کھڑکیوں سے جھانکتی رہ جاؤ گی — زین شکیل
شاعر
کھڑکیوں سے جھانکتی رہ جاؤ گی
کھڑکیوں سے جھانکتی رہ جاؤ گی
تم مجھے یوں سوچتی رہ جاؤ گی
میں تمہارے پاس ٹھہروں گا نہیں
دور سے تم دیکھتی رہ جاؤ گی
جس طرح سے چاہتا تھا میں تمہیں
اس طرح سے چاہتی رہ جاؤگی
تم ندی میں پتھروں کو پھینک کر
دائروں کو دیکھتی رہ جاؤ گی
غرق ہو کر اک تصور میں مِرے
ہاتھ اپنا چومتی رہ جاؤ گی
یاد میں صدیوں تلک ہو جاؤں گا
لمحہ لمحہ بھولتی رہ جاؤ گی
نیند تو ہر رات میں آجائے گی
خواب میں تم جاگتی رہ جاؤ گی
ہجر تم کو دور تک لے جائے گا
دیر تک تم ہانپتی رہ جاؤ گی
Khidkiyon se jhaankti rah jaao gi
Khidkiyon se jhaankti rah jaao gi
Tum mujhe yun sochti rah jaao gi
Main tumhare paas thehron ga nahin
Door se tum dekhti rah jaao gi
Jis tarah se chahta tha main tumhein
Us tarah se chahti rah jaao gi
Tum nadi mein pattharon ko phenk kar
Dairon ko dekhti rah jaao gi
Gharq ho kar ek tasawwur mein mire
Haath apna choomti rah jaao gi
Yaad mein sadiyon talak ho jaaoon ga
Lamha lamha bhoolti rah jaao gi
Neend to har raat mein aajaye gi
Khwab mein tum jaagti rah jaao gi
Hijr tum ko door tak le jaaye ga
Der tak tum haanpti rah jaao gi
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں