جو بھی آیا تھا فیصلہ بابا — زین شکیل
شاعر
جو بھی آیا تھا فیصلہ بابا
جو بھی آیا تھا فیصلہ بابا
کر لیا میں نے حوصلہ بابا
آپ تو بات بھی نہیں کرتے
کیا کروں آپ سے گلہ بابا
جانے کب تک مجھے نبھانا ہے
اک مروت کا سلسلہ بابا
کوئی بے سائباں ہے مدت سے
کیا یہی ہے یہاں صلہ بابا
آپ کے بعد کچھ سہارے تھے
کوئی نہ آپ سا ملا بابا
کاٹتا ہوں جو کٹ نہیں سکتا
زندگی کا یہ مرحلہ بابا
سچ کہوں آپ یاد آتے ہیں
کہہ رہا ہوں یہ برملا بابا
یہ سنا تھا کہ بھر ہی جاتے ہیں
پر کوئی زخم نہ سِلا بابا
جھوٹ ہیں نیتیں زمانے کی
جھوٹ ہے سارا سلسلہ بابا
Jo bhi aaya tha faisla baba
Jo bhi aaya tha faisla baba
Kar liya mein ne hausla baba
Aap to baat bhi nahin karte
Kya karoon aap se gila baba
Jaane kab tak mujhe nibhana hai
Ik murawwat ka silsila baba
Koi be saayebaan hai muddat se
Kya yehi hai yahan sila baba
Aap ke baad kuchh sahare the
Koi na aap sa mila baba
Kaatta hoon jo kat nahin sakta
Zindagi ka ye marhala baba
Sach kahoon aap yaad aate hain
Kah raha hoon ye barmala baba
Ye suna tha ke bhar hi jaate hain
Par koi zakhm na sila baba
Jhoot hain neeyaten zamane ki
Jhoot hai saara silsila baba
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں