اتنا سوچا، اتنا سوچا، حیرت ہے! — زین شکیل
شاعر
اتنا سوچا، اتنا سوچا، حیرت ہے!
اتنا سوچا، اتنا سوچا، حیرت ہے!
پھر بھی خط میں کچھ نہ لکھا، حیرت ہے!
تم عرصہ پہلے کی باتیں کرتے ہو
سچ مچ اتنا عرصہ بیتا؟ حیرت ہے!
اب زخمی سے خوابوں کی تعبیریں کیا؟
کیوں نیندوں نے دھوکا کھایا، حیرت ہے!
دیواروں پر کچھ سائے چپ بیٹھے تھے
بدلی میں چھپ چندا بولا، حیرت ہے!
عرصہ بیتا تم تو بالکل ویسے ہو
کیوں آنکھوں سے بادل برسا، حیرت ہے!
میری تحریریں بھی رویا کرتی ہیں
تم نے مجھ کو ہنستے دیکھا، حیرت ہے!
میں نے جب یہ پوچھا کس نے دستک دی
حیرت سے دروازہ بولا، حیرت ہے!
Itna socha, itna socha, hairat hai!
Itna socha, itna socha, hairat hai!
Phir bhi khat mein kuchh na likha, hairat hai!
Tum arsa pehle ki baatein karte ho
Sach much itna arsa beeta? Hairat hai!
Ab zakhmi se khwabon ki taabirein kya?
Kyun neendon ne dhoka khaya, hairat hai!
Deevaron par kuchh saaye chup baithe the
Badli mein chhup chanda bola, hairat hai!
Arsa beeta tum to bilkul waise ho
Kyun aankhon se baadal barsa, hairat hai!
Meri tehreerein bhi roya karti hain
Tum ne mujh ko hanste dekha, hairat hai!
Mein ne jab ye poocha kis ne dastak di
Hairat se darwaza bola, hairat hai!
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں