کوئی لمحہ اجڑ جانے کی باتیں — زین شکیل
شاعر
کوئی لمحہ اجڑ جانے کی باتیں
کوئی لمحہ اجڑ جانے کی باتیں
کرو مجھ سے بچھڑ جانے کی باتیں
پھر ان کے پاس جب بھی بیٹھ جاؤں
نہیں کرتا میں گھر جانے کی باتیں
مری آنکھوں میں دیکھو اور پڑھ لو
کوئی صحرا بکھر جانے کی باتیں
کبھی تو چاند کرتا ہی رہا تھا
سمندر میں اتر جانے کی باتیں
حقیقت جانتا ہوں زندگی کی
کرو نہ مجھ سے مر جانے کی باتیں
یہاں وہ ٹھہر کے کرتا رہا تھا
یہاں سے بھی گزر جانے کی باتیں
نہیں کرتا کوئی اب مجھ سے آ کر
مری قسمت سنور جانے کی باتیں
koi lamha ujad jane ki baaten
koi lamha ujad jane ki baaten
karo mujh se bichhad jane ki baaten
phir un ke paas jab bhi baith jaun
nahih karta main ghar jane ki baaten
meri aankhon mein dekho aur padh lo
koi sahra bikhar jane ki baaten
kabhi to chand karta hi raha tha
samandar mein utar jane ki baaten
haqeeqat janta hun zindagi ki
karo na mujh se mar jane ki baaten
yahan woh thehar ke karta raha tha
yahan se bhi guzar jane ki baaten
nahih karta koi ab mujh se aa kar
meri qismat sanwar jane ki baaten
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں