خواب میں بھی ترا خیال رہا — زین شکیل
شاعر
خواب میں بھی ترا خیال رہا
خواب میں بھی ترا خیال رہا
یوں بھی سونا مرا محال رہا
وہ کسی اور کا بھی ہو نہ سکا
مجھ کو اس بات کا ملال رہا
اس کی آنکھوں میں اشک جمتے گئے
میرے لب پر بھی اک سوال رہا
تم تو کچھ دیر اشکبار رہے
میں بڑی دیر تک نڈھال رہا
میرے ماتم پہ آ گئیں خوشیاں
موت کا سانحہ کمال رہا
کیوں مرے دن اجڑ اجڑ کے بسے
کیوں مری رات پر زوال رہا
زین وہ پاس ہی رہا نہ مرے
بن کے بس جان کا وبال رہا
khwab mein bhi tera khayal raha
khwab mein bhi tera khayal raha
yun bhi sona mera muhaal raha
woh kisi aur ka bhi ho na saka
mujh ko is baat ka malal raha
us ki aankhon mein ashk jamte gaye
mere lab par bhi ek sawal raha
tum to kuchh der ashkbaar rahe
main badi der tak nidhaal raha
mere matam pe aa gayin khushiyan
maut ka sanha kamal raha
kyun mere din ujad ujad ke base
kyun meri raat par zawal raha
Zain woh paas hi raha na mere
ban ke bas jaan ka wabaal raha
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں