جو ستارہ اداس ہے لوگو — زین شکیل
شاعر
جو ستارہ اداس ہے لوگو
جو ستارہ اداس ہے لوگو
وہ مرا غم شناس ہے لوگو
اس کی خوشبو بکھر رہی ہے ناں
وہ مرے آس پاس ہے لوگو
مجھ سے آخر کسے محبت ہے
کون اتنا اداس ہے لوگو
تم اِ سے شاعری سمجھتے ہو
میرے دل کی بھڑاس ہے لوگو
میری بنتی نہیں ہے خوشیوں سے
غم ہی میری اساس ہے لوگو
اب مجھے زخم سے محبت ہے
اب مجھے درد راس ہے لوگو
وہ کسی روز حال پوچھیں گے
دل ابھی محوِ یاس ہے لوگو
Jo sitara udaas hai logo
Jo sitara udaas hai logo
Woh mera gham shanas hai logo
Us ki khushboo bikhar rahi hai naan
Woh mere aas paas hai logo
Mujh se aakhir kise mohabbat hai
Kaun itna udaas hai logo
Tum ise shayari samjhte ho
Mere dil ki bharas hai logo
Meri banti nahin hai khushiyon se
Gham hi meri asaasa hai logo
Ab mujhe zakhm se mohabbat hai
Ab mujhe dard raas hai logo
Woh kisi roz haal poochhein ge
Dil abhi mahv-e-yaas hai logo
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں