کسی کی آنکھ سے نکلے ستارے بانٹ لینے تھے — زین شکیل
شاعر
کسی کی آنکھ سے نکلے ستارے بانٹ لینے تھے
کسی کی آنکھ سے نکلے ستارے بانٹ لینے تھے
کنارے بٹ نہیں سکتے سہارے بانٹ لینے تھے
محبت میں کبھی نقصان تو ہوتا نہیں لیکن
سمجھنا تھا یہی تو پھر خسارے بانٹ لینے تھے
جسے تم نے بھلایا ہے وہی اک شخص تھا ایسا
کہ جس نے مسکرا کر دکھ تمہارے بانٹ لینے تھے
سو اب نظروں کا شکوہ کیوں؟یہ پہلے سوچ لیتے نا
نگاہیں بانٹ لینی تھیں، اشارے بانٹ لینے تھے
کہاں تھا ناں کہ میرےبن کٹھن ہوجائے گا جینا
سو میری مان لینی تھی، گزارے بانٹ لینے تھے
جسے فرصت نہیں ملتی ہمارے پاس آنے کی
کہاں پھر زین اس نے غم ہمارے بانٹ لینے تھے
kisi ki aankh se nikle sitare baant lene the
kisi ki aankh se nikle sitare baant lene the
kinare bat nahin sakte sahare baant lene the
mohabbat mein kabhi nuqsan to hota nahin lekin
samajhna tha yahi to phir khasare baant lene the
jise tum ne bhulaya hai wahi ek shakhs tha aisa
ke jis ne muskura kar dukh tumhare baant lene the
so ab nazron ka shikwa kyun? ye pehle soch lete na
nigahen baant leni thien, ishare baant lene the
kahan tha naan ke mere bin kathan hojaye ga jeena
so meri maan leni thi, guzare baant lene the
jise fursat nahin milti hamare paas aane ki
kahan phir Zain us ne gham hamare baant lene the
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں