کچھ بھی ہو سکتے تھے، تسخیر نہیں ہونا تھا! — زین شکیل
شاعر
کچھ بھی ہو سکتے تھے، تسخیر نہیں ہونا تھا!
کچھ بھی ہو سکتے تھے، تسخیر نہیں ہونا تھا!
ہم کو یوں درد کی تصویر نہیں ہونا تھا!
وہ تو تم آئے تو تھوڑا سا یقیں پختہ ہوا
ہم نے تو قائلِ تقدیر نہیں ہونا تھا!
حوصلہ ہار کے جینا بھی کوئی جینا ہے
گر ہی پڑنا تھا تو تعمیر نہیں ہونا تھا!
پاگلا !دیکھتے رہنا تھا روانی کو فقط
ایسے، دریا سے بغلگیر نہیں ہونا تھا!
چاہتے ہم تو تجھے روک ہی لیتے لیکن
یوں ترے پائوں کی زنجیر نہیں ہونا تھا!
میں جو رانجھا نہ ہوا اس پہ گلہ کیوں لوگو
اُس نے ویسے بھی مری ہیر نہیں ہونا تھا!
جیسے اُس شخص کی، اشکوں سے کہانی لکھی
زین یوں اُس نے تو تحریر نہیں ہونا تھا
Kuchh bhi ho sakte the, taskheer nahin hona tha!
Kuchh bhi ho sakte the, taskheer nahin hona tha!
Hum ko yun dard ki tasveer nahin hona tha!
Woh to tum aaye to thoda sa yaqeen pukhta hua
Hum ne to qaail-e-taqdeer nahin hona tha!
Hausla haar ke jeena bhi koi jeena hai
Gar hi padna tha to taameer nahin hona tha!
Paagala! Dekhte rehna tha rawani ko faqat
Aise, darya se baghal-geer nahin hona tha!
Chahte hum to tujhe rok hi lete lekin
Yun tere paaon ki zanjeer nahin hona tha!
Main jo Ranjhe na hua us pe gila kyun logo
Usne waise bhi meri Heer nahin hona tha!
Jaise us shakhs ki, ashkon se kahani likhi
Zain yun usne to tehreer nahin hona tha
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں