کسی فراق میں رکھے ہوئے وصال کے دن — زین شکیل
شاعر
کسی فراق میں رکھے ہوئے وصال کے دن
کسی فراق میں رکھے ہوئے وصال کے دن
ہیں مدتوں سے کہیں لاپتہ کمال کے دن
جسے عروج پہ جا کر مشقتوں سے ملا
وہ شخص مجھ سے کہیں کھو گیا زوال کے دن
یہی دعا ہے رہیں سبز ہی ترے موسم
خدا کبھی نہ دکھائے تجھے ملال کے دن
یہ عمر بھر کی ریاضت بھی کام آ نہ سکی
جواب دے نہ سکا میں کسی سوال کے دن
تصورات کی راتوں میں سوگ برپا ہے
کہیں پہ قتل ہوئے ہیں مرے خیال کے دن
یہ جانتا ہوں کہ ممکن نہیں وہ لوٹ سکے
گزارتا ہوں مگر زین احتمال کے دن
Kisi firaq mein rakhe hue visal ke din
Kisi firaq mein rakhe hue visal ke din
Hain muddaton se kahin lapata kamaal ke din
Jise urooj pe ja kar mashaqqaton se mila
Woh shakhs mujh se kahin kho gaya zawaal ke din
Yehi dua hai rahen sabz hi tere mausam
Khuda kabhi na dikhaaye tujhe malaal ke din
Yeh umr bhar ki riyazat bhi kaam aa na saki
Jawab de na saka main kisi sawal ke din
Tasawwurat ki raaton mein sog barpa hai
Kahin pe qatl hue hain mere khayal ke din
Yeh jaanta hoon ke mumkin nahin woh laut sake
Guzarta hoon magar Zain ihtimal ke din
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں