کس کو کس کس لمحے کھونا ہوتا ہے — زین شکیل
شاعر
کس کو کس کس لمحے کھونا ہوتا ہے
کس کو کس کس لمحے کھونا ہوتا ہے
چاہت میں یہ اکثر ہونا ہوتا ہے
تم نے مجھ سے ملنا کیونکر چھوڑا ہے
مجھ کو تم سے مل کر رونا ہوتا ہے
تم کہتے ہو آ جاؤ، میں کیوں آؤں
تم نے بھی تو رونا دھونا ہوتا ہے
لوگ بھی کھل کر اس سے کھیلا کرتے ہیں
دل بھی جیسے ایک کھلونا ہوتا ہے
دھیرے دھیرے سب تارے سو جاتے ہیں
پھر آخر میں مجھ کو سونا ہوتا ہے
میرے بستر پر سونا آسان نہیں
اس پر دکھ کا ایک بچھونا ہوتا ہے
پیار پہ آخر بس اپنا کب چلتا ہے
ہو جاتا ہے جب یہ ہونا ہوتا ہے
Kis ko kis kis lamhe khona hota hai
Kis ko kis kis lamhe khona hota hai
Chahat mein ye aksar hona hota hai
Tum ne mujh se milna kyunkar chhoda hai
Mujh ko tum se mil kar rona hota hai
Tum kehte ho aa jaao, mein kyun aaon
Tum ne bhi to rona dhona hota hai
Log bhi khul kar us se khela karte hain
Dil bhi jaise ek khilauna hota hai
Dheere dheere sab taare so jaate hain
Phir aakhir mein mujh ko sona hota hai
Mere bistar par sona aasaan nahin
Is par dukh ka ek bichhauna hota hai
Pyaar pe aakhir bas apna kab chalta hai
Ho jaata hai jab ye hona hota hai
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں