کس نے ہنستی ہوئی تصویر کے آنسو پونچھے — زین شکیل
شاعر
کس نے ہنستی ہوئی تصویر کے آنسو پونچھے
کس نے ہنستی ہوئی تصویر کے آنسو پونچھے
کاش کوئی مری تقدیر کے آنسو پونچھے
وہ کچھ ایسے کسی تمہید سے باہر نکلا
اور اُس نے مری تحریر کے آنسو پونچھے
کون اس آبلہ پائی پہ لگائے مرہم
کون پیروںپڑی زنجیر کے آنسو پونچھے
نیند کے درد سبھی بانٹنے والاآخر
کس طرح خواب کی تعبیر کے آنسو پونچھے
ایک مدت سے سزا کاٹ رہا ہوں ،اب تو
کوئی آ کر مِری تقصیر کے آنسو پونچھے
سب فسوں ٹوٹ گئے زین زباں کےآخر
اب کوئی لہجہء تسخیر کے آنسو پونچھے
Kis ne hansti hui tasweer ke aansoo poonchhe
Kis ne hansti hui tasweer ke aansoo poonchhe
Kaash koi meri taqdeer ke aansoo poonchhe
Woh kuchh aise kisi tamheed se bahar nikla
Aur us ne meri tehreer ke aansoo poonchhe
Kaun is aabla paayi pe lagaye marham
Kaun pairon par padi zanjeer ke aansoo poonchhe
Neend ke dard sabhi baantne wala aakhir
Kis tarah khwab ki taabir ke aansoo poonchhe
Ek muddat se saza kaat raha hoon, ab to
Koi aa kar meri taqseer ke aansoo poonchhe
Sab fasoon toot gaye Zain zabaan ke aakhir
Ab koi lahja-e-taskheer ke aansoo poonchhe
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں