhi woh pech wohi kham hain teri zulfon ke
Hum ne ab khair ujalon mein raha karna hai
Aabla paayi bhi manzil pe hi kaam aaye gi
Koi qissa mere chhalon mein raha karna hai
Tujh ko khushiyon ne bhi ek roz bhula dena hai
Main ne har gham ke hawalo mein raha karna hai
Mere khush fehm tujhe ab yeh ghalat fehmi hai
Main ne kab tere khayalon mein raha karna hai!
Tu ne ab bhi mere din mujh se chura lene hain
Main ne ab bhi teri chalon mein raha karna hai
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں